ବାରବାଟୀରେ ଟିମ୍ ଇଣ୍ଡିଆର ବଡ଼ ବିଜୟ । ଗର୍ଜିଲା ରୋହିତ ଶର୍ମାଙ୍କ ବ୍ୟାଟ୍|୪ ୱିକେଟରେ ଇଂଲଣ୍ଡକୁ ମାତ୍ ଦେଲା ଟିମ୍ ଇଣ୍ଡିଆ । ୩୦୫ ରନ୍ର ବିଜୟ ଲକ୍ଷ୍ୟକୁ ପିଛା କରି ୪୫ତମ ଓଭରରେ ବିଜୟୀ ହେଲା ଭାରତ । ସବୁଠୁ ଆକର୍ଷଣୀୟ ଥିଲା ବାରବାଟୀରେ ଅଧିନାୟକ ରୋହିତ ଶର୍ମାଙ୍କ ଧୂଆଁଧାର ଶତକ ।୭୬ଟି ବଲରେ ୭ଟି ଛକା ଓ ୯ଟି ଚୌକା ମାରି ଧୂଆଁଧାର ଶତକ ହାସଲ କରିଛନ୍ତି ହିଟ୍ ମ୍ୟାନ୍ ରୋହିତ ।୯୦ ବଲରୁ ୭ଟି ଛକା ଓ ୧୨ଟି ଚୌକା ସହ ୧୧୯ ରନର ଇନିଙ୍ଗସ୍ ଖେଳିଛନ୍ତି ରୋହିତ ଶର୍ମା ।ଛକା ମାରି ଶତକ ହାସଲ କରିଥିଲେ |ଗତ କିଛି ଦିନ ହେଲା ଫର୍ମରେ ନଥିଲେ ଅଧିନାୟକ ରୋହିତ ଶର୍ମା । କଟକରେ ନିଜର ପୁରୁଣା ଫର୍ମ ଫେରି ପାଇଛନ୍ତି ରୋହିତ ଶର୍ମା । ସେହିପରିଶୁଭମନ୍ ଗିଲ୍ ୫୨ ବଲରୁ ଗୋଟିଏ ଛକା ଓ ୯ଟି ଚୌକା ସହ ୬୦ ରନ୍ କରିଛନ୍ତି । ଶ୍ରେୟସ ଆୟାର ୪୪ ରନ୍ କରି ରନ୍ ଆଉଟ୍ ହୋଇ ଥିଲେ । ଅକ୍ଷର ପଟେଲ ୪୧ ରନ୍ ଓ ରବୀନ୍ଦ୍ର ଜାଡେଜା ୧୧ ରନ୍ କରି ନଟ୍ ଆଉଟ୍ ରହିଛନ୍ତି ।
