ଆଲିଆ ଭଟ୍ଟ ଆଜିକାଲି ତାଙ୍କ ଆକ୍ସନ୍-ଥ୍ରୀଲର ଫିଲ୍ମ ‘ଜିଗରା’କୁ ନେଇ ଖୁବ ଚର୍ଚ୍ଚାରେ। ଏହି ଫିଲ୍ମ ୧୧ ଅକ୍ଟୋବର ଦଶହରା ଅବସରରେ ରିଲିଜ୍ ହୋଇଛି। ଏହି ଫିଲ୍ମରେ ଆଲିଆ ଜଣେ ଡେୟାରିଂ ସିଷ୍ଟର୍ ଭୂମିକାରେ ଅଭିନୟ କରିଛନ୍ତି, ଯିଏ ତାଙ୍କ ନିର୍ଦ୍ଦୋଷ ଭାଇକୁ ଜେଲ୍ରୁ ମୁକ୍ତ କରିବାକୁ ଚେଷ୍ଟା କରୁଛନ୍ତି।
ତେବେ ‘ଜିଗ୍ରା’ ଥିଏଟରରେ ଚାଲିଥିବାବେଳେ ଆଲିଆ ଭଟ୍ଟଙ୍କ ବିଷୟରେ ଏକ ଆଶ୍ଚର୍ଯ୍ୟଜନକ ଖବର ଆସିଛି। ଆଲିଆ ଭଟ୍ଟ ତାଙ୍କ ଅସୁସ୍ଥତାକୁ ନେଇ ପ୍ରକାଶ କରିଛନ୍ତି। ତେବେ ଏହା ସମସ୍ତେ ଜାଣନ୍ତି ଯେ ଆଲିଆ ଭଟ୍ଟଙ୍କର ADHD ବା ଆଟେନ୍ସନ୍ ଡିଫିସିଏଟ୍ ହାଇଆକ୍ଟିଭିଟି ଡିସ୍ଅର୍ଡର୍ ଅଛି।
ଏହି ରୋଗରେ ଧ୍ୟାନର ଅଭାବ ହେବା ସହିତ ଟିକେ ଟିକେ କଥାରେ ଚିଡିଚିଡା ଏବଂ ହଠାତ ରାଗିବା ଭଳି ପ୍ରତିକ୍ରିୟା ଦେଖାଯାଏ। ବର୍ତ୍ତମାନ ଆଲିଆ ତାଙ୍କର ଏହି ରୋଗକୁ ନିଶ୍ଚିନ୍ତ କରିଛନ୍ତି |
