Sunstar Tv
New Telecom Act: ଟେଲିକମ୍ କ୍ଷେତ୍ରରେ ଏକ ବଡ଼ ପରିବର୍ତ୍ତନ । ସିମ୍ କାର୍ଡ଼ ପାଇଁ ଲାଗୁ ହେଲା ନୂଆ ନିୟମ । ୯ରୁ ଅଧିକ ସିମ୍ କାର୍ଡ଼ କିଣିଲେ ଦେବାକୁ ପଡ଼ିବ ମୋଟା ଅଙ୍କର ଟଙ୍କା ସହ ମିଳିବ ଜେଲ୍ ଦଣ୍ଡ ।
ଜୁନ୍ ୨୬ ରୁ ସାରା ଦେଶରେ ଲାଗୁ ହୋଇଛି ଏହି ନୂଆ ‘ଟେଲିକମ୍ୟୁନିକେଶନ କାନୁନ୍ ୨୦୨୩’ । ଗତ ବର୍ଷ ଡିସେମ୍ବରରେ ସଂସଦରେ ଏହି ଆଇନ ପାରିତ ହୋଇଥିଲା । ଏହି ନିୟମ ଅନୁଯାୟୀ, ବର୍ତ୍ତମାନ ଭାରତର ନାଗରିକ ଜୀବନକାଳ ମଧ୍ୟରେ ମାତ୍ର ୯ଟି ସିମ୍ କାର୍ଡ଼ ନେଇପାରିବେ । ୯ ରୁ ଅଧିକ ସିମ୍ କାର୍ଡ ନେଇପାରିବେ ନାହିଁ ।
ଏଥିସହ ଜମ୍ମୁ କାଶ୍ମୀର ଏବଂ ଉତ୍ତର-ପୂର୍ବ ରାଜ୍ୟର ଲୋକମାନେ କେବଳ ସର୍ବାଧିକ ୬ଟି ସିମ୍ କାର୍ଡ ନେଇପାରିବେ । ଏହାଠାରୁ ଅଧିକ ସିମ୍ କିଣିବା ପାଇଁ ଉପଭୋକ୍ତାଙ୍କୁ ପ୍ରଥମ ଥର ପାଇଁ ୫୦ ହଜାର ଟଙ୍କା ଏବଂ ଦ୍ୱିତୀୟ ଥର ପାଇଁ ୨ ଲକ୍ଷ ଟଙ୍କା ଜୋରିମାନା କରାଯିବ ।
ଏହା ବ୍ୟତୀତ ଏକ ନକଲି ସିମ୍ କିଣିବା ପାଇଁ ୫୦ ଲକ୍ଷ ଟଙ୍କା ଏବଂ କିମ୍ବା ୩ ବର୍ଷ ଜେଲଦଣ୍ଡ ହେବ ।
ଯଦି କୌଣସି ବ୍ୟକ୍ତି ଏହାଠାରୁ ଅଧିକ ସିମ୍ ବ୍ୟବହାର କରୁଛନ୍ତି, ତେବେ ତାଙ୍କୁ ୫୦ ହଜାରରୁ ୨ ଲକ୍ଷ ଟଙ୍କା ଜରିମାନା ଦେବାକୁ ପଡିବ । କେବଳ ଏତିକି ନୁହେଁ, ଅନ୍ୟର ଆଇଡିରୁ ଜାଲିଆତି କରି ସିମ୍ କିଣିଲେ ୩ ବର୍ଷର ଜେଲ୍ଦଣ୍ଡ ମିଳିବ ।
ଏଥି ସହିତ ୫୦ ଲକ୍ଷ ଟଙ୍କା ପର୍ଯ୍ୟନ୍ତ ଜୋରିମାନା ମଧ୍ୟ ଲଗାଯାଇପାରିବ । ଏହି ନୂଆ ନିୟମ ସରକାରଙ୍କ ରାଷ୍ଟ୍ରୀୟ ସୁରକ୍ଷା କାରଣରୁ ସମସ୍ତ ଟେଲିକମ୍ ସର୍ଭିସ୍ ତଥା ନେଟ୍ଓ୍ବର୍କ୍କୁ ହଟାଇବା ଏବଂ ମ୍ୟାନେଜମେଣ୍ଟକୁ ସସ୍ପେଣ୍ଡ କରିବାର ଅନୁମତି ରହିଛି ।
ନୂତନ ଟେଲିକମ୍ ନିୟମ ଅନୁଯାୟୀ, ଜରୁରୀକାଳୀନ ସମୟରେ ସରକାର ଯେକୌଣସି ଟେଲିକମ୍ ସେବା କିମ୍ବା ନେଟୱାର୍କକୁ ନିୟନ୍ତ୍ରଣ କରିପାରିବେ। ଏଥିସହ ସରକାରଙ୍କ ଅନୁମତି ପରେ ଘରୋଇ ସମ୍ପତ୍ତିରେ ଟାୱାର ମଧ୍ୟ ସ୍ଥାପନ କରାଯିବ ।
ବର୍ତ୍ତମାନ ବାଧ୍ୟତାମୂଳକ କରାଯାଇଛି ବର୍ତ୍ତମାନ ଟେଲିକମ୍ କମ୍ପାନୀଗୁଡିକ କୌଣସି ପ୍ରକାରର ପ୍ରୋତ୍ସାହନମୂଳକ ବାର୍ତ୍ତା ପଠାଇବା ପୂର୍ବରୁ ବ୍ୟବହାରକାରୀଙ୍କଠାରୁ ସମ୍ମତି ନେବାକୁ ପଡ଼ିବ ।
ଆଇନରେ ଏହା ମଧ୍ୟ କୁହାଯାଇଛି ଯେ, ଟେଲିକମ ସେବା ପ୍ରଦାନ କରୁଥିବା କମ୍ପାନୀକୁ ଏକ ଅନ୍ଲାଇନ୍ ମେକାନିଜିମ ସୃଷ୍ଟି କରିବାକୁ ପଡ଼ିବ । ଯେଉଁଠାରେ ଉପଭୋକ୍ତାମାନେ ଅନ୍ଲାଇନ୍ରେ ସେମାନଙ୍କର ଅଭିଯୋଗ ଦାଖଲ କରିପାରିବେ ।
ଏହି ଟେଲିକମ୍ ବିଲ ୨୦ ଡିସେମ୍ବର ୨୦୨୩ରେ ଲୋକ ସଭା ଏବଂ ପରେ ୨୧ ଡିସେମ୍ବରରେ ରାଜ୍ୟ ସଭା ଦ୍ୱାରା ପାରିତ ହୋଇଥିଲା । ପରେ ଏହାକୁ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ଦସ୍ତଖତ ସହିତ ଆଇନରେ ପରିଣତ କରାଯାଇଥିଲା ।
ଏହି ଆଇନରେ ସମୁଦାୟ ୬୨ଟି ବିଭାଗ ଅଛି, ସେଥିମଧ୍ୟରୁ କେବଳ ୩୯ଟି ବିଭାଗ କାର୍ଯ୍ୟକାରୀ ହେଉଛି ।
ନୂଆ ଟେଲିକମ୍ ଆକ୍ଟରେ ସରକାର ସ୍ପାମ୍ କଲ୍ ସମସ୍ୟାକୁ ଗୁରୁତର ସହ ନେଇଛନ୍ତି । ଏହି କାରଣରୁ, ବର୍ତ୍ତମାନ ଲୋକଙ୍କୁ ଟେଲିକମ୍ କମ୍ପାନୀଗୁଡିକୁ ଠକାମିରୁ ରକ୍ଷା କରିବା ପାଇଁ କଡା ପଦକ୍ଷେପ ନେବାକୁ ପଡିବ ।
ଏହି ନକଲି ସିମ୍ ବ୍ୟବହାର କରି ସାରା ଦେଶରେ ଅନେକ ଅପରାଧମୂଳକ କାର୍ଯ୍ୟ କରୁଛନ୍ତି ଲୋକେ । ଏହି ପରିବର୍ତ୍ତନ ଦ୍ୱାରା ସିମ୍ କାର୍ଡ଼ର ଅପବ୍ୟବହାର ହୋଇପାରିବ ନାହିଁ ।
