ପିପିଲିରେ ମାଙ୍କଡ଼ ଆତଙ୍କ । ମାଙ୍କଡ଼ କାମୁଡ଼ା ରେ ୭ ଆହତ । ମାଙ୍କଡ଼ କାମୁଡ଼ା ରେ ସାତ ଆହତ ମଧ୍ୟରୁ ୩ ଗୁରୁତର ହୋଇ ଘରୋଇ ଡାକ୍ତରଖାନାରେ ଚିକିତ୍ସିତ । ସୂଚନା ଅନୁସାରେ ପିପିଲି ଏନ ଏ ଏସି ଦୁଇ ଓ ତିନି ନମ୍ବର ୱାର୍ଡ ରେ କୋଡିଏ ରୁ ଉର୍ଦ୍ଧ୍ବ ମାଙ୍କଡ଼ ଆତଙ୍କ ଖେଳାଉ ଥିବା ବେଳେ ମାଙ୍କଡ଼ ଭୟ ରେ ପିଲା ମାନେ ବିଦ୍ୟାଳୟ ଓ ଅଙ୍ଗନବାରଡି କୁ ଯିବାକୁ ଭୟ କରୁଛନ୍ତି, ଏପରିକି ଘରୁ ବାହାରିଲେ ମେଳି ବାନ୍ଧି ବାହାରିବାକୁ ପଡୁଛି, ହାତରେ ବାଡ଼ି ଓ ଠେଙ୍ଗା ଧରି ଘରୁ ବାହାରୁ ଛନ୍ତି ଲୋକେ । ମାଙ୍କଡ଼ କୁ ଘଉଡାଇବା ଲାଗି ବାଣ ଓ ବାଜା ବ୍ୟବହାର କରି ଘଉଡ଼ାଇ ଥିଲା ବେଳେ ମାଙ୍କଡ଼ ଆତଙ୍କ ରେ ଲୋକେ ଭୟଭୀତ ହୋଇ ପଡିଛନ୍ତି। ସେପଟେ ମାଙ୍କଡ଼ କୁ କାବୁ କରିବା ଲାଗି ବନ ବିଭାଗ କୁ ଚିଠି କରିବା ପାଇଁ ପିପିଲି ଏନ ଏ ଏସି ପ୍ରସ୍ତୁତ ହେଉଥିବା ବେଳେ ମାଙ୍କଡ଼ ଦାଉ ରୁ ପୌର ବାସୀ କିଭଳି ହଇରାଣ ହରକତ ନ ହେବେ ସେଥିପାଇଁ ବ୍ୟବସ୍ଥା କରାଯିବ ବୋଲି କହିଛନ୍ତି ପିପିଲି ଏନ ଏ ଏସି ଅଧ୍ୟକ୍ଷ।
