SunstarTV
ସକାଳୁ ଉଠି ଘରୁ ବାହାରକୁ ଯାଇ କିଛି ହସୁଥିବା ଚେହେରା ଦେଖିବା ଦ୍ୱାରା ଦିନଟି ଭଲ ବିତେ। ହସ ଅନେକ ସ୍ୱାସ୍ଥ୍ୟ ସମ୍ବନ୍ଧୀୟ ସମସ୍ୟାର ସମାଧାନ ଭାବରେ ବିବେଚନା କରାଯାଏ । କିନ୍ତୁ ଯଦି ତୁମେ ହସିବାକୁ ବାଧ୍ୟ ହୁଅ? ବାସ୍ତବରେ, ଗୋଟିଏ ଦେଶରେ ଏପରି ଏକ ଅଜବ ନିୟମ ଲାଗୁ କରାଯାଇଛି ।
ଏହି ଅନୁଯାୟୀ ନାଗରିକମାନଙ୍କୁ ଦିନକୁ ଅତି କମରେ ଥରେ ହସିବାକୁ ପଡିବ। ଜାପାନର ଗଣମାଧ୍ୟମ ସୂତ୍ରରୁ ଜଣାଯାଇଛି ଯେ ସ୍ବାସ୍ଥ୍ୟ ବିଶେଷଜ୍ଞଙ୍କ ପରାମର୍ଶରେ ପ୍ରତ୍ୟେକ ବ୍ୟକ୍ତି ପ୍ରତିଦିନ ଜୋର୍ରେ ହସିବାର ଆବଶ୍ୟକତା ରହିଛି।
ଜାପାନର ୟାମାଗାଟା ରାଜ୍ୟରେ ଶୁକ୍ରବାର ଦିନ ଏକ ନିୟମ ପ୍ରଣୟନ କରାଯାଇଛି। ଏକ ଅନୁସନ୍ଧାନକୁ ଦୃଷ୍ଟିରେ ରଖି ଏହି ନିର୍ଦ୍ଦେଶ ଜାରି କରାଯାଇଛି ଯାହା ଏକ ସ୍ଥାନୀୟ ବିଶ୍ୱବିଦ୍ୟାଳୟ ଦ୍ୱାରା କରାଯାଇଥିଲା । ଏହା ଦେଖାଗଲା ଯେ ନିୟମିତ ହସିବା ଦ୍ୱାରା ହୃଦଘାତର ଆଶଙ୍କା କମିଯାଏ ଏବଂ ଦୀର୍ଘ ଜୀବନ ବଞ୍ଚିବାରେ ସାହାଯ୍ୟ କରିଥାଏ ।
ନୂତନ ନିୟମ ଅନୁଯାୟୀ, ଲୋକଙ୍କୁ ପ୍ରତିଦିନ ଅତି କମରେ ଥରେ ହସିବାକୁ ପଡିବ । ଏହା ବ୍ୟତୀତ ବ୍ୟବସାୟୀମାନେ ଏକ ପରିବେଶ ସୃଷ୍ଟି କରିବା ଉଚିତ ଯାହା ହସ ଏବଂ ସୁଖରେ ପରିପୂର୍ଣ୍ଣ । ପ୍ରତ୍ୟେକ ମାସର ୮ ତାରିଖ ଦିନ ହସ ଦିବସ ପାଳନ କରାଯିବ ।
କିନ୍ତୁ ବିରୋଧୀ ଦଳର ନେତାମାନେ ଏହି ଆଇନକୁ ସମାଲୋଚନା କରିଛନ୍ତି। ସେ କହିଛନ୍ତି ଯେ ଏହି ଆଇନ ମୋୖଳିକ ମାନବିକ ଅଧିକାରର ଉଲ୍ଲଂଘନ କରିବାକୁ ଯାଉଛି। କିଛି ଲୋକ ଏହା ମଧ୍ୟ କହିଛନ୍ତି ଯେ ଯେଉଁମାନେ କିଛି ରୋଗ ହେତୁ ହସି ପାରିବେ ନାହିଁ ସେମାନଙ୍କୁ କଣ ଦଣ୍ଡ ମିଳିବ ।
