୨ ଦିନରେ ବଢିଯିବ ତାପମାତ୍ରା

ରାଜ୍ୟରେ ଆହୁରି କଲବଲ କରିବ ତାତି । ୨ରୁ ୩ ଡିଗ୍ରୀ ସେଲସିୟସ ପର୍ଯ୍ୟନ୍ତ ବୃଦ୍ଧି ପାଇବ ଦିନ ତାପମାତ୍ରା । ଏହାସହ ୨ ଦିନ ପରେ ବଦଳିବ ପବନର ବେଗ, ସବୁଠି ବଢ଼ିବ ତାତି । ଏପରିକି ଆଭ୍ୟନ୍ତରୀଣ ଓଡ଼ିଶାରେ ୩ରୁ ୫ ଡିଗ୍ରୀ ସେଲସିୟସ ଯାଏଁ ବଢିବ ତାତି । ଉପକୂଳ ଓଡ଼ିଶାରେ ସ୍ବାଭାବିକଠୁ ୨ରୁ ୩ ଡିଗ୍ରୀ ସେଲସିୟସ ଅଧିକ ତାପମାତ୍ରା ରହିବ । ଗୋଟିଏ ଦୁଇଟି ସ୍ଥାନରେ ତାପମାତ୍ରା ୪୦ ଡିଗ୍ରୀ ସେଲସିୟସ ଛୁଇଁବା ନେଇ ଆକଳନ କରିଛି ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର । ଗତକାଲି ବୌଦ୍ଧରେ ରାଜ୍ୟର ସର୍ବୋଚ୍ଚ ତାପମାତ୍ରା ୩୮.୮ ଡିଗ୍ରି ସେଲସିୟସ ରେକର୍ଡ କରାଯାଇଛି ।
ଆଞ୍ଚଳିକ ପାଣିପାଗ ବିଭାଗର ଆକଳନ ଅନୁଯାୟୀ, “ମାର୍ଚ୍ଚରୁ ମେ ଓଡ଼ିଶାରେ ଗ୍ରୀଷ୍ମପ୍ରବାହ ପ୍ରଚଣ୍ଡ ହେବ । ସ୍ବାଭାବିକଠାରୁ ତାପମାତ୍ରା ଅଧିକ ରହିବ । ଗ୍ରୀଷ୍ମ ପ୍ରବାହର ଦିନ ସଂଖ୍ୟା ବି ବଢିବ । ମାର୍ଚ୍ଚ ମାସରେ ଗ୍ରୀଷ୍ମପ୍ରବାହ ସ୍ବାଭାବିକ ଠାରୁ ୨ ରୁ ୩ ଦିନ ଅଧିକ ରହିବ । ଏପ୍ରିଲ ଏବଂ ମେ ମାସରେ ବି ଅହେତୁକ ଭାବେ ବଢିବ ତାପମାତ୍ରା ।