ଧିରେନ୍ଦ୍ର ସମ୍ୱାଜୀ କୁଟେ ବିଏସଏଫ ମେରୁ କ୍ୟାମ୍ପର ଆଇଜି ଭାବରେ ଦାୟିତ୍ୱ ଗ୍ରହଣ କରିଛନ୍ତି| ଦକ୍ଷତା ଓ କାର୍ଯ୍ୟଶୈଳୀ ଯୋଗୁଁ କେନ୍ଦ୍ରୀୟ ଡେପୁଟେସନରେ ଯାଇଥିବା ଶ୍ରୀ କୁଟ୍ଟେଙ୍କୁ ପୁନର୍ବାର ଏକ ବଡ ଦାୟିତ୍ୱ ପ୍ରଦାନ କରାଯାଇଛି | ଧିରେନ୍ଦ୍ର ସମ୍ୱାଜୀ କୁଟ୍ଟେ ଦାୟିତ୍ୱ ନେବା ପରେ ଅନୁଷ୍ଠାନର ସମସ୍ତ କର୍ମଚାରୀଙ୍କୁ ସେମାନଙ୍କର ଉଜ୍ଜ୍ୱଳ ଏବଂ ସୁଖ ଭବିଷ୍ୟତ ପାଇଁ କାମନା କରିବା ସହିତ ତାଲିମ ଏବଂ ପ୍ରଶାସନିକ ସ୍ତରରେ ପ୍ରଗତି ପଥରେ ଆଗକୁ ବଢିବାକୁ ବାର୍ତ୍ତା ପ୍ରଦାନ କରିଥିଲେ | ୨୮ବର୍ଷ ସେବା କାଳରେ ସେ ଓଡ଼ିଶା ରାଜ୍ୟ ପାଇଁ ଅନେକ ଗୌରବ ଆଣିଛନ୍ତି | ମୁଖ୍ୟ ଶାସନ ସଚିବ,ତନ୍ତ୍ର ସଚିବ, ପରିବହନ କମିଶନର, ଇନ୍ସପେକ୍ଟର ଜେନେରାଲ୍, ଡେପୁଟି ଇନ୍ସପେକ୍ଟର ଜେନେରାଲ ଭାବରେ ତାଙ୍କର ଉତ୍କୃଷ୍ଟ ତଥା କାର୍ଯ୍ୟ ନୈପୁଣ୍ୟତା ଓ ସମ୍ମାନଜନକ ସେବା ପାଇଁ ତାଙ୍କୁ ୨୦୧୩ ମସିହାରେ ପୋଲିସ୍ ପଦକ ପ୍ରଦାନ କରାଯାଇଥିଲା। ପୂର୍ବ ସରକାର ସମୟରେ ଅନେକ ଗୁରୁତ୍ୱପୂର୍ଣ ଦାଇତ୍ୱ ସୁଚାରୁ ରୂପେ ସମାପନ କରି ଦକ୍ଷତାର ପରିଚୟ ପ୍ରଦାନ ମଧ୍ୟ କରିଥିଲେ | ସୂଚନାଥାଉ କି, ୨୦୨୪ ସାଧାରଣ ନିର୍ବାଚନ ପରେ ବିଭିନ୍ନ କାରଣକୁ ନେଇ ବିବାଦୀୟ ହୋଇପଡିଥିଲେ ଡି.ଏସ. କୁଟ୍ଟେ | ପରବର୍ତ୍ତୀ ସମୟରେ ରାଜ୍ୟ ସରକାର ତାଙ୍କୁ କାର୍ଯ୍ୟରୁ ବହିଷ୍କାର କରି କେନ୍ଦ୍ରୀୟ ଡେପୁଟେସନରେ ନିଆଯାଇଥିଲା | ତେବେ ଗତ ଫେବୃଆରୀ ୫ ତାରିଖରେ ବିଏସଏଫ ମେରୁ କ୍ୟାମ୍ପର ଆଇଜି ଭାବରେ ନୂତନ ଦାୟିତ୍ୱ ନେଇଛନ୍ତି|
