ସନ୍ଷ୍ଟାର ଟିଭି ବ୍ୟୁରୋ
ମୁମ୍ଵାଇ: ଅଭିନେତ୍ରୀରୁ ନେତ୍ରୀ ସାଜି ସାତ ବର୍ଷ ହେବ ଫିଲ୍ମ ଜଗତରୁ ଦୂରରେ ଥିବା ଜୟା ବଚ୍ଚନ ଏବେ ପୁଣି ଫିଲ୍ମ ଜଗତକୁ ଫେରୁଛନ୍ତି । ତେବେ ସେ ଏକ ମରାଠୀ ଫିଲ୍ମରେ ନିଜର ଦକ୍ଷତା ଦେଖାଇବାକୁ ଯାଉଛନ୍ତି । ବଲିଉଡ୍ ହଙ୍ଗାମା ଅନୁସାରେ ଜୟା ବଚ୍ଚନ ଅଭିନୟ ଦୁନିଆକୁ ପୁଣି ଥରେ ପ୍ରବେଶ କରିବାକୁ ଯାଉଛନ୍ତି । ତେବେ ଏକ ରିପୋର୍ଟ ଅନୁସାରେ ନିର୍ଦ୍ଦେଶକ ଗଜେନ୍ଦ୍ର ଅହିରେଙ୍କର ଏକ ମରାଠୀ ଫିଲ୍ମରେ ଡେବ୍ୟୁ କରିବାକୁ ଯାଉଛନ୍ତି ଜୟା । ଗଜେନ୍ଦ୍ର ପ୍ରାୟ ୫୦ ରୁ ଅଧିକ ମରାଠୀ ଫିଲ୍ମ ବନାଇସାରିଛନ୍ତି । ଯାହା ବେଶ୍ ଲୋକପ୍ରିୟତା ମଧ୍ୟ ହାସଲ କରିଛି ।
ଜୟାଙ୍କୁ ଶେଷ ଥର ପାଇଁ ୨୦୧୩ରେ ସନ୍ଗ୍ଲାସ ଫିଲ୍ମରେ ନସିରୁଦ୍ଦିନ ଶାହଙ୍କ ସହିତ ଦେଖିବାକୁ ମିଳିଥିଲା ।ଏବେ ସାତ ବର୍ଷ ପରେ ଜୟାଙ୍କୁ ମରାଠୀ ଫିଲ୍ମରେ ଦେଖିବାକୁ ମିଳିବ ।ତେବେ ଜୟା କଭି ଖୁସି କଭି ଗମ, ବାବୁଲ୍, କୋଶିଶ୍, ସୋଲେ, ଶିଲ୍ସିଲା, ଚୁପକେ ଚୁପ୍କେ ଆଦି ଅନେକ ସୁପରହିଟ ଚଳଚ୍ଚିତ୍ରରେ ନଜର ଆସିଛନ୍ତି ।
