ପ୍ରିୟଙ୍କା ଗାନ୍ଧୀଙ୍କ ପାଖରେ ରହିଛି କେତେ ସମ୍ପତ୍ତି ?

ୱାଏନାଡ ଲୋକସଭା ଉପ-ନିର୍ବାଚନ ଲଢିବେ ରାହୁଲ ଗାନ୍ଧୀଙ୍କ ଉଭଣୀ ପ୍ରିୟଙ୍କା ଗାନ୍ଧୀ । କଂଗ୍ରେସର ସାଧାରଣ ସମ୍ପାଦକ ପ୍ରିୟଙ୍କା ଗାନ୍ଧୀ ନାମାଙ୍କନପତ୍ର ଦାଖଲ କରିଛନ୍ତି । ଏହି ଆସନ ରାହୁଲ ଗାନ୍ଧୀଙ୍କର ଥିବାବେଳେ ନିକଟରେ ସେ ରାଏବରେଲି ଆସନ ନିଜ ପାଖରେ ରଖି ୱାଏନାଡ ଆସନ ଛାଡ଼ିଥିଲେ । ନଭେମ୍ବର ୧୩ ରେ ଏଠାରେ ଉପ-ନିର୍ବାଚନ ଧାର୍ଯ୍ୟ କରାଯାଇଛି। ତେବେ ନାମାଙ୍କନ ଦାଖଲ କରିବାବେଳେ ପ୍ରିୟଙ୍କା ଗାନ୍ଧୀ ତାଙ୍କ ଆଫିଡେଭିଟ୍ ଦାଖଲ କରିଥିଲେ ଯେଉଁଥିରେ ସେ ତାଙ୍କର ମୋଟ ସମ୍ପତ୍ତିର ବିବରଣୀ ମଧ୍ୟ ଦେଇଥିଲେ। ନିର୍ବାଚନ ଆଫିଡେଭିଟରେ ପ୍ରିୟଙ୍କା ଗାନ୍ଧୀ ତାଙ୍କର ମୋଟ ସମ୍ପତ୍ତି ୧୨ କୋଟି ଟଙ୍କା ଘୋଷଣା କରିଛନ୍ତି। ଏଥିରେ ୪.୨୪ କୋଟି ଟଙ୍କା ମୂଲ୍ୟର ଚଳନ ସମ୍ପତ୍ତି ଏବଂ ୭.୭୪ କୋଟି ଟଙ୍କା ମୂଲ୍ୟର ଅସ୍ଥାବର ସମ୍ପତ୍ତି ଅନ୍ତର୍ଭୁକ୍ତ ରହିଛି । ପ୍ରିୟଙ୍କା ୧.୦୯ କୋଟି ଟଙ୍କା ମୂଲ୍ୟର ସମ୍ପତ୍ତି କିଣି ଏହାର ନିର୍ମାଣରେ ୫.୦୫ କୋଟି ଟଙ୍କା ଖର୍ଚ୍ଚ କରିଥିଲେ। ଏହା ବ୍ୟତୀତ ସେ ୨.୧୦ କୋଟି ଟଙ୍କା ମୂଲ୍ୟର ଅସ୍ଥାବର ସମ୍ପତ୍ତି ପାଇଛନ୍ତି । ପ୍ରିୟଙ୍କା ଗାନ୍ଧୀଙ୍କ ମଧ୍ୟ ୧୫.୭୫ ଲକ୍ଷ ଟଙ୍କା ରହିଛି । ୨୦୨୩-୨୪ ଆର୍ଥିକ ବର୍ଷରେ ପ୍ରିୟଙ୍କା ଗାନ୍ଧୀଙ୍କ ବାର୍ଷିକ ଆୟ ୪୬.୩୯ ଲକ୍ଷ ଟଙ୍କା ଥିଲା । ଗତ ଆର୍ଥିକ ବର୍ଷରେ ସେ ୪୭.୨୧ ଲକ୍ଷ ଟଙ୍କା ରୋଜଗାର କରିଥିଲେ । ସେପ୍ଟେମ୍ବର ୩୦, ୨୦୨୪ ରେ ତାଙ୍କ ପାଖରେ ୫୨,୦୦୦ ଟଙ୍କା ନଗଦ ଥିଲା। ପ୍ରିୟଙ୍କା ଗାନ୍ଧୀଙ୍କ ପାଖରେ ୨.୨୪ କୋଟି ଟଙ୍କା ମୂଲ୍ୟର ମ୍ୟୁଚୁଆଲ୍ ଫଣ୍ଡ ଅଛି, ଯେଉଁଥିରେ ଫ୍ରାଙ୍କଲିନ୍ ଇଣ୍ଡିଆ ଫ୍ଲେକ୍ସି କ୍ୟାପ୍-ଗ୍ରୋଥ୍ ର ୧୩,୨୦୦ ୟୁନିଟ୍ ଅନ୍ତର୍ଭୁକ୍ତ । ଏସବିଆଇରେ ଥିବା ତାଙ୍କ ପିପିଏଫ ଆକାଉଣ୍ଟରେ ୧୭.୩୮ ଲକ୍ଷ ଟଙ୍କା ଜମା କରାଯାଇଛି । ପ୍ରିୟଙ୍କାଙ୍କ ବ୍ୟାଙ୍କ ଆକାଉଣ୍ଟରେ ପାଖାପାଖି ୩.୬୦ ଲକ୍ଷ ଟଙ୍କା ରହିଛି। ପ୍ରିୟଙ୍କାଙ୍କର ଅଂଶଧନ ନାହିଁ, କିନ୍ତୁ ତାଙ୍କ ସ୍ୱାମୀ ରବର୍ଟ ଭଦ୍ରା ଉଷା ମାର୍ଟିନ, ଇନଫୋସିସ୍, ଟାଟା ପାୱାର, NIIT ଏବଂ ରେଳ ବିକାଶ ନିଗମ ପରି ସେୟାରର ମାଲିକ ଅଟନ୍ତି । ପ୍ରିୟଙ୍କା ଗାନ୍ଧୀଙ୍କ ପାଖରେ ୮ ଲକ୍ଷ ଟଙ୍କା ମୂଲ୍ୟର ଏକ ହୋଣ୍ଡା CRV କାର ଅଛି, ଯାହା ତାଙ୍କୁ ତାଙ୍କ ସ୍ୱାମୀ ଉପହାର ଦେଇଥିଲେ। ଏହା ବ୍ୟତୀତ ତାଙ୍କର ୧.୧୫ କୋଟି ଟଙ୍କା ସୁନା ଏବଂ ୨୯ ଲକ୍ଷ ଟଙ୍କା ମୂଲ୍ୟର ରୂପା ରହିଛି । ଦିଲ୍ଲୀର ସୁଲତାନପୁର ମେହେରୁଲି ଗ୍ରାମରେ ପ୍ରିୟଙ୍କାଙ୍କ ୨.୧୦ କୋଟି ଟଙ୍କା ମୂଲ୍ୟର କୃଷି ଜମି ଅଛି, ଯେଉଁଥିରେ ତାଙ୍କ ଭାଇ ରାହୁଲ ଗାନ୍ଧୀଙ୍କ ମଧ୍ୟ ଅଂଶ ରହିଛି । ଏହା ବ୍ୟତୀତ ହିମାଚଳ ପ୍ରଦେଶର ଶିମଲାରେ ପ୍ରିୟଙ୍କାଙ୍କ ଘର ୫.୬୩ କୋଟି ଟଙ୍କା ରହିଛି। ରବର୍ଟ ଭଦ୍ରାଙ୍କ ମୋଟ ସମ୍ପତ୍ତି ହେଉଛି ୬୫.୫ କୋଟି ଟଙ୍କା, ଯେଉଁଥିରେ ୩୭.୯ କୋଟି ଟଙ୍କା ମୂଲ୍ୟର ଚଳନ ସମ୍ପତ୍ତି ଏବଂ ୨୭.୬୪ କୋଟି ଟଙ୍କା ମୂଲ୍ୟର ଅସ୍ଥାବର ସମ୍ପତ୍ତି ଅନ୍ତର୍ଭୁକ୍ତ । ରବର୍ଟ ଭଦ୍ରା ଭଡା, ବ୍ୟବସାୟ, ସୁଧ, ବିନିଯୋଗ ଏବଂ ଅନ୍ୟାନ୍ୟ ଉତ୍ସରୁ ଆୟ ପାଆନ୍ତି ।