SunstarTV
୯୩ ବର୍ଷ ବୟସରେ ପ୍ରଖ୍ୟାତ ଗଣମାଧ୍ୟମ ବ୍ୟବସାୟୀ ରୁପର୍ଟ ମର୍ଡୋକ ପଞ୍ଚମ ଥର ପାଇଁ ବିବାହ ବନ୍ଧନରେ ବନ୍ଧା ହୋଇଛନ୍ତି। ବ୍ରିଟିଶ ଖବରକାଗଜ ଦି ସନ୍ ରିପୋର୍ଟ ଅନୁସାରେ ଅଷ୍ଟ୍ରେଲିୟ ବିଲିୟନେୟାର ୬୭ ବର୍ଷିୟ ଏଲିନା ଜୁକୋଭାଙ୍କୁ ସେ କାଲିଫର୍ନିଆରେ ବିବାହ କରିଥିଲେ। ବିବାହ ପରେ ତାଙ୍କ ପତ୍ନୀଙ୍କ ସହ ତାଙ୍କର ଫଟୋ ପ୍ରକାଶ ପାଇଛି।
ମର୍ଡୋକଙ୍କ କମ୍ପାନୀ ନ୍ୟୁଜ କର୍ପ ବିବାହ ସମୟର କିଛି ଫଟୋ ଶେୟାର କରି ଏ ନେଇ ସ୍ପଷ୍ଟ କରିଛି। ଗତ ମାର୍ଚ୍ଚରେ ମର୍ଡୋକ ଏବଂ ଏଲିନାଙ୍କ ମଧ୍ୟରେ ନିର୍ବନ୍ଧ ହୋଇଥିଲା।
ବ୍ଲୁମବର୍ଗ ବିଲିୟନେୟାର ଇଣ୍ଡେକ୍ସ ଅନୁଯାୟୀ, ମର୍ଡୋକ ହେଉଛି ୯.୭୭ ବିଲିୟନ ଡଲାର ମାଲିକ।
ଏଲିନା କିଏ?
ନ୍ୟୁୟର୍କ ଟାଇମ୍ସ ରିପୋର୍ଟ କରିଛି ଯେ ମର୍ଡୋକ ଜୁକୋଭାଙ୍କୁ ଗତ ଗ୍ରୀଷ୍ମ ଋତୁରେ ଡେଟିଂ ଆରମ୍ଭ କରିଥିଲେ। ଉଭୟେ ଚଳିତ ବର୍ଷ ମାର୍ଚ୍ଚରେ ନିର୍ବଦ୍ଧ ହୋଇଥିବା ଘୋଷଣା କରିଥିଲେ। ଏଲିନା ଜୁକୋଭା, ୬୭, ଜଣେ ଋଷ-ଯିହୁଦୀ । ସେ ଜଣେ ଅବସରପ୍ରାପ୍ତ ମଲିକୁଲାର ଜୀବବିଜ୍ଞାନୀ | ସେ ୧୯୯୧ରେ, ସେ ଋଷ ଛାଡି ଆମେରିକା ଆସିଥିଲେ |
ସୂଚନା ମୁତାବକ ମର୍ଡୋକ ୨୫ ବର୍ଷ ବୟସରେ ୧୯୫୬ରେ ପ୍ରଥମ ବିବାହ କରିଥିଲେ। ତାଙ୍କ ପ୍ରଥମ ପତ୍ନୀ ହେଉଛନ୍ତି ପାଟ୍ରିସିଆ ବୁକର। ଏହା ପରେ ୧୯୬୭ ଉଭୟଙ୍କର ବିବାହ ବିଚ୍ଛେଦ ହୋଇଥିଲା। ସେହିବର୍ଷ ମର୍ଡୋକ୍ ସ୍କଟିସ୍ ସାମ୍ବାଦିକା ଆନ୍ନା ମାରିଆ ଟର୍ଭଙ୍କୁ ୨ୟ ବିବାହ କରିଥିଲେ। ୧୯୯୯ ସେମାନଙ୍କର ବିଚ୍ଛେଦ ହୋଇଥିଲା। ଏହା ପରେ ମର୍ଡୋକ୍ ୧୯୯୯ରେ ୱେଣ୍ଡି ଡେଙ୍ଗ ୩ୟ ଏବଂ ୨୦୧୬ରେ ପୂର୍ବତନ ମଡେଲ ଜେରି ହାଲଙ୍କୁ ୪ର୍ଥ ବିବାହ କରିଥିଲେ। ଏହା ତାଙ୍କର ପଞ୍ଚମ ବିବାହ ।
