ସରିଲା କୁମ୍ଭୀର ଗଣନା। ଖୋଲିଲା ଭିତରକନିକା। ପୁଣି ସାଧାରଣ ଲୋକଙ୍କ ପାଇଁ ଖୋଲିଛି ଭିତରକନିକା । ତେବେ କହିରଖୁଛୁ ଗତ ୧୪ ତାରିଖରୁ ଭିତରକନିକାରେ କୁମ୍ଭୀର ଗଣନା ଚାଲିଥିବାରୁ ପର୍ଯ୍ୟଟକଙ୍କ ପାଇଁ ଜାତୀୟ ଉଦ୍ୟାନ ବନ୍ଦ ରହିବା ନେଇ ସୂଚନା ଦେଇଥିଲେ ଭିତରକନିକା କର୍ତ୍ତୃପକ୍ଷ । ଯାହା ପୁଣି ଆଜିଠୁ ଖୋଲିଛି । ଅନ୍ୟପଟେ ଏବେ ହିଁ ସରିଛି ଭିତରକନିକାରେ କୁମ୍ଭୀର ଗଣନା । ଚଳିତ ଥରର ଗଣନା ଅନୁଯାୟୀ, ଏଥର କୁମ୍ଭୀର ସଂଖ୍ୟା ବୃଦ୍ଧି ପାଇଛି । ଏଥର ୧୮୨୬ଟି ବଉଳା କୁମ୍ଭୀର ଚିହ୍ନଟ ହୋଇଛନ୍ତି । ଗତବର୍ଷ ଅପେକ୍ଷା ଚଳିତବର୍ଷ କୁମ୍ଭୀର ସଂଖ୍ୟାରେ ୧୫ଟି ବୃଦ୍ଧି ଘଟିଛି। ରାଜନଗର ବନଖଣ୍ଡର କନିକା, ରାଜନଗର, ମହାକାଳପଡ଼ା ଓ ଗହୀରମଥା ରେଞ୍ଜରେ କୁମ୍ଭୀର ଗଣନା କରାଯାଇଥିଲା।
