ନାବାଳିକା ଅଷ୍ଟମ ଶ୍ରେଣୀ ଛାତ୍ରୀକୁ ଦୁଷ୍କର୍ମ କରି ଜେଲ ଗଲା ଯୁବକ । ଏମିତି ଘଟଣା ଦେଖିବାକୁ ମିଳିଛି ଚାନ୍ଦବାଲି ବ୍ଳକ ବାଂଶଡା ଥାନା ଘଣ୍ଟେଶ୍ୱର ଫାଣ୍ଡି ଅଧିନ ଅଣ୍ଡିଆପାଟ ଗ୍ରାମରେ । ସୂଚନା ମୁତାବକ ଛୋଟ ବେଳୁ ନାବାଳିକା ଜଣକ ନିଜ ମାମୁଁ ଘରେ ରହି ପାଠପଢୁ ଥିଲା । ଗତକାଲି ସନ୍ଧ୍ୟାରେ ନାବାଳିକା ଜଣକ ଗ୍ରାମରେ ଥିବା କ୍ଲବ ଘରକୁ ସରସ୍ୱତୀ ପୂଜା ଦେଖିବା ପାଇଁ ଯାଇଥିଲା ,ଭିଡ଼ ଭିତରେ ମାମୁଁ ଘର ପାଖ ସମ୍ପର୍କୀୟ ଯୁବକ ବ୍ରହ୍ମାନନ୍ଦ ସାମଲ ଭାଣିଜୀକୁ ପ୍ରଲୋଭନ ଦେଖେଇ କ୍ଲବ ଘର ପଛପଟକୁ ଡାକି ନେଇ ଦୁଷ୍କର୍ମ କରିଥିଲା । ଘରକୁ ଫେରି ନାବାଳିକା ଜଣକ ନିଜ ମାଇଁ ପାଖରେ ସବୁ କଥା କହିଥିଲା । ସଂଗେ ସଂଗେ ମାମୁଁ ଘର ଲୋକେ ଘଣ୍ଟେଶ୍ୱର ଫାଣ୍ଡିରେ ଅଭିଯୋଗ କରିଥିଲେ । ଘଣ୍ଟେଶ୍ୱର ଫାଣ୍ଡି ଅଧିକାରୀ ସୂର୍ଯ୍ୟକାନ୍ତ ମହାନ୍ତି ଘଟଣାକୁ ଗୁରୁତର ସହ ନେଇ ରାତାରାତି ଅଭିଯୁକ୍ତକୁ ଗିରଫ କରିବାରେ ସଫଳ ହୋଇଥିଲେ । ଆଜି ଅଭିଯୁକ୍ତକୁ କୋର୍ଟ ଚାଲାଣ କରିବା ସହିତ ନାବାଳିକାକୁ ଡାକ୍ତର ମାଇନା ପାଇଁ ପଠାଇଯାଇଛି । ଏଠାରେ ଉଲ୍ଲେଖଯୋଗ୍ୟ ଯେ ଉକ୍ତ ଯୁବକ ଜଣକ ପୂର୍ବରୁ ଏପରି ଅନେକ ଘଟଣାରେ ଲିପ୍ତ ଥିବା ବେଳେ ଏହାକୁ ଚପାଇ ଦିଆଯାଉଥିଲା । ମାତ୍ର ଏଥର ପୋଲିସରେ ଅଭିଯୋଗ ପରେ ଅଭିଯୁକ୍ତକୁ ଗିରଫ କରି କୋର୍ଟ ଚାଲାଣ କରାଯାଇଛି ।
