ସନ୍ଷ୍ଟାର ଟିଭି ବ୍ୟୁରୋ
ରାୟଗଡ଼ା: ବସ୍ ଚାଲୁଥିବା ସମୟରେ ହଠାତ ଜଲିଗଲା ବସ୍ ।ଗତ କାଲି ବିଳମ୍ଵିତ ରାତିରେ ରାୟଗଡ଼ା – କୋରାପୁଟ ରାସ୍ତାରେ ଘଟିଛି ଏପରି ଏକ ଅଭାବନୀୟ ଘଟଣା । ରାୟଗଡ଼ା – କୋରାପୁଟ ରାସ୍ତାର ସିରିକଣା ତାରିଣୀ ମନ୍ଦିର ନିକଟରେ ବସ୍ରେ ନିଆଁ ଲାଗିଯାଇଥିଲା । ନିଆଁ ଲାଗି ବସଟି ସଂପୂର୍ଣ୍ଣ ଜଳି ଯାଇଥିବା ବେଳେ ସୌଭାବଶତଃ ବର୍ତ୍ତି ଯାଇଛନ୍ତି ୫୦ରୁ ଉର୍ଦ୍ଧ୍ବ ଯାତ୍ରୀ ।
ତେବେ ସୂଚନା ଅନୁସାରେ ନବରଙ୍ଗପୁର କୋଷାଗୁମୁଡ଼ାରୁ ବସଟି ଗଞ୍ଜାମ ଜିଲ୍ଲାର ପୋଲାସରା ଅଭିମୁଖେ ଯାଉଥିଲା । ଲକ୍ଷ୍ମୀପୁର ନିକଟରେ ବସରୁ ପୋଡ଼ାଗନ୍ଧ ବାହାରିଥିଲା । ଯାତ୍ରୀମାନେ ଏ ସମ୍ପର୍କରେ ଡ୍ରାଇଭରଙ୍କୁ ଅବଗତ କରିଥିଲେ ମଧ୍ୟ ଡ୍ରାଇଭର ଏଥିପ୍ରତି ଧ୍ୟାନ ଦେଇନଥିଲେ ।ତେବେ କିଛି ସମୟ ପରେ ରାତି ୨ ଟାରେ ରାୟଗଡ଼ା ନିକଟରେ ବସଟି ଜଳି ଯାଇଥିଲା । ନିଆଁ ଦେଖି ଯାତ୍ରୀମାନେ ଭୟଭୀତ ହୋଇ ବସରୁ ଓହ୍ଲାଇ ଯାଇଥିଲେ। ଖବର ପାଇ ଅଗ୍ନିଶମ ବିଭାଗ ଓ ପୁଲିସ ପହଞ୍ଚି ଥିଲେ କିନ୍ତୁ ବସ୍ଟି ଜଳି ସାରିଥିଲା । ଘଟଣାସ୍ଥଳରେ ଥିବା ଯାତ୍ରୀମାନଙ୍କୁ ପୋଲିସ ଅନ୍ୟ ଏକ ବସ୍ ଯୋଗେ ବସଷ୍ଟାଣ୍ଡରେ ଛାଡ଼ିଥିଲା ।
