ଧର୍ମଶାଳା ବିଜେଡି ବିଧାୟକ ପ୍ରାର୍ଥୀଙ୍କ ଉପରେ ଆକ୍ରମଣ ଅଭିଯୋଗ

Sunstar TV

ଭୁବନେଶ୍ୱର : ଧର୍ମଶାଳା ବିଜେଡି ବିଧାୟକ ପ୍ରାର୍ଥୀ ତଥା ରାଜ୍ୟ ବିଜେଡି ଯୁବ ଛାତ୍ର ସାଧାରଣ ସମ୍ପାଦକ ପ୍ରଣବ କୁମାର ବଲବନ୍ତରାୟଙ୍କୁ ଜୀବନରେ ମାରିଦେବାକୁ ଉଦ୍ୟମ । ଧର୍ମଶାଳା ‘ପାଖର’ ପଂଚାୟତରେ ବିଜେଡି ର ରାଲି ବେଳେ ହଠାତ୍ ଦ୍ରୁତ ଗତିରେ ମାଡି ଆସିଲା ଏକ ଧଳା ରଙ୍ଗର ସ୍କର୍ପିଓ । ଡ୍ରାଇଭରଙ୍କ ଉପସ୍ଥିତ ବୁଦ୍ଧି ଯୋଗୁଁ ଧକ୍କା ହେବା ପୁର୍ବରୁ ଏକ ବଡ ଅଘଟଣରୁ ବର୍ତିଲେ ବିଧାୟକ ପ୍ରଣବ ବଳବନ୍ତରାୟ । ଧଳା ସ୍କର୍ପିଓ ଧକ୍କା ରେ ଅନେକ ଦୁଇ ଚକିଆ ଯାନ ଭାଙ୍ଗିବା ସହ ୧୦ ରୁ ଉର୍ଦ୍ଧ ବିଜେଡି କର୍ମୀ ଆହତ ହୋଇଛନ୍ତି କିନ୍ତୁ ଭାଗ୍ୟ ବଳରେ ଅଳ୍ପକେ ବର୍ତ୍ତିଯାଇଛନ୍ତି ପ୍ରଣବ । ଏଭଳି ଜଘନ୍ୟ କାଣ୍ଡ ଭିଆଇବା ପରେ ଘଟଣା ସ୍ଥଳରୁ ସ୍କର୍ପିଓ ଛାଡି ଚମ୍ପଟ ମାରିଚି ଡ୍ରାଇଭର ଫେରାର୍। ତେବେ ସୂଚନା ଯୋଗ୍ୟ ଯେ ଉକ୍ତ ସ୍କର୍ପିଓ ଚାଳକ ଜଣେ ପୂର୍ବତନ ସରପଞ୍ଚ । ହାରିବା ଭୟରେ ନିର୍ବାଚନ ପୂର୍ବରୁ ବିରୋଧି ଦଳର ଏହା ଏକ ହୀନ ଚକ୍ରାନ୍ତ ବୋଲି ଅଭିଯୋଗ ଆଣିଲେ ବିଧାୟକଙ୍କ ସମର୍ଥକ । ଏହି ଘଟଣାର ପ୍ରକୃତ କାରଣ ଜାଣିବା ପାଇଁ ଯାଜପୁର ଏସପି ତଦନ୍ତ କରୁଛନ୍ତି ।