SUNSTARTV
ସନଷ୍ଟାରଟିଭି ବ୍ୟୁରୋ: ସରିଛି ଟି-୨୦ ବିଶ୍ୱକପ୍ ମ୍ୟାଚ୍ । ଯେଉଁଥିରେ ଇତିହାସ ରଚିଛି ଭାରତୀୟ ଦଳ । ଦକ୍ଷିଣ ଆଫ୍ରିକାକୁ ୭ ରନରେ ମାତ୍ ଦେଇ ହୋଇଛି ବିଶ୍ୱ ଚମ୍ପାୟନ । ଆଉ ହାତେଇଛି ବିଶ୍ୱ କପ୍ । ତେବେ ଇଣ୍ଡିଆ ମ୍ୟାଚ୍ ଜିତିବା ପରେ ହୋଇଛି ବିଗ୍ ସେଲିବ୍ରେସନ । ଦଳ ଭାରତରେ ପହଞ୍ଚିବା ପରେ ତାଙ୍କୁ କରାଯାଇଥଇଲା ଭବ୍ୟ ସ୍ୱାଗତ । ଏହାପରେ ୱାଙ୍ଖେଡେ ଷ୍ଟାଡିୟମ ଠାରୁ ମାରେନ୍ ଡ୍ରାଇଭ୍ ଯାଏଁ ଜନସମୁଦ୍ର ପାଲଟିଥିଲା ରାଜରାସ୍ତା । ତେବେ ଏହି ଖୁସିର ମାହୋଲ ଭିତରେ ଆସିଛି ପହଞ୍ଚିଛି ଆଉ ଏକ ବଡ ଖବର । ଯାହା କ୍ରିକେଟ୍ ପ୍ରେମୀଙ୍କୁ ଦେଇଛି ଶକ୍ତ ଆଘାତ ।
ତେବେ ବିଶ୍ୱ କପ୍ ଜିତିବା ପରେ ଭାରତୀୟ ଦଳର ତିନି ମହାନ ଖେଳାଳି ଦଳରୁ ସନ୍ୟାସ ନେଇଛନ୍ତି । ତେବେ ଜୟ ଭୀରୁ ଯୋଡି ଆର୍ଥାତ ରୋହିତ୍ ଶର୍ମା ଏବଂ ବିରାଟ କୋହଲି ମ୍ୟାଚ୍ ଜିତିବା ଦିନ ହିଁ ଟି -୨୦ ବିଶ୍ୱକପରୁ ସନ୍ୟାସ ନେଇଥିବା ବେଳେ ପରବର୍ତ୍ତି ସମୟରେ ଅଲରାଉଣ୍ଡର ରବିନ୍ଦ୍ର ଜାଡେଜା ମଧ୍ୟ ଆନ୍ତର୍ଜାତିୟ ଟି -୨୦ କୁ ବାଏ ବାଏ କହିଥିଲେ । ଯାହାକି କ୍ରିକେଟ ପ୍ରେମୀଙ୍କୁ ଏକ ଶକ୍ତ ଝଟକା ଦେଇଥିଲା । ତେବେ ଏହି ୩ ଖେଳାଳୀଙ୍କ ଅବସର ପରେ ଏବେ ଏବେ ଜଶପ୍ରୀତ୍ ବୁମ୍ରାଙ୍କୁ ନେଇ ଆରମ୍ଭ ହେଲଣି ଚର୍ଚ୍ଚା । କୁହାଯାଉଛି ସେ ବି ଏହି ଫଟାଫଟ କ୍ରିକେଟ୍କୁ ଅଲବିଦା କହିପାରନ୍ତି । ଯାହାକି ବର୍ତ୍ତମାନ ସୋସିଆଲ ମିଡଆର ସେନସେସନ୍ ପାଲଟିଛି ।
Jasprit Bumrah said, “my retirement is far far away, I’ve just started”. pic.twitter.com/A4UhtgL6eE
— Mufaddal Vohra (@mufaddal_vohra) July 4, 2024
ତେବେ ଏହି ଘଟଣାରେ ବର୍ତ୍ତମାନ ମୁହଁ ଖୋଲିଛନ୍ତି ବ୍ୟାଡ୍ସମ୍ୟାନ୍ ଜଶପ୍ରିତ୍ । ତାଙ୍କୁ ଯେତେବେଳେ ଅବସର ବିଷୟରେ ପଚରା ଯାଇଥିଲା ସେ କହିଛନ୍ତି ଯେ ବର୍ତ୍ତମାନ ସୁଦ୍ଧା ଟି-୨୦ ବିଶ୍ୱକପରୁ ଅବସର ନେବାର ମୋର କୌଣସି ଉଦ୍ଦେଶ୍ୟ ନାହିଁ । ଏହା କେବଳ ଆରମ୍ଭ ମାତ୍ର । ସେ ଆହୁରି ମଧ୍ୟ କହିଛନ୍ତି ଯେ ଆମକୁ ଆହୁରି ଆଗକୁ ଯିବାର ଅଛି । ତେବେ ଏବେ ଅବସର ନେବାର ସେମିତି କିଛି ମୋର ଯୋଜନା ନାହିଁ ବୋଲି ବୁମ୍ରା କହିଛନ୍ତି । ଫଳରେ ଏହି ଚର୍ଚ୍ଚା ଉପରେ ବର୍ତ୍ତମାନ ପୂର୍ଣ୍ଣଚ୍ଛେଦ ପଡିଛି ।
