ବୋଟ ସ୍ଥାନାନ୍ତରଣ ବେଳେ ବୁଡ଼ିଲା ମତ୍ସ୍ୟଜୀବିଙ୍କ ବୋଟ । ବୋଟରେ ଥିବା 10 ଜଣ ମତ୍ସଯିବିଙ୍କୁ ଉଦ୍ଧାର କଲା ଧାମରା ମେରାଇନ ପୋଲିସ । ଚାନ୍ଦବାଲି ବ୍ଳକ ଧାମରାଇ ମନ୍ଦିର ନିକଟରେ ଘଟିଛି ଏମିତି ଅଘଟଣ । ସୂଚନା ମୁତାବକ ବାତ୍ୟା ପାଇଁ ବୋଟ ଗୁଡିକ ଏବେ କୂଳମୁଁହା । ନିଜ ନିଜର ବୋଟ ଗୁଡିକୁ ସୁରକ୍ଷିତ ସ୍ଥାନକୁ ନେଉଛନ୍ତି ମତ୍ସ୍ୟଜୀବୀ । ଆଜି ଏକ ବୋଟକୁ ଧାମରା ମନ୍ଦିର ନିକଟସ୍ଥ ଜେଠିରୁ ଅନ୍ୟ ଏକ ସୁରକ୍ଷିତ ସ୍ଥାନକୁ ବୋଟ ମାଲିକ ନେଉଥିବା ବେଳେ ଘଟିଛି ଏମିତି ଅଘଟଣ । ବୋଟରେ ପାଣି ପସିଯିବା ଫଳରେ ବୋଟ ବୁଡିବାକୁ ଲାଗିଥିଲା । ସେଥିରେ ଥିବା 10 ଜଣ ମତ୍ସ୍ୟଜୀବୀ ଉଦ୍ଧାର ପାଇଁ ନିକଟରେ ଥିବା ଏକ ବୋଟ ଓ ମେରାଇନ ପୋଲିସ କୁ ସାହାଯ୍ୟ ମାଗିଥିଲେ । ମେରାଇନ ପୋଲିସ ଘଟଣାସ୍ଥଳରେ ପହଞ୍ଚି 10 ଜଣ ମତ୍ସ୍ୟଜୀବୀଙ୍କୁ ସୁରକ୍ଷିତ ଭାବେ ଉଦ୍ଧାର କରିଛି ।
