SUNSTARTV
ଆଜିଠୁ ଓଡିଶାରେ ଆରମ୍ଭ ହେଲା “ମୋହନଙ୍କ ଯୁଗ” । ବିଜେଡି ସରକାର ଓଡିଶାରେ ଆରମ୍ଭ ହୋଇଛି ବିଜେପି ସରକାର । ଭୁବନେଶ୍ୱରର ଜନତା ମୈଦାନରେ ଓଡିଶାର ମୁଖ୍ୟମନ୍ତ୍ରୀ ଭାବରେ ଶପଥ ଗ୍ରହଣ କରିଛନ୍ତି ମୋହନ ଚରଣ ମାଝୀ । ଅନେକ ନେତା ମନ୍ତ୍ରୀଙ୍କ ସହ ହଜାର ହଜାର ସମର୍ଥକଙ୍କ ଉପସ୍ଥିତିରେ ମୁଖ୍ୟମନ୍ତ୍ରୀ ଉପ ମୁଖ୍ୟମନ୍ତ୍ରୀଙ୍କ ସମେତ ମୋହନଙ୍କ ମନ୍ତ୍ରୀ ମଣ୍ଡଳ ମଧ୍ୟ ଶପଥ ପାଠ କରିଛନ୍ତି । ତେବେ ମୋହନଙ୍କ ସରକାରରେ କିଏ ହେବ ବାଚସ୍ପତି ତା ଉପରୁ ମଧ୍ୟ ପରଦା ହଟିଛି ।
ବିଜେପରି ସରକାରରେ ଜଣେ ମହିଳା ବାଚସ୍ପତି ହେବାକୁ ଯାଉଛନ୍ତି । ତେବେ ଏହି ବାଚସ୍ପତି ରେସରେ ଅନେକ ଙ୍କ ନାଁ ସାମିଲ ରହିଥିବା ବେଳେ ଭତ୍ତୃହରୀ ମହତାବଙ୍କ ନାଁ ସବୁଠୁ ଆଗରେ ରହିଥିଲା । କିନ୍ତୁ ଏହି ସବୁ ଚର୍ଚ୍ଚା ଉପରେ ପଡିଛି ପୂର୍ଣ୍ଣଚ୍ଛେଦ । ଆଜି ସେହି ସସ୍ପେନ୍ସ ଉପରୁ ପରଦା ହଟାଇଛି ବିଜେପି ସରକାର । ଓଡିଶାର ବାଚସ୍ପତି ହେବେ ରଣପୁରର ବିଧାୟକ ସୁରମା ପାଢୀ । ମୋହନଙ୍କ ସରକାରରରେ ସୁରମା ବାଚସ୍ପତି ଭାବରେ ଦାୟିତ୍ୱ ନେବେ ବୋଲି ଜଣାପଡିଛି ।
ସୂଚନା ଅନୁସାରେ ଆଜି ୧୫ ତମ ମୁଖ୍ୟମନ୍ତ୍ରୀ ଭାବରେ ମୋନହ ଚରଣ ମାଝୀ ଓଡିଶାର ମୁଖ୍ୟମନ୍ତ୍ରୀ ଭାବରେ ଶପଥ ପାଠ କରିଛନ୍ତି । ବିଜେପି ସରକାର ଆଜି ମୋହନ ମାଝୀଙ୍କୁ ଓଡିଶାର ଗୁରୁ ଦାୟିତ୍ୱ ଦେଇଥିବା ବେଳେ ୫ ବର୍ଷ ପାଇଁ ଶାସନ ଡୋରି ଧରିଛନ୍ତି ଶ୍ରୀଯୁକ୍ତ ମାଝୀ । ତେବେ ରାଜ୍ୟପାଳ ରଘୁବର ଦାସ ଓଡିଶାର ନୂଆ ମୁଖ୍ୟମନ୍ତ୍ରୀଙ୍କ ଶପଥ ପାଠ କରାଇଛନ୍ତି । ମୁଖ୍ୟମନ୍ତ୍ରୀଙ୍କ ସହ ୨ ଉପ ମୁଖ୍ୟମନ୍ତ୍ରୀ ଏବଂ ତାଙ୍କ ମନ୍ତ୍ରୀମଣ୍ଡଳ ଆଜି ଶପଥ ପାଠ କରିଛନ୍ତି ।
