ଆଜି ହେଉଛି ପବିତ୍ର ମକର ସଂକ୍ରାନ୍ତି। ମକର ସଂକ୍ରାନ୍ତି ପାଇଁ ଆକାଶରେ ଭଳିକି ଭଳି ଗୁଡି ଦେଖିବାକୁ ମିଳୁଛି। ପରମ୍ପରା ଅନୁସାରେ ଏହି ଦିନ ସୂର୍ଯ୍ୟ ମକର ରାଶିରେ ପ୍ରବେଶ କରିଥାନ୍ତି । ଆଜିର ଦିନରେ ଗୁଡ଼ି ଉଡାଇବାର ମଧ୍ୟ ପରମ୍ପରା ରହିଛି। ତେବେ ସୁରକ୍ଷା ଦୃଷ୍ଟିରୁ ଗୁଡ଼ି ଉଡାଇବାବେଳେ ମାଞ୍ଝା ସୁତା କିମ୍ବା ଚାଇନିଜ୍ ସୂତା ବ୍ୟବହାର ନକରିବାକୁ ପୋଲିସ କଡ଼ା ଚେତାବନୀ ଦେଇଛି। ତେବେ ଏହି ସମୟରେ ଲୋକେ ମାନୁ ନାହାନ୍ତି କଟକଣା। ମାଞ୍ଜା ସୂତାରେ ଗୁଡି ଉଡାଇବା ପାଇଁ କଟକଣା ଲାଗିଥିଲେ ମଧ୍ୟ କଟକ ସହରରେ ସକାଳୁ ଗୁଡି ଉଡା ଆରମ୍ଭ ହୋଇ ଯାଇଛି। ଫଳରେ ମାଞ୍ଜା ସୂତା ବେକରେ ଲାଗି ବେକ କଟି ଯାଉଥିଲେ ବି ଲୋକେ ସଚେତନ ହୋଇ ନାହାନ୍ତି। ଯଦି ଦେଖିବା ଗତକାଲି ବେକରେ ମାଞ୍ଜା ସୂତା ଲାଗି ଜଣେ ଯୁବକ ଆହତ ହୋଇଥିଲେ। ଆଉ ଏହି କିଛି ଦିନ ଭିତରେ କଟକରେ ଏଭଳି 5ଟି ଅଘଟଣ ଘଟିଛି। ତଥାପି ଲୋକେ ମାନୁ ନାହାନ୍ତି।
