Sunstar TV :
ଜୁଲାଇ ୨୬ ତାରିଖ, ଭାରତୀୟ ଇତିହାସରେ ଏକ ସ୍ମରଣୀୟ ଦିନ। କାର୍ଗିଲ ବିଜୟ ଦିବସ। ଭାରତୀୟ ଯବାନ ମାନେ ଏହି ଦିନ ନିଜ ବୀରତ୍ୱ ଓ ସାହାସର ନିଦର୍ଶନ ପ୍ରଦର୍ଶନ କରିଥିଲେ। ୧୯୯୯ ମସିହା ମେ ମାସରୁ ଯୁଦ୍ଧ ଆରମ୍ଭ ହୋଇଥିବା ବେଳେ ଜୁଲାଇ ୨୬ ତାରିଖରେ କାର୍ଗିଲ ଘାଟିକୁ ନିଜ ଅକ୍ତିଆରକୁ ନେଇଥିଲେ ଭାରତୀୟ ଯବାନ।
ତେବେ କାର୍ଗିଲ ବିଜୟ ଦିବସରେ ସହିଦ ହୋଇଥିବା ଯବାନଙ୍କୁ ସଲାମ ଜଣାଇବା ପାଇଁ ଏହା ଏକ ସ୍ମରଣୀୟ ଦିନ। ଏବେ ଆସନ୍ତୁ ଜାଣିବା କେବେ ଆରମ୍ଭ ହୋଇଥିବା ଏହି ଯୁଦ୍ଧ ।
ମାଇନସ୍ ୧୦ଡିଗ୍ରୀ ସେଲସିୟସରେ କାର୍ଗିଲ ଯୁଦ୍ଧ ହୋଇଥିଲା
ଭାରତୀୟ ସେନାର ୫୦୦ରୁ ଅଧିକ ଅଧିକାରୀ ଏବଂ ସୈନିକ ଶହିଦ୍ ହୋଇଥିଲେ
ପାଖାପାଖି ୭୦୦ ପାକିସ୍ତାନୀ ସୈନ୍ୟ ନିହତ ହୋଇଥିଲେ।
ଭାରତର ସ୍ମରଣୀୟ କାର୍ଗିଲ ଯୁଦ୍ଧକୁ ପୁରିଲା ୨୫ ବର୍ଷ । ଏହି କାର୍ଗିଲ ଯୁଦ୍ଧରେ ଭାରତୀୟ ବୀର ଯବାନ ପାକିସ୍ତାନକୁ ପରାସ୍ତ କରି ଆସୀମ ଶୌର୍ଯ୍ୟ ଓ ପରାକ୍ରମର ପରିଚୟ ଦେଇଥିଲା । ଯାହାକୁ ନେଇ ଆଜି ବି ଗର୍ବ କରେ ସାରେ ଦେଶ । ଭାରତୀୟ ନିୟନ୍ତ୍ରଣ ରେଖାରୁ (LOC) ରୁ ପାକିସ୍ତାନୀ ସୈନ୍ୟଙ୍କୁ ବିତାଡ଼ିତ କରିବା ପାଇଁ ହୋଇଥିବା କାର୍ଗିଲ୍ ଯୁଦ୍ଧ ମେ ୧୯୯୯ ରେ ଆରମ୍ଭ ହୋଇଥିଲା ।
୩ ମେ ୧୯୯୯ ରେ ଆରମ୍ଭ ହୋଇଥିବା କାର୍ଗିଲ ଯୁଦ୍ଧ ୨ ମାସରୁ ଅଧିକ ସମୟ ଧରି ଚାଲିଥିବା ଏବଂ ୨୬ ଜୁଲାଇରେ ଶେଷ ହୋଇଥିଲା । ୨୬ ଜୁଲାଇ ୧୯୯୯ ରେ ଭାରତୀୟ ସେନା ଆନୁଷ୍ଠାନିକ ଭାବରେ ଯୁଦ୍ଧରେ ବିଜୟ ନେଇ ଘୋଷଣା କରିଥିଲା, ତେଣୁ ଭାରତୀୟ ଯବାନଙ୍କ ବଳିଦାନ, ତ୍ୟାଗ ଓ ବିଜୟଗାଥାକୁ ମନେ ପକାଇବା ପାଇ ପ୍ରତିବର୍ଷ ୨୬ ଜୁଲାଇରେ କାର୍ଗିଲ ବିଜୟ ଦିବସ ପାଳନ କରାଯାଉଛି ।
କାର୍ଗିଲ ଯୁଦ୍ଧରେ ଭାରତୀୟ ସେନାର ୫୦୦ରୁ ଅଧିକ ଅଧିକାରୀ ଏବଂ ସୈନିକ ପ୍ରାଣ ହରାଇଥିଲେ ସେହିପରି କାର୍ଗିଲ ଯୁଦ୍ଧରେ ପ୍ରାୟ ୬୯୬ ପାକିସ୍ତାନୀ ସୈନିକ ନିହତ ହୋଇଥିଲେ । ୧୯୪୭ ମସିହାରେ ଭାରତ ବିଭାଜନ ପୂର୍ବରୁ କାର୍ଗିଲ ଲଦାଖର ବାଲ୍ଟିସ୍ତାନ ଜିଲ୍ଲାର ଏକ ଅଂଶ ଥିଲା । କାଶ୍ମୀର ଯୁଦ୍ଧ ପରେ ଏହା ପ୍ରଥମେ LOC ରୁ ଅଲଗା ହୋଇଥିଲା କାର୍ଗିଲ ଯୁଦ୍ଧରେ ୨.୫୦ ଲକ୍ଷରୁ ଅଧିକ ଗୁଳି, ବୋମା ଏବଂ ରକେଟ ବ୍ୟବହାର ହୋଇଥିଲା ।
ଭାରତୀୟ ବାୟୁସେନା ୨୬ ମେ ୧୯୯୯ ରେ କାର୍ଗିଲ ଯୁଦ୍ଧ ସମୟରେ ‘ଅପରେସନ୍ ସଫେଡ୍ ସାଗର’ ଆରମ୍ଭ କରିଥିଲା । ପାକିସ୍ତାନୀ ସୈନ୍ୟ ଉପରେ ଆକ୍ରମଣ କରିବା ପାଇଁ ଭାରତୀୟ ମିଗ୍ -୨୧, ମିଗ୍ -୨୭ ଏବଂ ମିରାଜ୍ ୨୦୦୦ ଭଳି ଯୁଦ୍ଧ ବିମାନ ବ୍ୟବହାର କରାଯାଇଥିଲା । ପରେ ଏହି ଯୁଦ୍ଧ ବିମାନରୁ ରକେଟ୍ ଏବଂ କ୍ଷେପଣାସ୍ତ୍ର ନିକ୍ଷେପ କରାଯାଇଥିଲା ।