ବିନା ପର୍ବରେ ମୁକ୍ତିଲାଭ କରିଥିବା ଓଡ଼ିଆ ଚଳଚ୍ଚିତ୍ର “ପରବ୍”କୁ ଦର୍ଶକ ଦେଉଛନ୍ତି ଢେର ଭଲ ପାଇବା l ମୁକ୍ତିଲାଭ ଦିନଠାରୁ ଆଜି ପର୍ଯ୍ୟନ୍ତ ଓଡିଶା ତଥା ଓଡିଶା ବାହାରେ ସବୁ ହଲ୍ ପୁରା ହାଉସଫୁଲ l ପୁଷ୍ପା ୨ର କ୍ରେଜ୍ ଭାଙ୍ଗି ଓଡ଼ିଆ ଫିଲ୍ମକୁ ଦର୍ଶକ ଦେଉଛନ୍ତି ଅକୁଣ୍ଠ ଭଲ ପାଇବା l ସୁପରଷ୍ଟାର ସିଦ୍ଧାନ୍ତ ମହାପାତ୍ରଙ୍କ ସହିତ ଅଭିନେତ୍ରୀ ଅନୁ ଚୌଧୁରୀ, ଦୀପନ୍ୱିତ ଦାସ ମହାପାତ୍ରଙ୍କ ସହ ସୂର୍ଯ୍ୟମୟୀ ମହାପାତ୍ରଙ୍କ ନିଖୁଣ ଅଭିନୟ ଦେଖିବାକୁ ଦେଖିବାକୁ ହଲ୍ ରେ ସିନେପ୍ରେମୀଙ୍କ ଜମୁଛି ପ୍ରବଳ ଭିଡ଼ l ଓଡ଼ିଆ, ତେଲୁଗୁ ମିଶା ସଂଳାପରେ ଦର୍ଶକଙ୍କ ତାଳି, ତା’ସହିତ ପରବ୍ ଗୀତର ତାଳରେ ଝୁମିବାରେ ଲାଗିଛନ୍ତି ଦର୍ଶକ l ଫିଲ୍ମ କୁ ନେଇ ଦର୍ଶକଙ୍କ ରିଭ୍ୟୁ,ସୁପରହିଟ।କେହି କେହି ୧୦ ରୁ ୧୦ ବି ମାର୍କ ଦେଉଛନ୍ତି।
“ଦମନ” ପରେ ଜେପି ମୋସନ ବ୍ୟାନର ତଥା ଯୁବ ପ୍ରଯୋଜକ ଦିପେନ୍ଦ୍ର ସାମଲଙ୍କର ପରବ୍ ଚଳଚ୍ଚିତ୍ର ହେଉଛି ଦ୍ଵିତୀୟ ଅବଦାନ l ଓଡିଶା ତଥା ଓଡିଶା ବାହାରେ ୫୪ଟି ସିନେମା ହଲ୍ ଏବଂ ୧୧୫ଟି ସ୍କ୍ରିନ୍ ରେ ଦର୍ଶକ ଦେଖିବାକୁ ପାଉଛନ୍ତି ପରବ୍ l ସୁପରଷ୍ଟାର ସିଦ୍ଧାନ୍ତ ମହାପାତ୍ରଙ୍କ ସମେତ ବରିଷ୍ଠ ଅଭିନେତ୍ରୀ ଅନୁ ଚୌଧୁରୀ, ଦୀପନ୍ୱିତ ଦାସ ମହାପାତ୍ର, ନାୟିକା ସୂର୍ଯ୍ୟମୟୀ ମହାପାତ୍ର ଏବଂ ଚୌଧୁରୀ ଜୟପ୍ରକାଶ ଦାସ ଭଳି ନାମୀ କଳାକାରମାନେ “ପରବ୍” ରେ ଅଭିନୟ କରିଛନ୍ତି l ଆଉ ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଇଛନ୍ତି ଯୁବ ନିର୍ଦ୍ଦେଶକ ଚିନ୍ମୟ ଦାସ l
ଓଡିଶା ଓ ଆନ୍ଧ୍ର ରାଜ୍ୟ ମଧ୍ୟରେ ପୂର୍ବରୁ କିପରି ବିବାଦ ରହିଥିଲା ଓ ରାଜ୍ୟବାସୀଙ୍କୁ କ’ଣ ସବୁ ସହିବାକୁ ପଡିଥିଲା ତାହା ହିଁ “ପରବ୍” ର କାହାଣୀ l ସୁନ୍ଦର ପ୍ରେମ କାହାଣୀ ସାଙ୍ଗକୁ ସମସ୍ତ କଳାକାରଙ୍କ ଅଭିନୟର ଯାଦୁ ଦର୍ଶକଙ୍କୁ ଆମୋଦ ଆଣିବାରେ ବେଶ ସହାୟ ହେଉଛି l ସବୁ ସିନେପ୍ରେମୀ ତଥା ସିନେସମୀକ୍ଷକଙ୍କ ମୁହଁରୁ ଗୋଟିଏ କଥା “ପରବ୍” ନିହାତି ସୁପରହିଟ ହେବ ଏଥିରେ ସନ୍ଦେହ ନାହିଁ l
ପରବ୍ ର ପ୍ରଚାର ଓ ପ୍ରସାର ମୁଖ୍ୟ ମିଡ଼ିଆ ପ୍ଲାନର ପ୍ରଣୟ ଜେଠି ଙ୍କ ମତ ହେଉଛି, ଫିଲ୍ମ ସୁପରହିଟ ହେବ ଏବଂ “ପ୍ରତୀକ୍ଷା”, “ଦମନ” ଭଳି ଜାତୀୟ ପୁରସ୍କାର ପାଇବ lତେବେ ଦେଖିବାକୁ ବାକି ରହିଲା,ଆଗକୁ ପରବ ପ୍ରଦର୍ଶନ କଣ ରହୁଛି। ସିନେପ୍ରେମୀଙ୍କ ଭିତରେ କେତେ ଉତ୍ସାହ ଭରୁଛି।
