ସନଷ୍ଟାର ଟିଭି
ଦିନ ଦ୍ୱିପ୍ରହରେ ଲୁଟି ନେଲେ ଲୁଟେରା ଆଉ କଳାକନା ବୁଲାଇ ଦେଲେ ସୀମା ସୁରକ୍ଷା ବାହିନୀ ଙ୍କ ଘରେ।ଏହା ହେଉଛି କେନ୍ଦ୍ରାପଡ଼ା ଜିଲ୍ଲା ଅନ୍ତର୍ଗତ ରାଜକନିକା ଥାନା ଅଧିନ ନମତରା ଗ୍ରାମ ପଞ୍ଚାୟତର ନମତରା ଗ୍ରାମରେ ସୀମା ସୁରକ୍ଷା ବାହିନୀରେ କାର୍ଯ୍ୟରତ ପ୍ରଦୀପ କୁମାର ଜେନା ଙ୍କ ପରିବାର ନିକଟସ୍ତ ବ୍ୟାଙ୍କ୍ ଅଫ ଇଣ୍ଡିଆ, କଣ୍ଡିଆ କୁ ଯାଇଥିବାର ସୁଯୋଗ ନେଇ ଦୁର୍ବୃତ୍ତ ମାନେ ଘରେ ଗ୍ରିଲ ଭାଙ୍ଗି ଘରେ ପଶି ଲକର୍ ତାଡ଼ି ହୀରାର ମଙ୍ଗଳ ସୂତ୍ର, ସୁନା, ରୂପା ଗହଣା ଆଉ ନଗଦ ଅର୍ଥ ରାଶି ନେଇ ଯାଇ କଳାକନା ବୁଲାଇ ଦେଇଛନ୍ତି।ତାଙ୍କ ସ୍ତ୍ରୀ ଅନ୍ନପୂର୍ଣ୍ଣା ଜେନା ବ୍ୟାଙ୍କ ରୁ ଫେରି ଏ ଘଟଣା ଦେଖି ଦୁଃଖରେ ଭାଙ୍ଗି ପଡିଛନ୍ତି। ଜନ ଗହଳୀ ଆଉ ଦିନ ଦ୍ୱି ପ୍ରହରେ ଲୁଟେରା ମାନେ ଲୁଟ କରିନେବା ଏବଂ ଘରେ ଗ୍ରିଲ୍ ଭାଙ୍ଗି କଳାକନା ବୁଲାଇବା ଦ୍ଵାରା ପ୍ରମାଣିତ ହେଉଛି ଆଇନ ଶୃଙ୍ଖଳା ବିପର୍ଯ୍ୟସ୍ତ ଆଉ ଲୁଟେରା ମାନେ ସକ୍ରିୟ।ନିଜର ଝିଅ ବିଭାଘର ପାଇଁ କରିଥିବା ହୀରାର ମଙ୍ଗଳ ସୂତ୍ର ସହ ସୁନା ରୂପା ଗହଣା ଆନୁମାନିକ ୩୦ ଲକ୍ଷ ଟଙ୍କା ରୁ ଉର୍ଦ୍ଧ ଆଉ ନଗଦ ଅର୍ଥ ରାଶି ଅଢେଇ ଲକ୍ଷ ଟଙ୍କା ଲକର ଭାଙ୍ଗି ଲୁଟେରା ମାନେ ନେଇ ଯାଇଥିବାର ସୂଚନା ଦେଇ କଣ୍ଡିଆ ଫାଣ୍ଡିରେ ଏକ ଲିଖିତ ଏତଲା ଦେଇଛନ୍ତି।ଯଦି ଦିନ ଦ୍ୱି ପ୍ରହରେ ସୀମା ସୁରକ୍ଷା ବାହିନୀ ଙ୍କ ଘରେ ଲୁଟେରା ମାନେ ଲୁଟ କରିନେବା ,ପୋଲିସ ପ୍ରତି ଏକ ଚ୍ୟାଲେଞ୍ଜ ସୃଷ୍ଟି କରିଛି ?
