ବିଦ୍ୟୁତ ସଟସର୍କିଟ ରୁ ନିଆଁଲାଗି ଜଳିଗଲା ଗୁହାଳ, ପାଞ୍ଚ ଗୋରୁ

ରାଜକନିକା ବ୍ଲକ ହାଟସାହି ପଞ୍ଚାୟତ ହାଟ ସାହି ଗାଁରେ ଘଟିଛି ଅଭାବନୀୟ ଘଟଣା। ଗତକାଲି ବିଳମ୍ବିତ ରାତ୍ରିରେ ହାଟସାହି ଗାଁର ସୋମ୍ୟରଞ୍ଜନ ପରିହାଡି ଙ୍କ ଘରେ ବିଦ୍ୟୁତ ସଟ ସର୍କିଟ ଘଟି ୨ ବଖରା ଘର ସହ ଗୁହାଳେ ନିଆଁ ଲାଗିଯାଇଥିଲା ଯାହା ଫଳରେ ଗୁହାଳେ ଥିବା ଦଶ ଗୋରୁଙ୍କ ମଧ୍ୟରୁ ପାଞ୍ଚ ଜୀବନ୍ତ ଦଗ୍ଧ ହୋଇଥିବା ବେଳେ ଆଉ ପାଞ୍ଚଟି ଅର୍ଦ୍ଧ ଦଗ୍ଧ ଅବସ୍ଥାରେ ଜୀବନ ସହ ସଂଗ୍ରାମ କରୁଥିବା ଦେଖିବାକୁ ମିଳିଛି।ନିଆଁର ପ୍ରୋକପ ଏତେ କ୍ଷିପ୍ର ଥିଲାଯେ ପରିବାରଙ୍କ ଜୀବନ ସିନା ବଞ୍ଚି ଗଲା ହେଲେ ଲକ୍ଷାଧିକ ଟଙ୍କାର ସମ୍ପତି ଜଳି ପୋଡି ପାଉଁଶ ହୋଇଯାଇଥିବା ସୂଚନା ମିଳିଛି। ତେବେ ଅଗ୍ନି କାଣ୍ଡ ଖବର ପାଇ ରାଜକନିକା ଅଗ୍ନିଶମ ବାହିନୀ ଘଟଣା ସ୍ଥଳରେ ପହଁଚି ନିଆଁକୁ ଆୟତ କରିଥିବା ସୂଚନା ରହିଛି। ତେବେ ସ୍ୱମ୍ୟକାନ୍ତ ଏହି ଗୋ ପାଳନ କରି ତାଙ୍କ ପରିବାର ପ୍ରତିପୋଷଣ କରୁଥିଲେ ଅଗ୍ନିକାଣ୍ଡରେ ତାଙ୍କର ସର୍ବସ୍ୱ ଚାଲିଯାଇଥିବା ବେଳେ ସରକାରୀ ସହାୟତା ପାଇଁ ଗ୍ରାମବାସୀ ଦାବି କରିଛନ୍ତି |