ସର୍ଟସର୍କିଟ ଯୋଗୁଁ ଜଳିଗଲା ଇଲେକ୍ଟ୍ରିକାଲ ଦୋକାନ

ଚାନ୍ଦବାଲି ବ୍ଲକ ଧାମରାରେ ଜଳିଗଲା ଇଲେକ୍ଟ୍ରିକାଲ ମରାମତି ଦୋକାନ,ଧ୍ୱଂସ ହେଲା ସମସ୍ତ ଇଲେକ୍ଟ୍ରି ସାମଗ୍ରୀ । ସୂଚନା ମୁତାବକ ଗତକାଲି ମଧ୍ୟ ରାତ୍ରିରେ ଧାମରା ବଜାରରେ ଥିବା ଧନଞ୍ଜୟ ପଣ୍ଡାଙ୍କ ଇଲେକ୍ଟ୍ରିକାଲ ମରାମତି ଦୋକାନରେ ଅଚାନକ ନିଆଁ ଲାଗି ଜଳିବାରେ ଲାଗିଥିଲା । ଧାମରାରେ ମକରମେଳା ଚାଲିଥିବାରୁ ବଜାର ଭିଡ଼ ଥିଲା । ପ୍ରବଳ ଭିଡ଼ ଭିତରେ ନିଆଁ ଜଳିବା ଦେଖି ପାଖ ଦୋକାନିଙ୍କ ସମେତ ସମସ୍ତେ ଭୟବିତ ହୋଇ ନିକଟସ୍ଥ ଅଗ୍ନିଶମ ବହିନୀକୁ ଖବର ଦେଇଥିଲେ । ଘଟଣାସ୍ଥଳରେ ଅଗ୍ନିଶମ ବାହୀନ ପହଞ୍ଚି ନିଆଁକୁ ଆୟତ୍ତ କରିଥିଲେ ମଧ୍ୟ ଧନଞ୍ଜୟଙ୍କ ଦୋକାନର ସମସ୍ତ ଇଲେକ୍ଟ୍ରି ସାମଗ୍ରୀ ପୋଡି ପାଉଁଶ ହୋଇଯାଇଥିଲା । ବିଦ୍ୟୁତ ସର୍ଟସର୍କିଟ ଯୋଗୁଁ ନିଆଁ ଲାଗିଥିବା ଜଣା ପଡ଼ିଛି |