Sunstar Tv
ମେଷ- ଆଜିର ଚନ୍ଦ୍ର ଉତ୍ତରଭାଦ୍ରବ ନକ୍ଷତ୍ରରେ ଥିବାରୁ ଶନିଙ୍କ ପ୍ରଭାବରେ ବିଚାର ବିଗିଡ଼ିଯିବା ଫଳରେ ଭୁଲ୍ ନିଷ୍ପତ୍ତି ନେଇ ପସ୍ତେଇବେ। କର୍ମକ୍ଷେତ୍ରରେ ଉନ୍ନତି ସାଙ୍ଗକୁ ଆର୍ଥିକ ଅଭିବୃଦ୍ଧି ଘଟିବ। ବିବାଦୀୟ ପରିସ୍ଥିତିରେ ଆଶଙ୍କା କରୁଥିବା ଘଟଣା ସେମିତି କିଛି ହେବ ନାହିଁ। ଶିଳ୍ପ, ବାଣିଜ୍ୟ, ପରିବହନ ଓ ପ୍ରଶାସନିକ କ୍ଷେତ୍ରରେ ଦ୍ୱନ୍ଦ୍ୱ ଦୂର ହେବ।
ବୃଷ- ବୁଧ ଓ ଶୁକ୍ର ଦ୍ୱାଦଶସ୍ଥ ହୋଇ ଚତୁର୍ଥସ୍ଥାନକୁ ଦୃଷ୍ଟି ଦେଉଥିବାରୁ ସଂଘର୍ଷ କରି ଅଭିଳାଷ ପୂରଣ କରିବାରେ ସମର୍ଥ ହେବେ। ପାରିବାରିକ କ୍ଷେତ୍ରରେ ପ୍ରତିବନ୍ଧକର ସାମ୍ନା କରିପାରନ୍ତି। କର୍ମକ୍ଷେତ୍ରରେ ଭଲ କରିବାକୁ ଯାଇ ଅପଦସ୍ଥ ହୋଇପାରନ୍ତି। ବୁଧାଦିତ୍ୟ ଯୋଗ ପ୍ରଭାବରେ ପ୍ରତିଷ୍ଠାର୍ଜନ ସହ ରୁଗ୍ଣ ସ୍ବାସ୍ଥ୍ୟରେ ଉନ୍ନତି ପରିଲକ୍ଷିତ ହେବ।
ମିଥୁନ- ରାଶ୍ୟାଧିପତି ଶୁକ୍ର ଅନ୍ୟ ତିନୋଟି ଗ୍ରହ ସହ ଥିବାରୁ ସାମାଜିକ ସମ୍ମାନ ସହ ବ୍ୟକ୍ତିତ୍ୱର ବିକାଶ ଘଟିବ। କଳା, ସାହିତ୍ୟ, ସଙ୍ଗୀତ ରୁଚି ସହ ବିଳାସପୂର୍ଣ୍ଣ ଘର, ଗାଡ଼ି, ପାଇଁ ମନ ବଳାଇବେ। ପାପଯୁକ୍ତ ଚନ୍ଦ୍ର କୌଣସି ବନ୍ଧୁ ଦ୍ୱାରା ବିବାଦୀୟ ସମସ୍ୟା ସୃଷ୍ଟି କରିପାରେ। ବନ୍ଧୁଙ୍କୁ ଦୀର୍ଘ ସମୟ ଅପେକ୍ଷା କରି ବିରକ୍ତ ହୋଇପାରନ୍ତି।
କର୍କଟ- କର୍ମାଧିପ ପାପଗ୍ରହ ସଂଯୋଗରୁ କର୍ମକ୍ଷେତ୍ରରେ ଶୁଣାକଥାକୁ ବିଶ୍ୱାସ କରି ହଇରାଣରେ ପଡ଼ିପାରନ୍ତି। ତଥାପି ପ୍ରତ୍ୟେକ କ୍ଷେତ୍ରରେ ଆପଣଙ୍କର ମନର ବଳ ଟାଣ ରହିବ ଏବଂ ଜିଦ୍ରେ ଅଟଳ ରହିପାରନ୍ତି। ପ୍ରତ୍ୟେକ କ୍ଷେତ୍ରରେ ଗୁରୁତ୍ୱପୂର୍ଣ୍ଣ କାମରେ ଟେନସନ୍ ଦୂର ହେବ। ଶିଳ୍ପ, ବାଣିଜ୍ୟରେ କ୍ଷତିର ଭରଣା କରିପାରିବେ ନାହିଁ।
ସିଂହ- ରବି ସହ ବୃହସ୍ପତିଙ୍କ ସମ୍ବନ୍ଧରୁ ମାନସିକ ସୁସ୍ଥତା ବ୍ୟାହତ ହୋଇପାରେ। କର୍ମକ୍ଷେତ୍ରରେ ପରିଚାଳନାଗତ ଦକ୍ଷତା ବୃଦ୍ଧି ପାଇବା ସହ ଉପରିସ୍ଥଙ୍କ ପ୍ରୀତିଭାଜନ ହେବେ। ବନ୍ଧୁଙ୍କ ସହ ଟଙ୍କା, ପଇସା କାରବାର କିମ୍ବା ବିବାଦୀୟ ମନ୍ତବ୍ୟକୁ ନେଇ କଳହର ଆଶଙ୍କା ରହିଛି। ବ୍ୟବସାୟ ଓ ପରିବହନରେ ଝଗଡ଼ା କିମ୍ବା ଯାତ୍ରା ସ୍ଥଗିତ ରହିଯାଇପାରେ।
କନ୍ୟା- ଷଷ୍ଠ ଭାବସ୍ଥ ଶନି ଆପଣଙ୍କ ସାଙ୍ଗସାଥୀ, ଭାଇ, ବନ୍ଧୁ ତଥା ପଡ଼ୋଶୀଙ୍କ ସହ ସୁସମ୍ପର୍କ ରକ୍ଷା କରିବାରେ ଅସମର୍ଥ ହେବେ। ଜମିବାଡ଼ିକୁ ନେଇ କଳହ ଲାଗିପାରେ। ଉତ୍ତରା ଫାଲ୍ଗୁନୀ ନକ୍ଷତ୍ର ସଂଯମତା ରକ୍ଷା ନ କଲେ ବିବାଦଗ୍ରସ୍ତ ହୋଇପଡ଼ିବେ। ଶିଳ୍ପ, ବ୍ୟବସାୟ ତଥା ପରିବହନ ପାଇଁ ବିଶେଷ ଅସୁବିଧା ହେବ ନାହିଁ।
ତୁଳା- ରାଶି ପ୍ରତି ଧନ ସପ୍ତମାଧିପତିଙ୍କ ଦୃଷ୍ଟି ଯାତ୍ରା, ବ୍ୟବସାୟ ପାଇଁ ଶୁଭପ୍ରଦ ହେବ। ପାରିପାର୍ଶ୍ୱିକ ପରିସ୍ଥିତିର ପ୍ରତିକୂଳତା ମଧ୍ୟରେ ଚଳିଲେ ମଧ୍ୟ ପାରିବାରିକ ସମର୍ଥନ କର୍ମକୁ ତ୍ୱରାନ୍ବିତ କରିବ। ଆଜି ବନ୍ଧୁଙ୍କ ଜରିଆରେ ଅର୍ଥ, ଜମିଜମା ଲାଭର ସୂଚନା ମିଳିପାରିବ। ସକାଳୁ ଯାତ୍ରାରେ ଜିନିଷ ପତ୍ର ପ୍ରତି ସତର୍କ ରହନ୍ତୁ।
ବିଛା- ମଙ୍ଗଳ ସ୍ବଗୃହରେ ରହି ରାଶିକୁ ଦେଖୁଥିବାରୁ ସଙ୍କଟ ଦୂର କରିବା ସହ ଅଭିଳାଷ ପୂରଣରେ ସାହାଯ୍ୟ କରିବେ। ବାଧ୍ୟବାଧକତାରେ କେତେକ କାମ କରିବାକୁ ପଡ଼ିବ ଓ ସେଥିରେ ସଫଳତା ଅବଶ୍ୟ ହାସଲ କରିବେ। ବାଣିଜ୍ୟ, ବ୍ୟବସାୟ, ପ୍ରଶାସନ, ଯାନବାହନ, ନିର୍ମାଣ ଓ ଯାତ୍ରାରୁ ସୁଫଳ ପାଇବେ।
ଧନୁ- ଦେବଗୁରୁ ରବିଙ୍କ ସହ ଦୁଃସ୍ଥାନରେ ଥିବାରୁ ପରିସ୍ଥିତିକୁ ନିୟନ୍ତ୍ରଣାଧୀନ ରଖିବାରେ ଅସମର୍ଥ ହେବେ। ନିଜ ଲୋକ ଦାଉ ସାଧିବାରୁ କିଛି କହି ପାରିବେନି କିମ୍ବା ସହିପାରିବେନି। ପାରିବାରିକ ଜୀବନ ଗତାନୁଗତିକ ରୀତିରେ ପ୍ରଶଂସା ଓ ପ୍ରୋତ୍ସାହନ ପାଇଁ ମନୋବଳ ବୃଦ୍ଧି ପାଇବ। ଶିକ୍ଷା କ୍ଷେତ୍ର୍ର, ପରୀକ୍ଷା, ଲେଖାପଢ଼ା ଦିଗ ପ୍ରାୟତଃ ମନ୍ଦ ହେବନାହିଁ।
ମକର- ଭାଗ୍ୟାଧିପ ବୁଧ ଯୋଗକାରକ ହୋଇଥିବାରୁ ଅଭିଳଷିତ କାମ ତ୍ୱରାନ୍ବିତ କରିବା ସକାଶେ ଅନ୍ୟମାନଙ୍କୁ ମନେଇବାରେ ସମର୍ଥ ହେବେ। ନିଜ ଲୋକଙ୍କ ଉପରୁ ବିଶ୍ୱାସ ତୁଟିଯିବ ଓ ସେମାନଙ୍କ ପ୍ରତ୍ୟେକ ଘଟଣାକୁ ସନ୍ଦେହ ଦୃଷ୍ଟିରେ ଦେଖିବେ। ଯେଉଁଥିପାଇଁ ଆଶଙ୍କା କରୁଛନ୍ତି ସେଥିରେ କିଛି ହେବ ନାହିଁ।
କୁମ୍ଭ- ପ୍ରତ୍ୟେକ କ୍ଷେତ୍ରରେ ବୁଝାମଣା ଠିକ୍ ରହିବ। ପାରିବାରିକ କ୍ଷେତ୍ରରେ କିଛି ଊଣା ହେବନାହିଁ। ଶିଳ୍ପ, ବାଣିଜ୍ୟ, ପରିବହନ ଓ କଳା ସାହିତ୍ୟରେ ସମସ୍ୟା ସମାଧାନ ହୋଇଯିବ। ଆନୁଷ୍ଠାନିକ କାମରେ ବ୍ୟସ୍ତ ରହି ଗୁରୁତ୍ୱପୂର୍ଣ୍ଣ ଘରୋଇ କାମକୁ ପାସୋରି ଦେଇପାରନ୍ତି।
ମୀନ- ରାଶିରେ ଚନ୍ଦ୍ର ହେତୁ ବନ୍ଧୁଙ୍କ ସାହାଯ୍ୟ ଓ ସମର୍ଥନ ସ୍ଥଗିତ କାମକୁ ତ୍ୱରାନ୍ବିତ କରିପାରିବ। ପାରିବାରିକ କ୍ଷେତ୍ରରେ ଭିତରେ ଭିତରେ କୁହୁଳୁଥିବା ସମସ୍ୟାର ସରଳ ସମାଧାନ ପାଇଁ ରାସ୍ତା ଖୋଲିଯିବ। ସରକାରୀ ସ୍ତରରୁ ଆଶା କରି ରହିଥିବା ବହୁ ପ୍ରତୀକ୍ଷିତ ଖବରଟି ଆଜି ଅପରାହ୍ନେ ପାଇପାରନ୍ତି। ସଙ୍ଗଠନ, ରାଜନୀତିରେ ପୃଷ୍ଠପୋଷକତା ଯୋଗୁ ଆଗେଇଯିବେ।
