SunstarTV
ନବ ନିର୍ବାଚିତ ବିଜେପି ସାଂସଦ କଙ୍ଗନା ରାଣାୱତଙ୍କୁ ଚଣ୍ଡିଗଡ଼ ଏୟାରପୋର୍ଟରେ ଚାପୁଡ଼ା ମାରିବା ଘଟଣା ନେଇ ଏବେ ବଲିଉଡରେ ବିବାଦ ଆରମ୍ଭ ହେଇଯାଇଛି । ବଲିଉଡର ଏକ ଗୋଷ୍ଠି କଙ୍ଗନାଙ୍କୁ ସପୋର୍ଟ କରୁଥିବା ବେଳେ ଆଉ କିଛି ଚାପୁଡ଼ା ମାରିଥିବା ସିଆଇଏସଏଫର ମହିଳା କନଷ୍ଟେବଲଙ୍କୁ ସମର୍ଥନ ଜଣାଇଛନ୍ତି।
ଏହାଭିତରେ ମ୍ୟୁଜିକ୍ ସିଙ୍ଗର- କମ୍ପୋଜର ବିଶାଲ ଦଦଲାନିଙ୍କ ନା ଖୁବ ଭାଇରଲ ହେଉଛି । ହିମାଚଳ ମଣ୍ଡିରୁ ପ୍ରଥମଥର ପାଇଁ ଲୋକସଭା ନିର୍ବାଚନ ଜିତିଥିବା କଙ୍ଗନା ଗୁରୁବାର ଅଭିଯୋଗ କରିଥିଲେ ଯେ ସେ ଦିଲ୍ଲୀ ଫେରିବା ପାଇଁ ଚଣ୍ଡିଗଡ଼ ଏୟାରପୋର୍ଟରେ ପହଞ୍ଚିଥିଲେ। ତେବେ ସୁରକ୍ଷା ଯାଞ୍ଚ ପରେ ସେ ଭିତରକୁ ଯାଉଥିବା ବେଳେ ତାଙ୍କୁ ମହିଳା କନଷ୍ଟେବଲ କୌର ଚାପୁଡ଼ା ମାରିବା ସହ ଦୁର୍ବ୍ୟବହାର କରିଥିଲେ। ଚାଷୀ ଆନ୍ଦୋଳନ ବେଳେ ପଞ୍ଜାବର ମହିଳାଙ୍କ ପ୍ରତି କଙ୍ଗନା ଅସଭ୍ୟ ବୟାନ ଦେଇଥିବାରୁ କୌର ତାଙ୍କୁ ଚାପୁଡ଼ା ମାରିଥିଲେ ବୋଲି ଜଣାପଡ଼ିଛି।
ନିଜ ସୋଶାଲ ମିଡିଆରେ ଏକ ପୋଷ୍ଟ ସେୟାର କରି ବିଶାଲ ଉଲ୍ଲେଖ କରିଛନ୍ତି, ମୁଁ କେବେ ବି ହିଂସାକୁ ସମର୍ଥନ କରେନି। ମାତ୍ର ଉକ୍ତ ସିଆଇଏସଏଫ ମହିଳା କନଷ୍ଟେବଲଙ୍କ କ୍ରୋଧକୁ ବୁଝି ପାରୁଛି। ତେଣୁ ସିଆଇଏସଏଫ ତାଙ୍କୁ ଚାକିରିରୁ ବିଦା କଲେ ତାଙ୍କ ପାଇଁ ଅନ୍ୟ ଏକ ନୂଆ ଚାକିରି ଅପେକ୍ଷା କରିଛି। ତାହାକୁ ଗ୍ରହଣ କରିବା ନ କରିବା ତାଙ୍କ ଉପରେ ନିର୍ଭର କରେ। ତେବେ ଏହି ପୋଷ୍ଟ କୁ ନେଇ ଏବେ ବାକ ଯୁଦ୍ଧ ଆରମ୍ଭ ହେଇ ଗଲାଣି ଦେଖିବା ବାକି ରହିଲା ଆଗକୁ କଣ ହେବ ।
