Sunstar TV
ଆନିମଲରେ ଇଣ୍ଟିମେଣ୍ଟ ସିନ ଦେଇ ସୋସିଆଲ ମିଡିଆ ସେନ୍ସେସନ ତଥା ନ୍ୟାସନାଲ କ୍ରସ ପାଲଟିଥିବା ଅଭିନେତ୍ରୀ ତ୍ରିପ୍ତୀ ଡ୍ରିମି ବର୍ତ୍ତମାନ ବଲିଉଡରେ ଜଲୱା ଦେଖାଉଛନ୍ତି । ଅଭିନେତ୍ରୀଙ୍କୁ ମିଳୁଛି ଗୋଟିଏ ପରେ ଗୋଟିଏ ଫିଲ୍ମର ଅଫର । ଏହି ଅଭିନେତ୍ରୀ ‘ଭୁଲ ଭୁଲେୟା ୩’ ଓ ‘ମେରେ ମେହବୁବ ମେରେ ସନମ’ରେ ନଜର ଆସିବାକୁ ଥିବା ବେଳେ ଏବେ ତ୍ରିପ୍ତୀ ବଲିଉଡ ଫିଲ୍ମ ନିର୍ମାତା କରଣ ଜୋହରଙ୍କ ସହ ହାତ ମିଳାଇଛନ୍ତି । କରଣ ଜୋହର ଆଗାମୀ ଫିଲ୍ମ ‘ଧଡକ ୨’ ଘୋଷଣା କରିବା ସହ ଫିଲ୍ମ ଷ୍ଟାର କାଷ୍ଟ ଏବଂ ରିଲିଜ ଡେଟ ମଧ୍ୟ ପ୍ରକାଶ କରିଛନ୍ତି । କରଣ ଜୋହର ନିଜ ଇନଷ୍ଟାଗ୍ରାମରେ ଏକ ଭିଡିଓ ସେୟାର କରି ଆଗାମୀ ଫିଲ୍ମ ‘ଧଡକ ୨’ ଘୋଷଣା କରିଛନ୍ତି । ଏହି ଚଳଚ୍ଚିତ୍ରରେ ସିଦ୍ଧାର୍ଥ ଚତୁର୍ବେଦୀ ଏବଂ ତ୍ରିପ୍ତୀ ଡ୍ରିମି ମୁଖ୍ୟ ଭୂମିକାରେ ନଜର ଆସିବେ । ଏଥିରେ ଉଭୟଙ୍କ ମୋଶନ ପୋଷ୍ଟର ଦେଖିବାକୁ ମିଳିଛି । ତେବେ କହିରଖୁଛୁ କି, ଏହି ଫିଲ୍ମରେ ପ୍ରଥମ ଥର ପାଇଁ ଏହି ଯୋଡିକୁ ପରଦାରେ ଏକାଠି ରୋମାନ୍ସ କରୁଥିବା ଦେଖିବାକୁ ମିଳିବ । ସିଦ୍ଧାନ୍ତ ଚତୁର୍ବେଦୀ ଏବଂ ତ୍ରିପ୍ତୀଙ୍କ ‘ଧଡକ ୨’ କରଣ ଜୋହରଙ୍କ ପ୍ରଡକ୍ସନ ହାଉସ ଧର୍ମା ଚଳଚ୍ଚିତ୍ର ଦ୍ୱାରା ନିର୍ମିତ ହେବ । ଏହି ଚଳଚ୍ଚିତ୍ରରେ ଏକ ଅସମ୍ପୂର୍ଣ୍ଣ ପ୍ରେମ କାହାଣୀ ପ୍ରଦର୍ଶିତ ହେବ । ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେବେ ଶାଜିଆ ଇକବାଲ । ସୂଚନା ଥାଉ କି, ‘ଧଡକ ୨’ ‘ଧଡକ’ର ସିକ୍ୱେଲ ଅଟେ । ଜାହ୍ନବୀ କପୁର ଏବଂ ଇଶାନ ଖଟ୍ଟରଙ୍କ ଅଭିନୀତ ‘ଧଡକ’ ୨୦୧୬ରେ ମୁକ୍ତିଲାଭ କରିଥିଲା । ଏହି ଫିଲ୍ମ ସହ ଜାହ୍ନବୀ ବଲିଉଡରେ ଡେବ୍ୟୁ କରିଥିଲେ । ଏହା ମରାଠୀ ଚଳଚ୍ଚିତ୍ର ‘ସୈରତ’ର ହିନ୍ଦୀ ରିମେକ ଥିଲା । ଏବେ ସିଦ୍ଧାର୍ଥ ଏବଂ ତ୍ରିପ୍ତୀଙ୍କ ଯୋଡିଙ୍କୁ ଦେଖିବାକୁ ମିଳିବ ।
