SunstarTV
ପୁଣି ଥରେ ଖୋଲିବାକୁ ଯାଉଛି ରତ୍ନଭଣ୍ଡାର । ଆଉ କିଛି ସମୟର ଅପେକ୍ଷା ପରେ ଖୋଲିବ ମନ୍ଦିରର ରତ୍ନଭଣ୍ଡାର। ଆଜି ପୁଣିଥରେ ଖୋଲାଯିବ ରତ୍ନଭଣ୍ଡାର। ଗତ ରବିବାର ବାହାର ରତ୍ନଭଣ୍ଡାର ଖୋଲାଯାଇ କେବଳ ସ୍ୱର୍ଣ୍ଣ ଓ ରୌପ୍ୟ ଅଳଙ୍କାର ଗୁଡ଼ିକୁ ଅସ୍ଥାୟୀ ଷ୍ଟ୍ରଙ୍ଗରୁମକୁ ସ୍ଥାନାନ୍ତର ହୋଇଥିଲା। ସେଦିନ ବାହାର ଭଣ୍ଡାର ଘରୁ ସୁନା କଢ଼ାଯାଇଥିବା ବେଳେ ଆଜି ଭିତର ରତ୍ନଭଣ୍ଡାରର ପାଳି। ତେବେ ଏ ନେଇ କମିଟି ଅଧ୍ୟକ୍ଷ ଜଷ୍ଟିସ୍ ବିଶ୍ଵନାଥ ରଥ କହିଛନ୍ତି ନିର୍ଦ୍ଧାରିତ ସମୟ ୯ଟା ୫୧ ମିନିଟ୍ ରେ ଭିତର ରତ୍ନଭଣ୍ଡାର ଖୋଲାଯିବ।
ଆଗ ଖୋଲିବା ପରେ କେତେ ରତ୍ନ ଅଛି , ଦେଖିବା ପରେ ନିଷ୍ପତ୍ତି ନିଆଯିବ । ସେପଟେ ଭିତର ରତ୍ନଭଣ୍ଡାରକୁ ଯାଇପାରନ୍ତି ଗଜପତି ମହାରାଜା। ଗଜପତି ମହାରାଜାଙ୍କ ଯିବାର ସମ୍ଭାବନା ରହିଛି। ଗଜପତି ମହାରାଜା ଉପସ୍ଥିତ ରହିଲେ ଆମେ ଭାଗ୍ୟବାନ୍ ମନେ କରିବୁ ବୋଲି କହିଛନ୍ତି କମିଟି ଅଧ୍ୟକ୍ଷ। ଟ୍ରଜେରୀର ଚାବି ନେଇ ଜିଲ୍ଲାପାଳ ପହଞ୍ଚିଛନ୍ତି । ସମସ୍ତେ ପାରମ୍ପାରିକ ପୋଷାକ ପିନ୍ଧି ମନ୍ଦିର ଭିତରକୁ ପ୍ରବେଶ କରିବେ ବୋଲି ସୂଚନା ରହିଛି ।
