Sunstar TV
ନୂଆଦିଲ୍ଲୀ : ଆସିଲା ଭବିଷ୍ୟବାଣୀ ପୁଣି ଥରେ ହେଵ ସାଧାରଣ ନିର୍ବାଚନ । ଏନଡିଏ ସରକାର ଗଠନ ହେବା ପୂର୍ବରୁ ଛତିଶଗଡ଼ର ପୂର୍ବତନ ମୁଖ୍ଯମନ୍ତ୍ରୀ ଭୂପେଶ ବଘେଲ କହିଛନ୍ତି ୬ ମାସରୁ ଏକ ବର୍ଷ ମଧ୍ଯରେ ଦେଶରେ ସାଧାରଣ ନିର୍ବାଚନ ହେବ । ଏନଡିଏ ବୈଠକରେ ନରେନ୍ଦ୍ର ମୋଦୀଙ୍କୁ ନିର୍ବାଚିତ କରାଯିବା ପରେ ପରେ ଏପରି ଭବିଷ୍ୟବାଣୀ ଦେଇଛନ୍ତି ବଘେଲ।
ଏକ କାର୍ଯ୍ୟକ୍ରମରେ ଯୋଗଦେଇ ଏଥିପାଇଁ ପ୍ରସ୍ତୁତ ରହିବାକୁ ସେ ଦଳୀୟ କର୍ମୀମାନଙ୍କୁ ପରାମର୍ଶ ଦେଇଛନ୍ତି । ଏକ ଜନସଭା ରେ ଉଦ୍ବୋଧନ ଦେବାକୁ ଯାଇ ବଘେଲ କହିଥିଲେ, ଦେଶବାସୀ ନିର୍ବାଚନରେ ଭାଜପାକୁ ଉପଯୁକ୍ତ ଶିକ୍ଷା ଦେଇଛନ୍ତି। ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ, ତାଙ୍କ ରାଜସ୍ଥାନ ପ୍ରତିପକ୍ଷ ଭଜନଲାଲ୍ ଶର୍ମା ଏବଂ ମହାରାଷ୍ଟ୍ର ଉପମୁଖ୍ୟମନ୍ତ୍ରୀ ଦେବେନ୍ଦ୍ର ଫଡ୍ନବିସଙ୍କୁ ସେ କଟାକ୍ଷ କରିଛନ୍ତି । ଏହା ସହ ସେ ଏହି ତିନି ଜଣ ନେତାଙ୍କ ନାଁ ନେଇ ସେ କହିଥିଲେ- ସେମାନଙ୍କ ମଧ୍ୟରୁ କିଏ ଇସ୍ତାଫା ଦେବାକୁ ପ୍ରସ୍ତୁତ ହେଉଥିବାବେଳେ କାହାର ଆସନ ଟଳମଳ ହେଉଛି । ମୋଦିଙ୍କୁ ଆଖିଏପି କରି କହିଛନ୍ତି ଯେଉଁମାନେ ଦିନକୁ ୩ଟି ପୋଷାକ ବଦଳାଉଥିଲେ ଏବେ ଗୋଟିଏ ପୋଷାକରେ ୩ଟି କାର୍ଯ୍ୟକ୍ରମରେ ଯୋଗଦାନ କରୁଛନ୍ତି ।
