Sunstar TV
ମୁମ୍ବାଇ : ଶେଷ ପର୍ଯ୍ୟାୟରେ ଇଣ୍ଡିଆନ ପ୍ରିମିୟମ ଲିଗ୍ । ଗୋଟେ ଟିମ୍ ଆଉ ଏକ ଟିମକୁ ଦେଉଛି କଡା ଟକ୍କର । ଏହାରି ଭିତରେ ଗତକାଲି ରୟାଲ ଚ୍ୟାଲେଞ୍ଜର ବେଙ୍ଗାଲୁର ରାଜସ୍ଥାନ ରୟାଲ୍ସ ଠାରୁ ପରାଜିତ ହୋଇଛି । ଫଳରେ ଆରସିବି ଫାଇନାଲ ରେସ୍ରୁ ବାଦ୍ ପଡିଛି । ତେବେ ଏହାରି ଭିତରେ ଏବେ ବେଶ ଚର୍ଚ୍ଚାରେ ରହିଛନ୍ତି ମୁମ୍ବାଇ ଇଣ୍ଡିଆନ୍ସର ମହାନ ଖେଳାଳୀ ରୋହିତ ଶର୍ମା । ରୋହିତଙ୍କ ଫ୍ୟାନଙ୍କ ପାଇଁ ଏହା ଏକ ବଡ ଦୁଖଃ ଖବର । ଖୁବଶୀଘ୍ର ରୋହିତ ନେବେ ଏମ୍ଆଇରୁ ବିଦାୟ । ଏନେଇ ସେ ଘୋଷଣା କରିପାରନ୍ତି । ହେଲେ ଏଯାଏଁ ସ୍ପଷ୍ଟ କରିନାହାଁନ୍ତି । ଏପରିକି ରୋହିତ ଶର୍ମା ମୁମ୍ବାଇ ଇଣ୍ଡିଆନ୍ସକୁ ଛାଡିବା ପରେ ଅନ୍ୟ କେଉଁ ଦଳରେ ମିଶିବେ, ତାହା ଏକ ଚର୍ଟ୍ଟାର ବିଷୟ ପାଲଟିଛି । ରୋହିତ ଶର୍ମା ଚେନ୍ନାଇ ଦଳରେ ଖେଳିପାରନ୍ତି। ମାତ୍ର ଏହାକୁ ନେଇ କେହି କିଛି ସ୍ପଷ୍ଟ କହି ନାହାଁନ୍ତି । ମୁମ୍ବାଇ ଇଣ୍ଡିଆନ୍ସର ନୂଆ କ୍ୟାପଟେନ୍ ହାର୍ଦ୍ଦିକ ପାଣ୍ଡ୍ୟା ଓ ରୋହିତ ଶର୍ମାଙ୍କ ମଧ୍ୟରେ ବିବାଦ ଦେଖାଯାଇଛି। ମଇଦାନରୁ ଡ୍ରେସିଙ୍ଗ ରୁମ୍ ଯାଏଁ ଦୁଇ ଜଣଙ୍କ ମଧ୍ୟରେ ବିବାଦ ଦେଖାଯାଉଛି, ଯାହାର ସିଧାସଳଖ ପ୍ରଭାବ ଟିମ୍ ଉପରେ ପଡୁଛି। ଏବେ ଆଶା କରାଯାଉଛି ଯେ, ରୋହିତ ଶର୍ମା ଟିମ୍ ଛାଡି଼ବା ଘୋଷଣା କରି ମୁମ୍ବାଇ ଇଣ୍ଡିଆନ୍ସକୁ ବଡ ଝଟକା ଦେଇପାରନ୍ତି। ଏହି ଖବରକୁ ନେଇ ଅଧିକାରୀଙ୍କ ତରଫରୁ କେହି କିଛି କହିନାହାନ୍ତି। ସେ ମୁମ୍ବାଇ ଇଣ୍ଡିଆନ୍ସକୁ ଛାଡି ଚେନ୍ନାଇ ସୁପର କିଙ୍ଗସର ହାତ ଧରିବେ। ଯଦି ଏପରି ହୁଏ, ତେବେ ମୁମ୍ବାଇକୁ ଝଟକା ଲାଗିପାରେ।
