ସନ୍ଷ୍ଟାର ଟିଭି ବ୍ୟୁରୋ
କଟକ: ଅତ୍ୟାଧୁନିକ ନେତାଜୀ ଟର୍ମିନାଲ ନିର୍ମାଣ କାର୍ଯ୍ୟକୁ ଆଗେଇ ନେବା ପାଇଁ ସିଏମ୍ସିର ବିଶ୍ବନାଥ ପଣ୍ଡିତ କେନ୍ଦ୍ରୀୟ ପାଠାଗାରର ଉଚ୍ଛେଦ କାର୍ଯ୍ୟ ଗତକାଲି ଠାରୁ ଆରମ୍ଭ ହୋଇଯାଇଛି । ଏହି ଉଚ୍ଛେଦ କାମ । ଓଡ଼ିଶା ବ୍ରିଜ୍ ଆଣ୍ଡ କନଷ୍ଟ୍ରକସନ୍ କର୍ପୋରେସନ୍ (ଓବି ଆଣ୍ଡ ସିସି) ଦ୍ଵାରା କରାଯାଉଛି । ତେବେ ଏହି ପାଠାଗାରକୁ ଭେଲଭିୟୁ ଛକସ୍ଥିତ ଓଡ଼ିଶା ଆଡମିନିଷ୍ଟ୍ରେଟିଭ୍ ଟ୍ରିବ୍ୟୁନାଲ୍(ଓଏଟି)କୁ ସ୍ଥାନାନ୍ତର କରାଯାଇଛି । ଚଳିତମାସ ଶେଷ ସୁଦ୍ଧା ଛାତ୍ରଛାତ୍ରୀଙ୍କ ନିମନ୍ତେ ଏହା ଖୋଲାଯିବ ।
ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କଟକ ଖାନନଗରଠାରେ ଅତ୍ୟାଧୁନିକ ନେତାଜୀ ବସ୍ ଟର୍ମିନାଲ ନିର୍ମାଣ କରିବାକୁ ଘୋଷଣା କରିବା ପରେ ଏହାର ନିର୍ମାଣ କାର୍ଯ୍ୟ ପାଇଁ ଉଚ୍ଛେଦ ପ୍ରକ୍ରିୟା ଆରମ୍ଭ ହୋଇଯାଇଛି । କିଛି ଦିନ ପୂର୍ବରୁ ସିଏମସିର ନର୍ସରିକୁ ମଧ୍ୟ ଭଙ୍ଗା ଯାଇଥିଲା ।
