SunstarTV
ଓଡ଼ିଶା ଫେରୁଛି ହକି ଇଣ୍ଡିଆ ଲିଗ୍। ୨୦୨୪ -୨୫ ଆସନ୍ତା ଡିସେମ୍ବର ୨୭ରୁ ଫେବୃଆରୀ ୧ ପର୍ଯ୍ୟନ୍ତ ଓଡ଼ିଶାରେ ଆୟୋଜିତ ହେବ ହକି ଇଣ୍ଡିଆ ଲିଗ୍ । ୭ ବର୍ଷ ପରେ ପୁଣି ଥରେ ହକି ଇଣ୍ଡିଆ ଲିଗ୍ ଆୟୋଜିତ ହେବାକୁ ଯାଉଛି। ସବୁଠାରୁ ବଡ଼ କଥା ହେଉଛି ଏଥର ଉଭୟ ପୁରୁଷ ଓ ମହିଳା ବର୍ଗରେ ହକି ଇଣ୍ଡିଆ ଲିଗ୍ ଆୟୋଜିତ ହେବାକୁ ଯାଉଛି।
ଏଥିରେ ମୋଟ ପୁରୁଷରେ ୮ ଓ ମହିଳାରେ ୬ଟି ଦଳ ଅଂଶଗ୍ରହଣ କରିବ। ପ୍ରତିଯୋଗିତା ରାଉରକେଲା ଓ ରାଞ୍ଚିରେ ଖେଳାଯିବ। ଓଡ଼ିଶାରୁ ଗୋଟିଏ ଦଳ ଏଥିରେ ସାମିଲ ହେବ ବୋଲି ହକି ଇଣ୍ଡିଆ ସଭାପତି ଦିଲୀପ ତିର୍କୀ ସୂଚନା ଦେଇଛନ୍ତି। ହକି ଇଣ୍ଡିଆ ଲିଗ୍ ଲାଗି ପୁରୁଷ ଓ ମହିଳା ବର୍ଗରେ ଖେଳାଳି ନିଲାମ ପାଇଁ ପଞ୍ଜୀକରଣ ଆରମ୍ଭ ହୋଇଛି। ଏହାଛଡ଼ା ବିଭିନ୍ନ ଦଳ ଲାଗି ପ୍ରଶିକ୍ଷକ ଓ ସହଯୋଗୀ ସଦସ୍ୟ ନିଯୁକ୍ତ ଲାଗି ନାମ ପଞ୍ଜୀକରଣ ଆରମ୍ଭ ହୋଇଛି। ପୂର୍ବରୁ ହକି ଇଣ୍ଡିଆ ଲିଗ୍ରେ କଳିଙ୍ଗ ଲାନ୍ସର୍ସ ଅଂଶଗ୍ରହଣ କରୁଥିଲା।
ଆଉଥରେ ଆରମ୍ଭ ହେବାକୁ ଯାଉଥିବା ହକି ଇଣ୍ଡିଆ ଲିଗ୍ରେ ଓଡ଼ିଶାରୁ ଉଭୟ ପୁରୁଷ ଓ ମହିଳାରେ ଗୋଟିଏ ଲେଖାଏଁ ଦଳ ଅଂଶଗ୍ରହଣ କରିବେ। ସୂଚନାମୁତାବକ ହକି ଇଣ୍ଡିଆ ଲିଗ୍ (ଏଚ୍ଆଇଏସଲ) ୨୦୧୩ରୁ ଆରମ୍ଭ ହୋଇଥିଲା। ୨୦୧୪ରେ ଓଡ଼ିଶାରୁ କଳିଙ୍ଗ ଲାନ୍ସର୍ସ ଅଂଶଗ୍ରହଣ କରିଥିଲା।
