Sunstar Tv
By Election Result: ଲୋକସଭା ନିର୍ବାଚନ ପରେ ବୁଧବାର ଦିନ ସାତୋଟି ରାଜ୍ୟର ୧୩ ଟି ବିଧାନସଭା ଆସନରେ ଉପ-ନିର୍ବାଚନ ପାଇଁ ଭୋଟ୍ ଅନୁଷ୍ଠିତ ହୋଇଥିଲା।
ଆଜି ସକାଳ ୮ ଟାରୁ ଏହି ସମସ୍ତ ଆସନରେ ଭୋଟ୍ ଗଣନା ଆରମ୍ଭ ହୋଇଛି। ଏହି ନିର୍ବାଚନରେ ହିମାଚଳ ପ୍ରଦେଶ ମୁଖ୍ୟମନ୍ତ୍ରୀ ସୁଖବିନ୍ଦର ସିଂ ସୁଖୁଙ୍କ ପତ୍ନୀ କମଲେଶ ଠାକୁରଙ୍କ ସମେତ ଅନେକ ବରିଷ୍ଠ ନେତା ପ୍ରତିଦ୍ୱନ୍ଦିତା କରୁଛନ୍ତି।
ଉପ-ନିର୍ବାଚନ ଅନୁଷ୍ଠିତ ହୋଇଥିବା ଆସନଗୁଡ଼ିକରେ ପଶ୍ଚିମବଙ୍ଗର ରାୟଗଞ୍ଜ, ରାନାଘାଟ ଦକ୍ଷିଣ, ବାଗଦା ଏବଂ ମାନିକତଲା, ଉତ୍ତରାଖଣ୍ଡର ବଦ୍ରିନାଥ ଏବଂ ମାଙ୍ଗାଲୋର, ପଞ୍ଜାବର ଜଲନ୍ଧର ପଶ୍ଚିମ, ହିମାଚଳ ପ୍ରଦେଶର ଦେହରା, ହମିରପୁର ଏବଂ ନାଲାଗଢ, ବିହାରର ରୁପୌଲି, ତାମିଲନାଡୁର ବିକ୍ରୱଣ୍ଡି ଏବଂ ମଧ୍ୟପ୍ରଦେଶ ଅମରୱାଡା ଆସନ ଅନ୍ତର୍ଭୁକ୍ତ।
୧୩ ବିଧାନସଭା ଆସନରେ କିଏ ଆଗରେ ଅଛନ୍ତି ଏବଂ କିଏ ପଛରେ ଜାଣନ୍ତୁ…
NDAର ଏକ ଅଂଶ ଥିବା JDU ବିହାରର ରୁପୌଲି ସିଟରେ ଆଗୁଆ ରହିଛି। ସେହିପରି ମଧ୍ୟପ୍ରଦେଶର ଅମରୱାଡା ଆସନରେ ବିଜେପି ଆଗରେ ରହିଛି। ବର୍ତ୍ତମାନ ସୁଦ୍ଧା ଏନଡିଏ କେବଳ ଦୁଇଟି ଆସନରେ ଆଗୁଆ ରହିଛି।
ଅପରପକ୍ଷେ ହିମାଚଳ ପ୍ରଦେଶର ଦେହରା, ହମିରପୁର ଏବଂ ନାଲାଗଢ ଆସନରେ କଂଗ୍ରେସ ଆଗୁଆ ରହିଛି। ଇଣ୍ଡିଆ ମେଣ୍ଟର କଂଗ୍ରେସ ମଧ୍ୟ ଉତ୍ତରାଖଣ୍ଡର ବଦ୍ରିନାଥ ଏବଂ ମାଙ୍ଗାଲୋର ଆସନରେ ଆଗରେ ରହିଛି। ପଞ୍ଜାବର ଜଲନ୍ଦର ପଶ୍ଚିମ ଆସନରେ ଆମ୍ ଆଦମୀ ପାର୍ଟି ଆଗୁଆ ରହିଛି।
ପଶ୍ଚିମବଙ୍ଗର ରାଇଗଞ୍ଜ, ବାଗଦା, ମାଣିକତାଲା ଆସନରେ ଟିଏମସି ଆଗୁଆ ରହିଛି। ତାମିଲନାଡୁର ବିକ୍ରୱଣ୍ଡି ଆସନରେ ଡିଏମକେ ଆଗରେ ରହିଛି। ବଙ୍ଗଳାର ରଣାଘାଟ ଆସନରେ ଅପଡେଟ ଏପର୍ଯ୍ୟନ୍ତ ଆସିନାହିଁ।
