SUNSTARTV
ସନଷ୍ଟାରଟିଭି ବ୍ୟୁରୋ: ଟେଲି ଜଗତର ଲୋକପ୍ରିୟ ଅଭିନେତ୍ରୀ ହେଉଛନ୍ତି ହିନା ଖାନ୍ । ଯିଏକି ବର୍ତ୍ତମାନ ସ୍ତନ କର୍କଟ ଭଳି ମାରତ୍ମକ ରୋଗରେ ପିଡିତ ହୋଇଛନ୍ତି । ସେ ତାଙ୍କର ଏହି ରୋଗ ବିଷୟରେ କିଛି ଦିନ ତଳେ ନିଜ ସୋସିଆଲ ମିଡିଆ ଆକାଉଣ୍ଟରେ ପୋଷ୍ଟ କରିଥିଲେ । ଯାହାକୁ ଜାଣିବା ପରେ କଳାକାର ଜଗତରେ ଖେଳି ଯାଇଥିଲା ଚାଞ୍ଚଲ୍ୟ । ଏଥିସହିତ ହିନାଙ୍କ ଫ୍ୟାନ୍ସମାନେ ମଧ୍ୟ ଏହି ଖବରକୁ ସହଜରେ ଗ୍ରହଣ କରିପାରୁ ନହିନ୍ତି । ସେମାନେ ଏହି ଖବର ଶୁଣିବା ପରେ ହିନାଙ୍କୁ ସାହାସ ଦେବା ସହ ତାଙ୍କ ଆଶୁ ଆରୋଗ୍ୟ କାମନା କରିଛନ୍ତି ।
ତେବେ ଟେଲି କୁଇନ୍ ହିନା ଖାନ୍ ସ୍ତନ କର୍କଟର ତୃତୀୟ ସ୍ତରରେ ଥିବା ବେଳେ ଏବେ ସେ କେମୋ ଥେରାପି ନେଇଛନ୍ତି । ଏହାପରେ ତାଙ୍କର ଏକ ଭିଡିଓ ନିଜ ସୋସିଆଲ ମିଡିଆ ଆକାଉଣ୍ଟରେ ସେୟାର କରିଛନ୍ତି । ଯାହାକୁ ଦେଖିଲେ ଯେ କେହି ବି କାନ୍ଦି ପକାଇବ । ତେବେ ଟିକେ ଭଲରେ ଦେଖନ୍ତୁ ଏହି ଭିଡିଓ । ଯେଉଁଥିରେ ହିନା ତାଙ୍କର ସୁନ୍ଦର କେଶକୁ କାଟୁଥିବା ଦେଖିବା ଦଖିବାକୁ ମିଳୁଛି । ଏହା ସତ୍ତ୍ୱେ ମଧ୍ୟ ହିନା ତାଙ୍କ ଆତ୍ମ ବିଶ୍ୱାସ ହରାଇ ନାହାନ୍ତି । ବରଂ ସେ ସମ୍ପୂର୍ଣ୍ଣ ଭିଡିଓକୁ ତାଙ୍କ ଫ୍ୟାନ୍ସମାନଙ୍କ ସହ ସେୟାର କରିଛନ୍ତି । ସେ ଏହି ଭିଡିଓରେ ଏକ ଲମ୍ବା କ୍ୟାପସନ ଲେଖିବା ସହ ତାଙ୍କ ମାଆଙ୍କ ଧର୍ଯ୍ୟହରା କାନ୍ଦ ମଧ୍ୟ ଦେଖାଇଛନ୍ତି । ତେବେ ହିନା ତାଙ୍କର ଏହି କ୍ୟାପସନରେ ଯାହା ଲେଖିଛନ୍ତି ତାକୁ ପଢି ଫ୍ୟାନ୍ସମାନେ ଭାବ ବିହୋଳ ହୋଇପଡିଛନ୍ତି । ସେ ଲେଖିଛନ୍ତି ଯେ ଯେଉଁମାନେ ଏହି ରୋଗରେ ପିଡିତ ଅଛନ୍ତି ସେମାନଙ୍କ କଷ୍ଟ ମୁଁ ବୁଝିପାରୁଛି । ମୋର ଏହି ସୁନ୍ଦର କେଶକୁ କାଟିବା ପରେ ନିଜକୁ ଦେଖିବାକୁ ପ୍ରସ୍ତୁତ ହେଉଛି । ତେଣୁ ମତେ ସମସ୍ତେ ଆର୍ଶିବାଦ କରନ୍ତୁ ।
ସେ ଆହୁରି ମଧ୍ୟ ଲେଖିଛନ୍ତି ଯେ ମୁଁ ମୋର ଏହି କେଶ କଟିବାର ଭିଡିଓକୁ ରେକର୍ଡ କରୁଛି ଆଉ ତୁମ ସମସ୍ତଙ୍କୁ ଜଣାଇବାକୁ ଚାହୁଁଛି ,ଯେଉଁମାନେ ମୋ ସୁଖ ଦୁଃଖରେ ମୋ ସହିତ ଅଛନ୍ତି । ହିନା ତାଙ୍କ କ୍ୟାପସନରେ ଆଉ ଏକ ସୁନ୍ଦର କଥା ମଧ୍ୟ ଲେଖିଛନ୍ତି । ସେ ଲେଖିଛନ୍ତି ଜଣେ ନାରୀ ପାଇଁ ତା କେଶ ହେଉଛି ତା ମୁକୁଟ । ତେଣୁ ମୁଁ ଏହି ଯୁଦ୍ଧରେ ଜିତିବା ପାଇଁ ନିଜକୁ ସମସ୍ତ ସୁଯୋଗ ଦେବାକୁ ନିଷ୍ପତ୍ତି ନେଇଛି। ମୋର ସୁନ୍ଦର କେଶ ଝଡ଼ିବା ପୂର୍ବରୁ ମୁଁ କାଟିବାକୁ ଚାହେଁ । ମୁଁ ଅନେକ ସପ୍ତାହ ଧରି ଏହି ମାନସିକ ବିଘ୍ନକୁ ସହିବାକୁ ଚାହୁଁନଥିଲି । କିନ୍ତୁ ଶେଷରେ ମୁଁ ନିଜକୁ ସମ୍ଭାଳିଲି ଆଉ ମୋର କେଶ ଅର୍ଥାତ୍ ମୋର ମୁକୁଟ ତ୍ୟାଗ କରିବାକୁ ମନୋନୀତ କଲି । କାରଣ ମୁଁ ଅନୁଭବ କଲି ଯେ ମୋର ପ୍ରକୃତ ମୁକୁଟ ହେଉଛି ମୋର ସାହସ, ମୋର ଶକ୍ତି ।
ତେବେ ଟେଲିଭିଜନ ଜଗତର ଜଣେ ଜଣାଶୁଣା ଅଭିନେତ୍ରୀ ହେଉଛନ୍ତି ହିନା ଖାନ୍ । ସେ ଷ୍ଟାର ପ୍ଲସରେ ପ୍ରସାରିତ ‘‘ୟେରିସ୍ତା କ୍ୟା କେହେଲାତା ହୈ’’ ରୁ ହିଁ ନିଜର ଏକ ସ୍ୱତନ୍ତ୍ର ପରିଚୟ ସୃଷ୍ଟି କରିଥିଲେ । ଏହାପରେ ସେ କେବେ ପଛକୁ ଫରି ନାହାନ୍ତି । ହିନା ସିରିଏଲ ବ୍ୟତୀତ ଅଲବମ୍ ବିଗବସ୍ ଏବଂ ଖତରୋକା ଖିଲାଡିରେ ମଧ୍ୟ ନଜର ଆସିଛନ୍ତି । ଏହି ରୋଆଲିଟି ଶୋ ରେ ହିନା ନିଜର ଜଲୱା ଦେଖାଇବା ସହ ନିଜର ଷ୍ଟ୍ରଙ୍ଗ ମେଣ୍ଟାଲିଟି ଏବଂ ବଡି ଫିଟନେସ୍ ମଧ୍ୟ ଦେଖିବାକୁ ମିଳିଥିଲା ।
