Sunstar TV
ତାଇଓ୍ବାନ ଚାରିପଟେ ଦୁଇ ଦିନ ଧରି ଚୀନ ସମରାଭ୍ୟାସ ଜାରି ରଖିଛି । ଏହାକୁ ନେଇ ତାଇଓ୍ବାନରେ ଅବସ୍ଥାପିତ ଆମେରିକା ସ୍ପେଶାଲ ଫୋର୍ସ ହାଇ ଆଲର୍ଟରେ ରହିଛି । ତାଇୱାନର ନୂତନ ରାଷ୍ଟ୍ରପତି ଲାଇ ଚିଙ୍ଗ-ଟିଙ୍କୁ ଦଣ୍ଡ ଦେବା ପାଇଁ ଚୀନ୍ ଶୁକ୍ରବାର ଦିନ ମକ୍ ମିସାଇଲ୍ ଆକ୍ରମଣ କରିଥିଲା ଏବଂ ବୋମା ବିସ୍ଫୋରଣକାରୀଙ୍କ ସହ ଜୀବନ୍ତ କ୍ଷେପଣାସ୍ତ୍ରରେ ସଜ୍ଜିତ ଯୁଦ୍ଧ ବିମାନ ପଠାଇଥିଲା ବୋଲି ରାଜ୍ୟ ଟେଲିଭିଜନ ସିସିଟିଭିରୁ ଜଣାପଡିଛି ।
ତାଇଓ୍ବାନ ମଧ୍ୟ ଏହାର ମୁକାବିଲା ପାଇଁ ସମୁଦ୍ର ତଟରେ ସୁପରସୋନିକ ଆଣ୍ଟି-ସିପ ମିଶାଇଲ ଏଚ୍ଏଫ୍-୩ ମୁତୟନ କରିଛି। ସୂଚନାଯୋଗ୍ୟ, ତାଇଓ୍ୱାନର ନୂତନ ରାଷ୍ଟ୍ରପତି ଭାବେ ଲାଇ ଚିଙ୍ଗ-ତେ ଶପଥ ଗ୍ରହଣ କରିବାର ତିନି ଦିନ ପରେ ଚୀନ ଏଭଳି ପଦକ୍ଷେପ ଗ୍ରହଣ କରିଛି । ନୂତନ ରାଷ୍ଟ୍ରପତି ଚୀନ ବିରୋଧି ନେତା ହୋଇଥିବା ବେଳେ ତାଙ୍କୁ ନିର୍ବାଚିତ ନ କରାଇବା ପାଇଁ ତାଇଓ୍ବାନ ନାଗରିକଙ୍କୁ ଚୀନ ଚେତାବନୀ ଦେଇଥିଲା । ହେଲେ ଲାଇ ଚିଙ୍ଗ-ତେ ବିଜୟ ହୋଇଥିଲେ । ଏନେଇ ଚୀନ ପକ୍ଷରୁ କୁହାଯାଇଥିଲା, ‘ତାଇଓ୍ବାନ ନାଗରିକଙ୍କ କାର୍ଯ୍ୟକଳାପ ଯୋଗୁଁ ତାଙ୍କୁ ଦଣ୍ଡ ମିଳିବ’ । ଏହାପରେ ତାଇଓ୍ବାନ ଚାରିପଟେ ମିଳିତ ସମରାଭ୍ୟାସ ଆରମ୍ଭ କରିଛି ଚୀନ୍ । ତାଇୱାନର ନୂତନ ରାଷ୍ଟ୍ରପତି ଲାଇ ଚିଙ୍ଗ-ଟିଙ୍କୁ ଦଣ୍ଡ ଦେବା ପାଇଁ ଚୀନ୍ ଶୁକ୍ରବାର ଦିନ ମକ୍ ମିସାଇଲ୍ ଆକ୍ରମଣ କରିଥିଲା । ବୋମା ବିସ୍ଫୋରଣକାରୀଙ୍କ ସହ ଜୀବନ୍ତ କ୍ଷେପଣାସ୍ତ୍ରରେ ସଜ୍ଜିତ ଯୁଦ୍ଧ ବିମାନ ପଠାଇଥିଲା ।
ନୌସେନାର ଜାହାଜ ସହିତ ସମନ୍ୱୟ ରକ୍ଷା କରି ସିମୁଲେଡ୍ ଆକ୍ରମଣ କରିଥିଲା । କାରଣ ଚୀନ୍ ତାଇୱାନର ପ୍ରମୁଖ କ୍ଷେତ୍ରକୁ ନିୟନ୍ତ୍ରଣ କରିବା ପାଇଁ କ୍ଷମତା ପରୀକ୍ଷା କରିଥିଲା । ତେବେ ତାଇୱାନ ବିରୁଦ୍ଧରେ ଚୀନ୍ ର ଏହି ସୈନ୍ୟ ଅଭ୍ୟାସ ଏବେ ସାରା ବିଶ୍ୱକୁ ଚିନ୍ତାରେ ପକାଇ ଦେଇଛି । କୁହାଯାଉଛି ଚୀନ୍ ତାଇୱାନ ଷ୍ଟ୍ରେଟ୍, ଉତ୍ତର, ଦକ୍ଷିଣ ତାଇୱାନ ଓ ପୂର୍ବ ତାଇୱାନକୁ ଚାରିପଟୁ ଘେରିଯାଇଛି । ଚୀନ୍ ଏହାର ବାୟୁସେନା, ନୌସେନା, ରକେଟ୍ ଫୋର୍ସକୁ ପୁରା କ୍ଷମତା ସହିତ ତାଇୱାନ ବିରୁଦ୍ଧରେ ପ୍ରସ୍ତୁତ କରି ରଖିଛି । ଚୀନ୍ ଏହାର ସୈନ୍ୟ ଡ୍ରିଲ୍କୁ ପନିଶମେଣ୍ଟ ଡ୍ରିଲ୍ ନାମ ଦେଇଛି ।
ଏଠାରେ ସୂଚାଇ ଦିଆଯାଇପାରେ କି ୩ ଦିନ ତଳେ ତାଇୱାନର ନୂଆ ରାଷ୍ଟ୍ରପତି ୱିଲିୟମ ଲାଇ ଚିଙ୍ଗ ତେ ଶପଥ ନେଇଛନ୍ତି ଯିଏ କି ଚୀନ୍ ର କଟ୍ଟର ବିରୋଧୀ ଭାବରେ ପରିଚିତ । ଏଥିପାଇଁ ଚୀନ୍ ତାଇୱାନର ନୂଆ ରାଷ୍ଟ୍ରପତି ୱିଲିୟମ ଲାଇ ଚିଙ୍ଗ ତେଙ୍କୁ ୱାର ଡ୍ରିଲ ଜରିଆରେ ଧମକ ଦେଇଛନ୍ତି । ଚୀନ୍ କୌଣସି ସମୟରେ ତାଇୱାନ ଉପରେ କବଜା କରିପାରେ । ତେବେ ଚୀନର ଏପରି କାର୍ଯ୍ୟକୁ ନେଇ ତାଇୱାନ ରାଷ୍ଟ୍ରପତି କଡା ପ୍ରତିକ୍ରିୟା ରଖିଛନ୍ତି । ସେ କହିଛନ୍ତି ଦେଶର ରକ୍ଷା ଲାଗି ମୁଁ ସେନା ବାହିନୀ ସହ ପ୍ରଥମ ଧାଡିରେ ଛିଡା ହୋଇରହିବି ।
