ଭାଇଜାନଙ୍କ ଫ୍ୟାନ୍ସଙ୍କ ପାଇଁ ଖୁସି ଖବର; ବିକ୍ରି ହେବ ସଲମାନଙ୍କ ପ୍ରଥମ ପେଣ୍ଟିଂ

Salman Khan First Painting: ବର୍ତ୍ତମାନ ସଲମାନଙ୍କ ପ୍ରଶଂସକଙ୍କ ପାଇଁ ରହିଛି ଏକ ଖୁସି ଖବର । ଖବର ଅଛି ଯେ ସଲମାନ ଖାନଙ୍କ ପ୍ରଥମ ଚିତ୍ର ତାଙ୍କ ପ୍ରଶଂସକଙ୍କ ପାଇଁ ବିକ୍ରି ହେବାକୁ ଯାଉଛି ।

ତେଣୁ ଯଦି ଆପଣ ସେହି ପେଣ୍ଟିଂ କିଣିବାକୁ ଆଗ୍ରହୀ ଅଛନ୍ତି ତେବେ ଚାଲନ୍ତୁ ଜାଣିବା ପେଣ୍ଟିଂ କେବେ ଏବଂ କେଉଁଠାରେ ଆପଣ କିଣିପାରିବେ।

ସଲମାନ ଖାନଙ୍କ ପ୍ରଥମ ପେଣ୍ଟିଂ ହେଉଛି ୟୁନିଟି ୧, ଯାହା ଜୁନ୍ ୧୪ରେ ଆର୍ଟ ଟେକ୍ନୋଲୋଜି କମ୍ପାନୀ @artfiglobal ବିକ୍ରି ପାଇଁ ଯାଉଛି। ଏନେଇ ନିକଟରେ ସୁପରଷ୍ଟାର ତାଙ୍କ ଏକ୍ସ ଆକାଉଣ୍ଟରେ ସୂଚନା ଦେଇଥିଲେ ।

ସେ ଏକ ପୋଷ୍ଟ ସେୟାର କରି ଲେଖିଥିଲେ, ‘‘ଖୁସିର ଖବର! Art ୟୁନିଟି 1 @artfiglobal ରେ ବିକ୍ରି ପାଇଁ ଯାଉଛି। ଏହି ଆର୍ଟୱର୍କ ବିଷୟରେ ଅଧିକ ଜାଣିବା ପାଇଁ ଲିଙ୍କରେ କ୍ଲିକ୍ କରନ୍ତୁ।’’

ସଲମାନଙ୍କ ଆର୍ଟର ବିଶେଷତା ସଲମାନ ଖାନଙ୍କ ଏହି ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି। ଏହି ପେଣ୍ଟିଂର ସମସ୍ତ ବିବରଣୀ ଆର୍ଟଫି ୱେବସାଇଟରେ ସେୟାର କରାଯାଇଛି।

ସଲମାନ ଖାନଙ୍କ ଚିତ୍ର ବିଷୟରେ ବିଶେଷ କଥା ହେଉଛି ଏହି ଚିତ୍ରକଳା ହେଉଛି ଭାରତୀୟ ସମାଜର ବିବିଧତା, ପ୍ରେମ ଏବଂ ସମ୍ମାନର ଝଲକ ଏଥିରେ ଦେଖିବାକୁ ମିଳିବ । ଫିଲ୍ମ ଇଣ୍ଡଷ୍ଟ୍ରିରେ ଅଭିନୟ କରିବା ବ୍ୟତୀତ ସଲମାନ ଖାନ ନିର୍ମାତା, ଟିଭି ହୋଷ୍ଟ, ଗାୟକ ଏବଂ ବର୍ତ୍ତମାନ ଚିତ୍ର ଆଙ୍କିବାରେ ମଧ୍ୟ ଚେଷ୍ଟା କରିଛନ୍ତି।

ସଲମାନ ଖାନଙ୍କ ପେଣ୍ଟିଂ ବିଷୟରେ ଆର୍ଟଫିର ସିଇଓ କହିଛନ୍ତି ଯେ ଲୋକମାନେ ଏହି ପେଣ୍ଟିଂ ପ୍ରତି ବହୁତ ଆଗ୍ରହ ଦେଖାଉଛନ୍ତି। ତଥାପି, ଅଧିକ ଚାହିଦା ସତ୍ତ୍ୱେ ସେ ନିଲାମ ପରିବର୍ତ୍ତେ ଏହି ପେଣ୍ଟିଂର ମୂଲ୍ୟ ସ୍ଥିର କରିଛନ୍ତି ।

ସଲମାନଙ୍କ କାର୍ଯ୍ୟ ସାମ୍ମୁଖ୍ୟ ବିଷୟରେ କହିବାକୁ ଗଲେ ତାଙ୍କର ଆଗାମୀ ଚଳଚ୍ଚିତ୍ର ହେଉଛି ସିକନ୍ଦର, ଯାହା ଆସନ୍ତା ବର୍ଷ ଇଦ୍ ଅବସରରେ ମୁକ୍ତିଲାଭ କରିବ ।

ଏହି ଚଳଚ୍ଚିତ୍ରରେ ସଲମାନଙ୍କ ଆକ୍ସନ୍ ଷ୍ଟାଇଲ୍ ଦେଖିବାକୁ ମିଳିବ । ସଲମାନ ଖାନଙ୍କ ବ୍ୟତୀତ ଏଥିରେ ରଶ୍ମିକା ମନ୍ଦନା ମଧ୍ୟ ଏହି ଚଳଚ୍ଚିତ୍ରରେ ଏକ ଗୁରୁତ୍ୱପୂର୍ଣ୍ଣ ଭୂମିକାରେ ନଜର ଆସିବେ।