SUNSTARTV
ସନଷ୍ଟାରଟିଭି ବ୍ୟୁରୋ: ଗତ କିଛି ଦିନ ହେବ ରାଜ୍ୟ ରାଜନୀତିରେ ଅରୁଣ ପଟ୍ଟନାୟକଙ୍କ ନାଁ କୁ ନେଇ ଚର୍ଚ୍ଚା ଜୋର ଧରିଛି । ବିଜେଡି ହାରିବା ପରେ ସାମ୍ନାକୁ ଆସିଥିଲା ଅରୁଣ ପଟ୍ଟନାୟକଙ୍କ ନାମ । ସେ ବିଜେଡିର ମଙ୍ଗ ସମ୍ଭାଳିବେ ବୋଲି ବିଭିନ୍ନ ମହଲରେ ଆଲୋଚନା ମଧ୍ୟ ହେଉଥିଲା । ତେବେ ତାଙ୍କୁ ନେଇ ବର୍ତ୍ତମାନ ପୁଣି ଏକ ଖବର ସାମ୍ନାକୁ ଆସିଛି । ଯାହାଫଳରେ ପୁର୍ନବାର ଲୋକ ଲୋଚନକୁ ଆସିୁଛି ଅରୁଣଙ୍କ ନାମ ।
ମିଳିଥିବା ସୂଚନା ଅନୁଯାୟୀ, ବିଜେଡି ସୁପ୍ରିମୋ ନବୀନଙ୍କ ପୁତୁରା ହେଉଛନ୍ତି ଅରୁଣ ପଟ୍ଟନାୟକ । ଯିଏକି ବିବାହ ବନ୍ଧନରେ ବାନ୍ଧି ହୋଇଛନ୍ତି ।ସେ ନେଦରଲ୍ୟାଣ୍ଡରେ ବିବାହ କରିଥିବା ବେଳେ ତାଙ୍କ ପତ୍ନୀଙ୍କ ନାମ ହେଉଛି ନାଦିଆ । ତେବେ ଅରୁଣଙ୍କ ବିବାହ ଫଟୋ ଓ ଭିଡିଓ ଭଉଣୀ ଗାୟତ୍ରୀ ପଟ୍ଟନାୟକ ସୋସିଆଲ ମିଡିଆ ଇଷ୍ଟାଗ୍ରାମରେ ପୋଷ୍ଟ କରିଥିଲେ । ଯାହାପରେ ଏହା ଖୁବ ଭାଇରାଲ ହେବାର ଲାଗିଛି ।
ଅରୁଣ ପଟ୍ଟନାୟକ ହେଉଛନ୍ତି ନବୀନ ପଟ୍ଟନାୟକଙ୍କ ବଡ ଭାଇ ପ୍ରେମ ପଟ୍ଟନାୟକଙ୍କ ପୁଅ । ସେ ଜୁନ୍ ୧୧ ତାରିଖରେ ବିବାହ କରିଥିବା ଜଣାପଡିଛି । ନେଦରଲ୍ୟାଣ୍ଡର ନାଗରିକ ନାଦିଆଙ୍କୁ ଅରୁଣ ତାଙ୍କ ଜୀବନସାଥୀ ରୂପେ ବାଛିଛନ୍ତି । ତେବେ ଅରୁଣ ଗତ କିଛି ଦିନ ତଳେ ଭୁବନେଶ୍ୱର ଆସିଥିବା ବେଳେ ସେରାଜନୀତିରେ ପ୍ରବେଶ କରିପାରନ୍ତି ବୋଲି ଚର୍ଚ୍ଚା ମଧ୍ୟ ହେଉଥିଲା ।କିନ୍ତୁ ଏହି ବିଷୟରେ ବିଜେଡି ସୁପ୍ରିମୋ କିଛି କହି ନଥିବା ବେଳେ ଅରୁଣ ମଧ୍ୟ କିଛି ପ୍ରତିକ୍ରୀୟା ଦେଇ ନାହାନ୍ତି । ତେବେ ଅରୁଣ ପଟ୍ଟନାୟକ ଅନେକ ଥର ଓଡିଶା ଆସୁଥିବା ବେଳେ ସେ ଅନେକ କାର୍ଯ୍ୟକ୍ରମରେ ମଧ୍ୟ ଯୋଗ ଦେଇଥାନ୍ତି । ବିଜୁ ପଟ୍ଟନାୟକଙ୍କ ନାତି ଭାବେ ଅରୁଣଙ୍କର ଭିନ୍ନ ଏକ କ୍ରେଜ ରହିଛି । ତାଙ୍କ ବିବାହ ଖବର ସାମ୍ନାକୁ ଆସିବା ପରେ ଏହାକୁ ନେଇ ମଧ୍ୟ ଏବେ ଆଲୋଚନା ହେଉଛି ।
