SUNSTARTV
ସନଷ୍ଟାରଟିଭି ବ୍ୟୁରୋ: ରାଜ୍ୟରେ ତୃତୀୟ ପର୍ଯ୍ୟାୟ ମତଦାନ ଚାଲିଛି । ୬ଟି ଲୋକସଭା ଏବଂ ୪୨ଟି ବିଧାନସଭା ଆସନରେ ପଡୁଛି ଭୋଟ । ଯେଉଁଥିରେ ପ୍ରାୟ ୯୪ ଲକ୍ଷ ଭୋଟର ନିଜର ମଦସାବ୍ୟସ୍ତ କରିଛିନ୍ତି । ସେହିପରି ୬୪ ଜଣ ସାସଂଦ ପ୍ରାର୍ଥୀ ଏବଂ ୩୮୩ ଜଣ ବିଧାୟକ ପ୍ରାର୍ଥୀ ନିଜର ଭାଗ୍ୟ ପରୀକ୍ଷା କରିଛନ୍ତି । ତେବେ ଓଡିଶାରେ ସନ୍ଧ୍ୟା ୫ଟା ସୁଦ୍ଧା ମୋଟ ୫୯.୬୦ ପ୍ରତିଶତ ମତଦାନ ହୋଇଛି । ଏନେଇ ସୂଚନା ଦେଇଛନ୍ତି ରାଜ୍ୟ ନିର୍ବାଚନ ଅଧିକାରି । ତେବେ ୬ଟି ଲୋକସଭା କ୍ଷେତ୍ରରୁ ସବୁଠାରୁ ଅଧିକ ଭୋଟ ଦେଓଗଡରେ ହୋଇଥିବା ବେଳେ ସର୍ବନିମ୍ନ ଭୋଟ ଭୁବନେଶ୍ୱର ଲୋକସଭା କ୍ଷେତ୍ରରେ ହୋଇଛି ।
ସେହିଭଳି ବିଧାନସଭା କ୍ଷେତ୍ରରେ କୁଚିଣ୍ଡାରେ ସର୍ବାଧିକ ମତ ସଂଗ୍ରହ କରାଯାଇଛି । ଭୁବନେଶ୍ୱର ମଧ୍ୟରେ ସର୍ବନିନ୍ନ ଭୋଟର ମତଦାନ କରିଛନ୍ତି । ସେପଟେ ୱେବକାଷ୍ଟିଂରେ ବୁଥ ମନିଟରିଂ କରୁଛନ୍ତି ରାଜ୍ୟ ନିର୍ବାଚନ ଅଧିକାରୀ । ସେହିପରି ଦିନ ୫ଟା ସୁଦ୍ଧା ଦେଓଗଡରେ ୬୭ ପ୍ରତିଶତ ହୋଇଥିବା ବେଳେ ଢେଙ୍କାନାଳରେ ୫୮ଦଶମିକ ୬୯ ପ୍ରତିଶତ ,କେଉଁଝର ୬୨ ଦଶମିକ ୫୯ ପ୍ରତିଶତ ଖୋର୍ଧା ୫୪ ଦଶମିକ ୩୫ ପ୍ରତିଶତ ଓ ମୟୁରଭଂଜ ୬୫ ଦଶମିକ ୬୧ ପ୍ରତିଶତ ରହିଛି ।
