SUNSTARTV
ସନଷ୍ଟାରଟିଭି ବ୍ୟୁରୋ: ଆଜି ସକାଳୁ ରାଜଧାନୀର ରାଜରାସ୍ତାରେ ଘଟିଛି ଭୟଙ୍କର ସିରିଜ ଦୁର୍ଘଟଣା । ଫଳରେ କାର ଚାଳକ ଗୁରୁତର ହେବା ସହ ଅନେକ ଲୋକେ ଆହାତ ହୋଇଥିବା ଜଣା ପଡିଛି । ଗୁରୁତରଙ୍କୁ କ୍ୟାପିଟାଲ ହସ୍ପିଟାଲରେ ଭର୍ତ୍ତି କରାଯାଇଛି । ସେହିପରି ଆହାତ ମାନଙ୍କୁ ନିକଟସ୍ଥ ମେଡିକାଲକୁ ଚିକିତ୍ସା ପାଇଁ ପଠାଯାଇଛି । ତେବେ ଘଟଣାସ୍ଥଳରେ ପୋଲିସ ପହଞ୍ଚି ସ୍ଥିତିକୁ ନିୟନ୍ତ୍ରଣ କରିଥିବା ଜଣାପଡିଛି ।
ମିିଳିଥିବା ସୂଚନା ଅନୁଯାୟୀ, ଭୁବନେଶ୍ୱର ସତ୍ସଙ୍ଗ ବିହାର ନିକଟରେ ଏକ ବାଇକ୍ ଏବଂ ବୋଲେରୋ ରାସ୍ତା କଡରେ ଛିଡା ହୋଇ କଥା ହେଉଥିଲେ । ଏହା ଦେଖି ଦ୍ରୁତ ଗତିରେ ଆସୁଥିବା ଏକ ଯାତ୍ରୀବାହି ବସ ହଠାତ୍ ବ୍ରେକ ମାରିିଥିଲା । ଫଳରେ ସେହି ଦିଗରୁ ଆସୁଥିବା ଏକ କାର ସହ ଯାଇ ଧକ୍କା ଦେଇଥିଲା ବସ । ଏହାପରେ ସେହି କାରଟି ଅନ୍ୟ ଦୁଇଟି କାରକୁ ମଧ୍ୟ ଶକ୍ତ ଧକ୍କା ଦେଇଥିଲା । ଯେଉଁଥିରେ ଗୋଟିଏ କାର ପୁରା ଭାଙ୍ଗି ଚୁରମାର ହୋଇଯାଇଥିବା ବେଳେ ଅନ୍ୟ କାରର ମଧ୍ୟ ଭାଙ୍ଗି ଯାଇଛି । । ଚହୁଁ ଚାହୁଁ ଆଖି ଆଗରେ ଘଟିଗଲା ଭୟଙ୍କର ଦୁର୍ଘଟଣା । ଯାହାକୁ ଶବ୍ଦରେ ପ୍ରକାଶ କରିବା ହୁଏତ କଷ୍ଟକର ।
ତେବେ ଏହି ଘଟଣାରେ ରସଲଗଡ ଠାରୁ ପଳାଶୁମି ଯାଏଁ ରାସ୍ତା ଜାମ୍ ରହିବା ସହ ଯାତାୟତ ବାଧାପ୍ରାପ୍ତ ହୋଇଥିଲା । ଏହି ଘଟଣାରେ ବସ ବୋଲେରୋ ଏବଂ କ୍ଷତିଗ୍ରସ୍ତ କାରକୁ ଥାନାକୁ ନିଆଯାଇଛି । ଅନ୍ୟପକ୍ଷେ ସେହି ସ୍ଥାନରେ ଟ୍ରାଫିଲ ପୋଲିସ ରହି ଗହଳି ଭାଙ୍ଗିବା ସହ ଯାତାୟତକୁ ସ୍ୱଭାବିକ କରିବାରୁ ଚେଷ୍ଟା କରୁଥିବା ଜଣାପଡିଛି ।
