ଚାନ୍ଦବାଲି ବ୍ଲକର ଧାମରା ଠାରେ ଉଦଯାପିତ ହୋଇଯାଇଛି ଧାମରା ମହୋତ୍ସବ-୨୦୨୫ । ତିନି ଦିନ ଧରି ଅନୁଷ୍ଠିତ ହୋଇଥିବା ଏହି ମହୋତ୍ସବ ର ଉଦଯାପିନି ସନ୍ଧ୍ୟା ଥିଲା ବେଶ ଆକର୍ଷଣୀୟ । ଓଡିଶୀ ନୃତ୍ୟ ଗୁରୁ ନିତ୍ୟାନନ୍ଦ ଦାସ ଗୋଟିଏ ଗୋଡ଼ରେ ଓଡ଼ଶୀ ନୃତ୍ୟ ପରିବେଷଣ କରି ସମସ୍ତଙ୍କ ମନ ଜିଣିଥିଲେ । ଏହି ଉଦଯାପନି ଉତ୍ସବରେ ଚାନ୍ଦବାଲି ବିଧାୟକ ଡ଼ଃ ବ୍ୟୋମକେଶ ରାୟ ମୁଖ୍ୟ ଅତିଥି ଭାବେ ଯୋଗ ଦେଇ ଧାମରାର ଐକୀହ ,ପରମ୍ପରା ବିଷୟରେ ଆଲୋକପାତ କରିଥିଲେ । ଧାମରା ଅଞ୍ଚଳ ଦିନକୁ ଦିନ ବିକାଶ ପଥରେ ଆଗେଇ ଚାଲିଛି ,ଦଳମତ ନିର୍ବିଶେଷରେ ସମସ୍ତେ ଏକ ମନ ହୋଇ ନିଜ ଅଞ୍ଚଳର ଉନ୍ନତି ପାଇଁ ସଂଗ୍ରାମ ଜାରି ରଖିବାକୁ ଆହ୍ୱାନ ଦେଇଥିଲେ । ତିନି ଦିନ ଧରି ଅନୁଷ୍ଠିତ ହୋଇଥିବା ଏହି ଉତ୍ସବରେ ବହୁ ବିଶିଷ୍ଟ ଅତିଥି ଯୋଗ ଦେଇଥିଲେ ତା ସହିତ ପ୍ରତିଦିନ ଓଡ଼ିଶା ତଥା ଓଡ଼ିଶା ବାହାରୁ ବହୁ କଳାକାର ଯୋଗ ଦେଇ ନିଜର କଳାକୃତି ପରିବେଷଣ କରିଥିଲେ ।
