Sunstar TV :
ଏକ ଭାଇରାଲ ଭିଡିଓ ଉପରେ ମନ୍ତବ୍ୟ ଦେଇ ବିବାଦ ଘେରରେ ବଲିଉଡ ଅଭିନେତା ସୋନୁ ସୁଦ । ଅନେକ ସୋସିଆଲ ମିଡିଆ ୟୁଜର୍ସ ତାଙ୍କୁ ଏହି ଘଟଣାକୁ ନେଇ ଜୋରଦାର ଟ୍ରୋଲ କରିବା ଆରମ୍ଭ କରିଦେଇଛନ୍ତି । ସୋନୁ ସୁଦଙ୍କ ଏଭଳି ମନ୍ତବ୍ୟ ପରେ ସୋସିଆଲ ମିଡିଆରେ ତାଙ୍କୁ ବେଶ ସମାଲୋଚନା କରାଯାଉଥିବା ଦେଖିବାକୁ ମିଳିଛି ।
ଏହାମଧ୍ୟରେ ବଲିଉଡ କୁଇନ ତଥା ସାଂସଦ କଙ୍ଗନା ରାଣାଓ୍ବତ ଏକ୍ସରେ ସୋନୁ ସୁଦଙ୍କୁ ଟାର୍ଗେଟ କରିଛନ୍ତି । ସୋନୁ ସୁଦ ଆଉ ଏକ ରାମାୟଣ ନିର୍ଦ୍ଦେଶନା ଦେବାକୁ ଯାଉଛନ୍ତି ବୋଲି କହିଛନ୍ତି କୁଇନ ।
ଅଭିନେତ୍ରୀରୁ ରାଜନେତ୍ରୀ ବନିଥିବା କଙ୍ଗନା ରାଣାଓ୍ବତ ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ ସୋନୁ ସୁଦଙ୍କୁ ସମାଲୋଚନା କରିଥିବା ଦେଖିବାକୁ ମିଳିଛି ।
ଏକ ନ୍ୟୁଜ ରିପୋର୍ଟ ଯେଉଁଥିରେ ଲେଖାଥିଲା, ଅଭିନେତା ସୋନୁ ସୁଦ ଲୋକମାନଙ୍କ ଖାଦ୍ୟରେ ଛେପ ପକାଇବାକୁ ଉଚିତ ବୋଲି କହିଛନ୍ତି । ସେ ଏହି ଘଟଣାକୁ ରାମାୟଣ ଓ ଭଗବାନ ଶ୍ରୀରାମଙ୍କ ସହ ଯୋଡି ଲେଖିଛନ୍ତି ଯଦି ଆମ ଶ୍ରୀରାମ ଶବରୀର ଅଇଁଠା କୋଳି ଖାଇଥିଲେ ତେବେ ମୁଁ କାହିଁକି ଖାଇପାରିବି ନାହିଁ । ଏହି ରିପୋର୍ଟକୁ ନେଇ କଙ୍ଗନା ସୋନୁଙ୍କୁ ଟ୍ରୋଲ କରିଥିବା ଦେଖିବାକୁ ମିଳିଛି । ସେ ଲେଖିଛନ୍ତି, “ସୋନୁଜୀ ନିଜ ଚିନ୍ତାଧାରାକୁ ନେଇ ଆଉ ଏକ ରାମାୟଣର ନିର୍ଦ୍ଦେଶନା ଦେବାକୁ ଯାଉଛନ୍ତି ।ବଲିଉଡରେ ଆଉ ଏକ ରାମାୟଣ ହେବାକୁ ଯାଉଛି ।”
