ଖୋଲିଲା ସୁସ୍ମିତାଙ୍କ ଫିଟନେସ ପଛର ରହସ୍ୟ

ବଲିଉଡ ଷ୍ଟାରମାନେ ନିଜର ବୟସକୁ ନିୟନ୍ତ୍ରଣରେ ରଖିବା ପାଇଁ ଅନେକ ପରିଶ୍ରମ କରନ୍ତି । ଯୁବାବସ୍ଥା ଅତିକ୍ରମ କରିଥିଲେ ମଧ୍ୟ ଯୁବକ ଦିଶନ୍ତି ସେଲିବ୍ରିଟିମାନେ । ଯଦି ଆମେ କଥା ହେବା ବଲିଉଡ ଅଭିନେତ୍ରୀ ସୁସ୍ମିତା ସେନଙ୍କ ବିଷୟରେ । ଅନେକ ବିବାଦୀୟ ଘଟଣାକୁ ନେଇ ଚର୍ଚ୍ଚାରେ ରହିଥିଲେ ଏହି ବ୍ରହ୍ମାଣ୍ଡ ସୁନ୍ଦରୀ । ବଲିଉଡର ପୂର୍ବତନ ମିସ୍ ୟୁନିଭର୍ସ ସୁସ୍ମିତା ସେନ ତାଙ୍କ ସୌନ୍ଦର୍ଯ୍ୟ ଏବଂ ଫିଟନେସ୍ ପାଇଁ ଆଜି ବି ପ୍ରସିଦ୍ଧି ଲାଭ କରିଛନ୍ତି । ୪୮ ବର୍ଷ ବୟସରେ ମଧ୍ୟ ତାଙ୍କ ଚେହେରାର ଚମକ ଏବଂ ଫିଟନେସ୍ ଆଶ୍ଚର୍ଯ୍ୟଜନକ ଅଟେ । ଅଭିନେତ୍ରୀ ନିଜ ଇନଷ୍ଟାଗ୍ରାମ ଆକାଉଣ୍ଟରେ ବ୍ୟାୟାମ କରିବା ସମୟରେ ପ୍ରାୟତଃ ତାଙ୍କ ଭିଡିଓ କିମ୍ବା ଫଟୋ ସେୟାର କରନ୍ତି । ନିଜକୁ ଫିଟ୍ ରଖିବା ପାଇଁ ସେ କଠିନ ପରିଶ୍ରମ କରନ୍ତି ଏବଂ ସଠିକ୍ ଖାଦ୍ୟ ଅନୁସରଣ କରନ୍ତି ।
ଗତ କିଛି ବର୍ଷ ଧରି ସୁସ୍ମିତା ସେନ୍ ଅନେକ ସ୍ୱାସ୍ଥ୍ୟ ସମ୍ବନ୍ଧୀୟ ଆହ୍ବାନର ସମ୍ମୁଖୀନ ହୋଇଥିଲେ । ୨୦୨୩ ମସିହାରେ ତାଙ୍କର ହୃଦଘାତ ହୋଇଥିଲା । ୨୦୧୪ରେ, ଏଡିସନ୍ ନାମକ ଏକ ଅଟୋଇମ୍ୟୁନ ରୋଗ ହୋଇଥିବା ଜଣାପଡିଥିଲା । ଏହା ବହୁତ ଯନ୍ତ୍ରଣାଦାୟକ ଅଟେ । ଏହି ସମସ୍ୟା ସତ୍ତ୍ବେ ସେ ନିଜକୁ ଫିଟ୍ ରଖନ୍ତି । ସୁସ୍ମିତା ଏକ ସାକ୍ଷାତକାରରେ ତାଙ୍କ ପ୍ରଶିକ୍ଷକ ନୁପୁର ଶିଖାରେ ଅଭିନେତ୍ରୀଙ୍କ ବ୍ୟାୟାମ ରୁଟିନ୍, ଫିଟନେସ୍ ମନ୍ତ୍ର ଏବଂ ଡାଏଟ୍ ବିଷୟରେ ଅନେକ ଖୁଲାସା କରିଥିଲେ ।
ନୁପୁରଙ୍କ କହିବା ଅନୁଯାୟୀ, ସୁସ୍ମିତା ନିଜ ଘର ଜିମ୍ ରେ ସପ୍ତାହରେ ଦୁଇ ଘଣ୍ଟାର ଚାରିଟି ସେସନ କରନ୍ତି । ଶରୀରର ବଡି ଓ୍ବେଟ୍ ଟ୍ରେନିଂ ଏବଂ ଫ୍ଲେକ୍ସିବିଲିଟି ଉପରେ କାର୍ଯ୍ୟ କରିବା । ମୁଣ୍ଡରୁ ଆଙ୍ଗୁଠି ଏବଂ କାନ୍ଧ ର ବ୍ୟାୟାମ କରନ୍ତି । ନିଜକୁ ଫିଟ୍ ରଖିବା ପାଇଁ ସେ ଯୋଗର ସାହାଯ୍ୟ ମଧ୍ୟ ନେଇଥାନ୍ତି । ସେ ପ୍ରାୟତଃ ରିଙ୍ଗ ଜିମ୍ନାଷ୍ଟ କରିବାବେଳେ ଭିଡିଓ ସେୟାର କରନ୍ତି । ଏହା ମାଂସପେଶୀକୁ ଶକ୍ତିଶାଳୀ କରିବାରେ ସାହାଯ୍ୟ କରିଥାଏ । ଶରୀରର ସନ୍ତୁଳନ ଏବଂ ଶକ୍ତି ବଜାୟ ରଖିବା ପାଇଁ, ସୁସ୍ମିତା ବଲ୍ ପ୍ଲେକ କୁ ମଧ୍ୟ ନିଜ ବ୍ୟାୟାମର ଏକ ଅଂଶ କରିଥାନ୍ତି । ସେ କିକ୍ ବକ୍ସିଂ, କୈଲିସ୍ତେନିକ୍ସ, ଏରିଆଲ୍ ସିଲ୍କ ଯୋଗ ଏବଂ ସମ୍ବିନେସନ ମାର୍ଶଲ ଆର୍ଟ ମଧ୍ୟ ପସନ୍ଦ କରନ୍ତି ।
ସୁସ୍ମିତା ସେନ୍ ତାଙ୍କ ଖାଦ୍ୟର ବିଶେଷ ଯତ୍ନ ନିଅନ୍ତି । ଅଦା ଚା’ ସହିତ ଦିନ ଆରମ୍ଭ କରିଥାନ୍ତି । କିଛି ସମୟ ପରେ, ସେ ଏକ ଗ୍ଲାସ୍ ପନିପରିବା ରସ ଏବଂ ତିନୋଟି ଅଣ୍ଡା ଖାଇଥାନ୍ତି କିମ୍ବା ଦଲିଆ ଖାଇଥାନ୍ତି । ପ୍ରାୟ ଦୁଇ ଘଣ୍ଟା ପରେ ସେ କିଛି ବାଦାମ ନେଇଥାନ୍ତି । ମଧ୍ୟାହ୍ନ ଭୋଜନରେ କିଛି ଭାତ, ଡାଲି, ତରକାରୀ, ଚିକେନ୍ କିମ୍ବା ମାଛ ଖାଇଥାନ୍ତି । ସେ ସନ୍ଧ୍ୟାରେ କିଛି ହାଲୁକା ଖାଇବାକୁ ପସନ୍ଦ କରନ୍ତି । ଏଥିରେ ଉପମା, ଇଡଲି ଏବଂ ଏକ କପ୍ କଫି ଭଳି ଖାଦ୍ୟ ଅନ୍ତର୍ଭୁକ୍ତ କରିଥାନ୍ତି । ନିଜକୁ ଫିଟ୍ ରଖିବା ପାଇଁ ସେ ନିମ ଏବଂ ମହୁର ମିଶ୍ରଣ ମଧ୍ୟ ଖାଇଥାନ୍ତି ।