Sunstar TV :
ରାତି ପାହିଲେ ଅମ୍ବାନୀଙ୍କ ଘରେ ବାଜିବ ସାହାନାଇ । ମହଣ ମହଣ ସୁନା, ହୀରା, ପ୍ଲାଟିନିୟମ ପିନ୍ଧି ବର ସାଜିବେ ଦେଶର ସବୁଠୁ ଧନୀ ସମ୍ଭ୍ରାନ୍ତ ପରିବାରର ପୁଅ ଅନନ୍ତ ଅମ୍ବାନୀ । ତେବେ ବାହାଘରକୁ ନେଇ ବେଶ କିଛି ମାସ ହେବ ଆୟୋଜନ ଚାଲିିଥିବା ବେଳେ ଆସନ୍ତା କାଲି ହେବ ଏହାର ବଡ ସମାରୋହ । ଅନନ୍ତଙ୍କ ବାହାଘରରେ ଯୋଗ ଦେବେ ବଡ ବଡ ସେଲିବ୍ରେଟି ସହ ବଡ ବଡ ରାଜନେତା ।
ତେବେ ଏହାତ ସାଧାରଣ କଥା । ହେଲେ ଏଥର ଅମ୍ବାନୀଙ୍କ ପୁଅ ବାହାଘରରେ ଯୋଗଦେବେ ଖୋଦ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଯାହା ଏବେ ବେଶ ଚର୍ଚ୍ଚା ହେଉଛି । ସୂଚନାନୁସାରେ ରିଲାଏନ୍ସ ଇଣ୍ଡଷ୍ଟ୍ରିଜ୍ ଚେୟାରମ୍ୟାନ୍ ତଥା ବିଶିଷ୍ଟ ଶିଳ୍ପପତି ମୁକେଶ ଅମ୍ବାନୀଙ୍କ ସାନପୁଅ ଅନନ୍ତ ଅମ୍ବାନୀ ଏବଂ ରାଧିକା ମର୍ଚାଣ୍ଟ ଶୁକ୍ରବାର ଅର୍ଥାତ୍ ଜୁଲାଇ ୧୨ ତାରିଖରେ ବିବାହ କରିବା ପାଇଁ ଯାଉଛନ୍ତି ।
ତେବେ ସୂଚନା ରହିଛି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଧ୍ୟ ଅମ୍ବାନୀ ପରିବାରର ବିବାହ ସମାରୋହରେ ଯୋଗଦେବେ । ପ୍ରଧାନମନ୍ତ୍ରୀ ମୋଦିଙ୍କ ସମ୍ଭାବ୍ୟ ଗସ୍ତ ଯୋଗୁଁ ବାନ୍ଦ୍ରା-କୁର୍ଲା କମ୍ପ୍ଲେକ୍ସରେ କଡା ସୁରକ୍ଷା ବ୍ୟବସ୍ଥା କରାଯାଉଛି। ଟ୍ରାଇଡେଣ୍ଟ ହୋଟେଲ ଚାରିପାଖରେ ଥିବା ଅଟ୍ଟାଳିକାରେ ସୁରକ୍ଷା ବ୍ୟବସ୍ଥା ବୃଦ୍ଧି କରାଯାଉଥିବା ନେଇ ସୂଚନା ରହିଛି । ତେବେ ପ୍ରଧାନମନ୍ତ୍ରୀ ମୋଦିଙ୍କ ସମ୍ଭାବ୍ୟ ଗସ୍ତ ଯୋଗୁଁ ବାନ୍ଦ୍ରା-କୁର୍ଲା କମ୍ପ୍ଲେକ୍ସରେ କଡା ସୁରକ୍ଷା ବ୍ୟବସ୍ଥା କରାଯାଉଛି। ଏହା ସହିତ ଟ୍ରାଇଡେଣ୍ଟ ହୋଟେଲ ଚାରିପାଖରେ ଥିବା ଅଟ୍ଟାଳିକାଗୁଡ଼ିକରେ ମଧ୍ୟ କଡା ସୁରକ୍ଷା ବ୍ୟବସ୍ଥା କରାଯାଇଛି।
