Sunstar TV
ଭୁବନେଶ୍ୱର : ହରିୟାଣାରେ ଛାତିଥରା ଦୁର୍ଘଟଣା । ବସ୍ ଆକ୍ସିଡେଣ୍ଟେ ରେ୭ ଜଣ ଙ୍କ ମୃତ୍ୟୁ ହୋଇଥିବା ବେଳେ ୨୦ ଜଣ ଗୁରୁତର ଆହତ ହୋଇଛନ୍ତି । ଏଭଳି ଏକ ମର୍ମନ୍ତୁଦ ଦୁର୍ଘଟଣା ଘଟିଛି ଅମ୍ବାଲା ଅହମଦାବାଦ-ଦିଲ୍ଲୀ-ଜମ୍ମୁ ଜାତୀୟ ରାଜପଥରେ ।ଉତ୍ତପ୍ରଦେଶରୁ ୩୦ ଜଣ ଯାତ୍ରୀଙ୍କୁ ନେଇ ବସ୍ଟି ବୈଷ୍ଣୋଦେବୀ ତୀର୍ଥକ୍ଷେତ୍ର ଅଭିମୁଖେ ଯାଉଥିବା ବେଳେ ଏକ ଟ୍ରକ ବସଟିକୁ ଧକ୍କା ଦେଇଥିଲା । ଫଳରେ ବସଟି ସମ୍ପୂର୍ଣ୍ଣ ଭାଙ୍ଗିଯାଇଛି । ସମସ୍ତ ଗରୁତରଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି । ଏ ସୂଚନା ଦେଇଛନ୍ତି ଅମ୍ବାଲ ସିଭିଲ ହସ୍ପିଟାଲରର ଡାକ୍ତର କୈଶଲ କୁମାର । ସେପଟେ ଖବର ପାଇ ଘଟଣା ସ୍ଥଳରେ ପୋଲିସ ପହଁଛି ମୃତ ଦେହ ଗୁଡିକୁ ବ୍ୟବଚ୍ଛେଦ ପାଇଁ ପଠାଇବା ସହ ଘଟଣାର ତଦନ୍ତ କରୁଛି ।
