ଆସନ୍ତାକାଲି ମନମୋହନ ସିଂ ଙ୍କ ଶେଷକୃତ୍ୟ

ଆସନ୍ତାକାଲି ହେବ ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂହଙ୍କ ଶେଷକୃତ୍ୟ । ରାଷ୍ଟ୍ରୀୟ ମର୍ଯ୍ୟାଦା ସହ ରାଜଘାଟରେ ହେବ ଅନ୍ତିମ ସଂସ୍କାର। ମନମୋହନ ସିଂହଙ୍କ ବିୟୋଗରେ ସାରା ଦେଶରେ ୭ ଦିନିଆ ଶୋକ ଘୋଷଣା କରିଛନ୍ତି ମୋଦି ସରକାର । ଗତକାଲି ରାତିରେ ମନମୋହନ ସିଂହଙ୍କର ପରଲୋକ ହୋଇଛି । ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂହ। ସେ ଜଣେ ଭଲ ଅର୍ଥନୀତିଜ୍ଞ ଥିଲେ। ଦିଲ୍ଲୀ ଏମ୍ସରେ ଚିକିତ୍ସାଧୀନ ଅବସ୍ଥାରେ ୯୨ ବର୍ଷ ବୟସରେ ଶେଷ ନିଶ୍ୱାସ ତ୍ୟାଗ କରିଛନ୍ତି।
ପୂର୍ବତନ ପ୍ରଧାନମନ୍ତ୍ରୀ ଡ. ମନମୋହନ ସିଂଙ୍କ ପରଲୋକରେ ଦେଶ ପାଳନ କରୁଛି ୭ ଦିନିଆ ରାଷ୍ଟ୍ରୀୟ ଶୋକ । ରାଷ୍ଟ୍ରପତି ଭବନରେ ଅର୍ଦ୍ଧନମିତ ହୋଇଛି ତ୍ରିରଙ୍ଗା ପତାକା । ସପ୍ତାହକ ପାଇଁ ରାଷ୍ଟ୍ରୀୟ କାର୍ଯ୍ୟକ୍ରମ ବାତିଲ କରାଯାଇଛି । ସେପଟେ ସପ୍ତାହକ ପାଇଁ କଂଗ୍ରେସ ମଧ୍ୟ ଏହାର ସମସ୍ତ କାର୍ଯ୍ୟକ୍ରମ ବାତିଲ ଘୋଷଣା କରିଛି ।