SunstarTV
ଭଙ୍ଗା ଯାଉଛି ବବିଙ୍କ ସରକାରୀ କ୍ବାର୍ଟସ । ବିଜେଡିର ସାଙ୍ଗଠାନିକ ସମ୍ପାଦକ ପ୍ରଣବ ପ୍ରକାଶ ଦାସଙ୍କ ସରକାରୀ ବାସଭବନ ବର୍ତ୍ତମାନ ଭଙ୍ଗା ଯାଉଛି । ତେବେ ଏହାକୁ ନେଇ ବିଭିନ୍ନ ଗଣମାଧ୍ୟମ କିଛି ବିଭ୍ରାନ୍ତିକର ସୂଚନା ଦେଉଥିବା ବବି ଦାସ କହିଛନ୍ତି । ନିଜର ଏକ ଭିଡିଓ ପୋଷ୍ଟ କରି ବବି କହିଛନ୍ତି ଯେ କିଛି ଗଣ ମାଧ୍ୟମ ଏହାକୁ ଅଧିକ ରଙ୍ଗାୟତ ଢ଼ଙ୍ଗରେ ପରିବେଶଣ କରୁଛନ୍ତି । ବାସଭବନ ଭଙ୍ଗାକୁ ନେଇ ବବି କହିଛନ୍ତି ଯେ ନିୟମ ଭିତରେ କାମ ହୋଇଛି। ନିୟମ ଅନୁସାରେ ଯେମିତି କ୍ବାର୍ଟର ନିଆଯାଇଥାଏ ସେମିତି ଫେରାଯାଇଥାଏ।
ବିଭ୍ରାନ୍ତିକର ନ୍ୟୁଜ୍ ପରିବେଷଣ କରାଯାଉଛି। ସଂଗଠନ ସମ୍ପାଦକ ଥିବା କାରଣରୁ ଅନେକ ଲୋକ ଏଠାକୁ ଆସିଥାନ୍ତି। ଲୋକଙ୍କ ଅଭିଯୋଗ ଶୁଣିବା ପାଇଁ କିଛି ବ୍ୟବସ୍ଥା କରାଯାଇଥିଲା। ନିୟମ ଭିତରେ କରଯାଇଥିଲା। ତେଣୁ ଏହାକୁ ଫେରାଇବା ପୂର୍ବରୁ ଏହାକୁ ଭଙ୍ଗା ଯାଉଛି । ଲୋକମାନଙ୍କୁ ଏହା ବିଷୟରେ ମଧ୍ୟ ସବୁ ସୂଚନା ଅଛି ତାଙ୍କୁ ବିଭ୍ରାନ୍ତିକର କରିବା ପାଇଁ ଏଭଳି ନ୍ୟୁଜ ପରିବେଶଣ ନକରିବାକୁ ବବି ଦାସ କହିଛନ୍ତି ।
