ଜାତୀୟ ରାଜପଥକୁ ଅଟକାଇଲେ ଲୋକେ

ଭୁବନେଶ୍ୱର ପୁରୀ ୩୧୬ ନମ୍ବର ଜାତୀୟ ରାଜପଥ ନୂଆ ଶାସନ ଛକରେ ରାସ୍ତା ଅବରୋଧ କଲେ ଜନସାଧାରଣ । ପିପିଲି ବଜାର ଦେଇ ବସ ଚଳାଚଳ କରିବା ପରିବର୍ତ୍ତେ ବାଇପାସରେ ଯାତ୍ରା କରୁଥିବାରୁ ପିପିଲି ଜନସାଧାରଣ ଆଜି ରାସ୍ତା ଅବରୋଧ କରି ପିପିଲି ବଜାର ଦେଇ ଯାତ୍ରା କରିବା ପାଇଁ ଦାବୀ କରିଥିଲେ । ବାରମ୍ବାର ପିପିଲି ବଜାର ଦେଇ ବସ ଚଳାଚଳ କରିବା ପାଇଁ ଦାବି ହୋଇ ଆସୁ ଥିଲା ବେଳେ ଗତ କିଛିଦିନ ହେବ ପିପିଲି ବଜାର ଦେଇ ବସ ଯିବା ପାଇଁ ମାନବଧିକାର କମିଶନଙ୍କ ନିର୍ଦ୍ଦେଶ ଦେଇଥିଲେ । ଆଜି ସକାଳୁ ସ୍ଥାନୀୟ ଜନସାଧାରଣ ରାସ୍ତା ଅବରୋଧ କରିଥିବା ବେଳେ। ଉଭୟ ପାର୍ଶ୍ୱରେ ଅଟକିଲା ଶତାଧିକ ବସ । ଫଳରେ ଘଟଣା ସ୍ଥଳରେ ଭିଡ଼ ଜମିବାରୁ ପିପିଲି ପୋଲିସ ପହଁଞ୍ଚି ବୁଝା ସୁଝା କରିବା ସହ ଭିଡ଼ ନିୟନ୍ତ୍ରଣ କରିଛି । ପିପିଲି ଭିତର ଦେଇ ବସ ଯିବା ପାଇଁ ପରମିଟ ଥିବା ବେଳେ ବସ ଗୁଡିକ ବାଇପାସ ଦେଇ ଯାଉଛନ୍ତି ଯାହାକୁ ବିରୋଧ କରି ସାଧାରଣ ଲୋକମାନେ ପିପିଲି ବାଇପାସ ରେ ବସ ଗୁଡିକୁ ଅଟକାଇ ପିପିଲି ବଜାର ଭିତର ଦେଇ ଯିବାକୁ ବସ ଡ୍ରାଇଭର ଙ୍କୁ କହିଛନ୍ତି । ବସ ଗୁଡିକ ବାଇପାସ ରେ ଯାଉଥିବା ରୁ ପିପିଲି ଅଞ୍ଚଳ ର ଲୋକେ ନାହିଁ ନଥିବା ଅସୁବିଧା ର ସମ୍ମୁଖୀନ ହେଉଛନ୍ତି। ତେବେ ପୁରୀ ପରିବହନ ଅଧିକାରୀ ଙ୍କ ସହ କଥା ହୋଇ ଆସନ୍ତା ସୋମବାର ସୁଧା ସମସ୍ୟା ର ସମାଧାନ ପାଇଁ ପ୍ରତିଶୃତି ମିଳିଲା ପରେ ଆନ୍ଦୋଳନ ରୁ ହଟିଛନ୍ତି ଲୋକେ ।