ରାଜ୍ୟରେ ଦୁଇ ଦିନ ହେବ ଲଗାଣ ବର୍ଷା ପରେ ଆଜି କିଛି କିଛି ସ୍ଥାନରେ ପାଗରେ ପରିବର୍ତ୍ତନ ହୋଇଛି। ଲଘୁଚାପ ପ୍ରଭାବରେ ସାରା ରାଜ୍ୟରେ ବର୍ଷା ଲାଗି ରହିଥିବା ବେଳେ ଆଜିଠୁ ବର୍ଷା କମିବ ବୋଲି ସୂଚନା ଦେଇଛି ଆଞ୍ଚଳିକ ପାଣିପାଗ ବିଭାଗ କେନ୍ଦ୍ର। ଫଳରେ ରାଜ୍ୟରେ ଶୀତର ମାତ୍ରା ବଢିବ। ଶୀତ ପ୍ରଭାବରେ ଚାରିଆଡେ ଘନ କୁହୁଡି ଆଛ୍ଛାଦିତ ହେବ। କୋରାପୁଟ, କନ୍ଧମାଳ, ରାୟଗଡା, କଳାହାଣ୍ତି, କେନ୍ଦୁଝରକୁ ୟେଲୋ ୱାର୍ଣ୍ଣି ଜାରି କରିଛି ପାଣିପାଗ ବିଭାଗ କେନ୍ଦ୍ର। ଏହାସହ ତାପମାତ୍ରା 2ରୁ 4 ଡିଗ୍ରୀକୁ ଖସିବ। ଆଜି ବି କିଛି ଜିଲ୍ଲାରେ ବର୍ଷା ଲାଗି ରହିଛି। ଆହୁରୀ ଗଞ୍ଜାମ, ଗଜପତି, କୋରାପୁଟ, ରାୟଗଡାରେ ବର୍ଷା ସମ୍ଭାବନା ରହିଛି। ଅନେକ ସ୍ଥାନରେ କୋହଲା ପାଗ ଦେଖାଯିବ।
