SUNSTARTV
ସନଷ୍ଟାରଟିଭି ବ୍ୟୁରୋ: ଏସିଆର ମହାଦେଶର ବଡ ଧନି ମୁକେଶ ଅମ୍ବାନୀଙ୍କ ଘରେ ଚାଲିଛି ଗ୍ରାଣ୍ଡ ସେଲିବ୍ରେସନ । ସାନ ପୁଅ ଅନନ୍ତ ଅମ୍ବାନୀଙ୍କ ବିବାହରେ ପାଣି ଭଳି ଖର୍ଚ୍ଚ ହେଉଛି ଟଙ୍କା । ତେବେ ଗତକାଲି ରାଜକୀୟ ଥାଟରେ ସମ୍ପନ୍ନ ଅନନ୍ତ ଅମ୍ବାନି ଓ ରାଧିକା ମର୍ଚ୍ଚାଣ୍ଟଙ୍କ ବିବାହ ସମ୍ପନ୍ନ। ଆଜି ଶୁଭ ଆଶୀର୍ବାଦ କାର୍ଯ୍ଯକ୍ରମ ଓ ଆସନ୍ତାକାଲି ହେବ ମଙ୍ଗଳ ଉତ୍ସବ ଅର୍ଥାତ ରିସେପସନ। ଯେଉଁଥିରେ ବଲିଉଡ ଠାରୁ ଆରମ୍ଭ ହଲିଉଡ ଯାଏଁ ସମସ୍ତ କଳା ଦେଖାଉଛନ୍ତି ତାଙ୍କ ଜଲୱା । ଏପରିକି ନେତା ମନ୍ତ୍ରୀଙ୍କ ଠାରୁ ଆରମ୍ଭ କରି ବଡ ବଡ ବିଜନେସ୍ ମ୍ୟାନ ମଧ୍ୟ ଅନନ୍ତ ଅମ୍ବାନୀଙ୍କ ବିବାହରେ ଯୋଗ ଦେଇଛନ୍ତି । ମୁମ୍ବାଇ ଜିଓ ୱାର୍ଲଡ କନଭେନସନ ସେଣ୍ଟରରେ ଚାଲିଥିବା ବିବାହ ଉତ୍ସବ ସାରା ମୁମ୍ବାଇକୁ ଚମକାଇ ଦେଇଥିଲା। ଏହି ହାଇ ପ୍ରୋଫାଇଲ ମ୍ୟାରେଜ ସେରିମନି ପାଇଁ ୫ହଜାର କୋଟି ଖର୍ଚ୍ଚ ହେଉଛି।
ପ୍ରପ୍ରଥମେ ଜାମନଗରରେ ପ୍ରିୱେଡିଂ ସେଲିବ୍ରେସନ ହେବା ପରେ ଇଟାଲୀରେ ହୋଇଥିଲା ଦ୍ବିତୀୟ ପ୍ରିୱେଡିଂ ସେଲିବ୍ରେସନ। ଗତ ସପ୍ତାହଠାରୁ ଆରମ୍ଭ ହୋଇଥିଲା ନୀତା ମୁକେଶ ଅମ୍ବାନି କଲଚରାଲ ସେଣ୍ଟରରେ ରଙ୍ଗାରଙ୍ଗ ସଙ୍ଗୀତ ସେରିମନି। ଏହି ଉତ୍ସବରେ ସାମିଲ ହୋଇଛନ୍ତି ଶାହାରୁଖ ଖାଁ, ସଲମାନ ଖାଁ, ରଣବୀର ସିଂ, ଦୀପିକା ପାଦୁକୋନ, ଆମିର ଖାଁ, ଜାହ୍ନବୀ କପୁର, ଆଲିଆ ଭଟ୍ଟ, ଅନନ୍ଯା ପାଣ୍ଡେ, ରଣବୀର କପୁର, ଭିକ୍କି କୌଶଲ, କାଟ୍ରିନା କୈଫ, ଅମିତାଭ ବଚ୍ଚନ, ଐଶ୍ବର୍ଯ୍ୟା ରାୟ, ପ୍ରିୟଙ୍କା ଚୋପ୍ରା, ନିକ ଜୋନସ, କିମ କାର୍ଦସିଆନ, ହଲିଉଡ ଅଭିନେତା ଜନ ସେନା ପ୍ରମୁଖ।
ତେବେ ଅନନ୍ତ ଏବଂ ରାଧିକାଙ୍କ ବିବାହରେ ନୀତା ଅମ୍ବାନୀ ମଧ୍ୟ ଖୁବ୍ ସୁନ୍ଦର ଦେଖାଯାଉଥିଲେ । ସେ ଏକ ସୁନାର ଶାଢି ପିନ୍ଧିଥିବା ବେଳେ ତା ସାଙ୍ଗକୁ ମ୍ୟାଚ୍ କରି ବହୁ ମୁଲ୍ୟବାନ ଅଳଙ୍କାର ମଧ୍ୟ ପରିଧାନ କରିଥିବା ଦେଖିବାକୁ ମିଳିଥିଲା । ତେବେ ଗତକାଲି ରାଧିକା ଏବଂ ଅନନ୍ତ ବିବାହ ସରିଥିବା ବେଳେ ଆସନ୍ତା କାଲି ସେମାନଙ୍କ ମଙ୍ଗଳ ଉତ୍ସବ ଅର୍ଥାତ୍ ଗ୍ରାଣ୍ଡ ରିସେପସନ ଅଛି । ଅନନ୍ତ ଓ ରାଧିକାଙ୍କ ବିବାହ ଚଳିତ ଦଶନ୍ଧିର ସବୁଠାରୁ ଚର୍ଚ୍ଚିତ ବିବାହ ବୋଲି କୁହାଯାଉଛି। ମୁକେଶ ଓ ନୀତାଙ୍କ ସାନପୁଅ ଅନନ୍ତଙ୍କ ସହ ତାଙ୍କର ପୁରୁଣା ବାନ୍ଧବୀ ତଥା ବୀରେନ ଓ ଶୈଳ ମର୍ଚ୍ଚାଣ୍ଟଙ୍କ କନ୍ଯା ରାଧିକାଙ୍କ ବିବାହ ଲାଗି ଗତ କିଛିମାସ ଧରି ସାରା ଦେଶରେ ଜାରି ରହିଛି ଚର୍ଚ୍ଚା। ଏହି ବିବାହରେ ଭାରତର ସମୃଦ୍ଧ ସଂଗୀତ ପରମ୍ପରା ସହିତ ଅତିଥିମାନଙ୍କୁ ପରିଚିତ କରାଯାଇଛି।
