ବୈପାରିଗୁଡ଼ା ସ୍ଥିତ ବିରଖମ୍ବ ପୋଲ ପାଖ ପୋଖରିରୁ ଜଣେ ବ୍ୟକ୍ତିଙ୍କ ମୃତ ଶରୀର ଉଦ୍ଧାର କରିଛି ବୈପାରିଗୁଡ଼ା ପୋଲିସ । ମୃତ ବ୍ୟକ୍ତି ଜଣକ ବୈପାରିଗୁଡ଼ା ଥାନା ଅନ୍ତର୍ଗତ ଖାଡ଼ୁପଦର ଗ୍ରାମର ଦିଲ୍ଲୀପ ରାୟ ବୋଲି ଜଣା ପଡ଼ିଛି। ମିଳିଥିବା ସୂଚନା ଅନୁଯାୟୀ ଦିଲ୍ଲୀପ ରାୟ ଗତ ତିନିଦିନ ହେବ ନିଖୋଜ ରହିଥିଲେ ଏ ନେଇ ଦିଲ୍ଲୀପ ରାୟଙ୍କ ପରିବାର ଲୋକେ ବୈପାରିଗୁଡ଼ା ଥାନାରେ ଏତଲା ଦେଇଥିଲେ । ବୈପାରିଗୁଡ଼ା ପୋଲିସ ଆଜି ବିରଖମ୍ବ ପୋଲ ପାଖ ପୋଖରିରୁ ଦିଲ୍ଲୀପ ରାୟଙ୍କ ମୃତ ଶରୀର ଜବତ କରିବା ସହ ତଦନ୍ତ ଆରମ୍ଭ କରିଛି । ମୃତ୍ୟୁର କାରଣ ଅସ୍ପଷ୍ଟ ରହିଛି । ତଦନ୍ତ ପରେ ମୃତ୍ୟୁର କାରଣ ଜଣାପଡ଼ିବ ବୋଲି ପୋଲିସ ପକ୍ଷରୁ ସୂଚନା ମିଳିଛି ।
