SUNSTARTV
ସନଷ୍ଟାରଟିଭି ବ୍ୟୁରୋ: ବର୍ଷାଙ୍କ ଉପରେ ବର୍ଷିଲେ ଅନୁଭବ । ରାଜ୍ୟସରକାର ଏବଂ ବିଜେଡି ବିଧାୟିକ ପ୍ରାର୍ଥୀ ବର୍ଷାପ୍ରିୟଦର୍ଶିନୀକୁ ଟାର୍ଗେଟ କଲେ ଅନୁଭବ । ସେ ଏକ ପ୍ରେସମିଟ କରି ପୂର୍ବପତ୍ନୀ ବର୍ଷାପ୍ରିୟଦର୍ଶିନୀଙ୍କ ଉପରେ ଖୁବ ବର୍ଷିଛନ୍ତି । କେବଳ ବର୍ଷା ନୁହେଁ ରାଜ୍ୟସରକାରଙ୍କୁ ବି ଛାଡି ନାହାନ୍ତି ଅନୁଭବ । କ୍ଷୁବ୍ଧ ହୋଇ ଅନୁଭବ କହିଛନ୍ତିରାଜ୍ୟସରକାର ତାଙ୍କୁ ଜାଣିଶୁଣି ହଇରାଣ କରୁଛନ୍ତି । ପୁରୁଣା କଥାକୁ ଦୋହରାଇ ତାଙ୍କ ସହ ଖେଳ ଖେଳୁଛନ୍ତି । ସେ କହିଛନ୍ତି ପୁରୁଣା ଫାଇଲ ଖୋଲି ତାଙ୍କ ଉପରେ ଚାର୍ଜସିଟ୍ ଲଗାଉଛି ,ଯେଉଁଟାକି ସମ୍ପୂର୍ଣ୍ଣ ରୂପେ ଭିତ୍ତିହୀନ । କାରଣ କୌଣସି କୋର୍ଟ ସରକାରଙ୍କ ଅଧିନରେ ନଥାଏ । କୋର୍ଟ ଆଇନ ଅନୁଯାୟୀ ହିଁ କାମ କରିଥାଏ । ଏଥିସହିତ କାହାର ବ୍ୟକ୍ତିଗତ ମାମଲାରେ ସରକାରଙ୍କର କୌଣସି ପ୍ରକାର ହସ୍ତକ୍ଷେପ ମଧ୍ୟ ନଥାଏ । ହେଲେ ଅନୁଭବଙ୍କ ଏହି ପ୍ରେସ ବର୍ତ୍ତା ପରେ ବିଭିନ୍ନ ମହଲରେ ଭିନ୍ନ ଭିନ୍ନ ଚର୍ଚ୍ଚା ହେଉଛି । ଶୁଣିବାକୁ ମିଳୁଛି ଅନୁଭବ ତାଙ୍କ ପୂର୍ବ ପତ୍ନୀଙ୍କ ଲୋକପ୍ରିୟତା ଦେଖି ସହିପାରୁ ନାହାନ୍ତି । ଫଳରେ ପ୍ରେସମିଟ କରି ଏପରି କଥା କହୁଥିବା ସାଧାରଣରେ ଚର୍ଚ୍ଚା ହେଉଛି ।
ବିଜେଡି ବର୍ଷାଙ୍କୁ ଦଳରେ ସାମିଲ କରିବା ସହ ଟିକେଟ ମଧ୍ୟ ଦେଇଛି । ଆଉ ଟିକେଟ ପାଇବା ପରେ ଏବେ ପ୍ରଚାରରେ ଜୋରସୋରରେ ଲାଗିଛନ୍ତି ବର୍ଷା । ସେ ବଡଚଣାର ଘର ଘରବୁଲି ସରକାରଙ୍କ ଲୋକାଭିମୁଖି କାର୍ଯ୍ୟ ବିଷୟରେ କହିବା ସହ କରୁଛନ୍ତି ଭୋଟ ଭିକ୍ଷା । ଯାହାକୁ ଦେଖି ସହି ପାରୁନାହାନ୍ତି ଅନୁଭବ । ବର୍ଷାଙ୍କ ଲୋକପ୍ରିୟତା ହଜାଇ ଦେଇଛି ଅନୁଭବଙ୍କ ନିଦ । ଫଳରେ ଅନ୍ୟ କୌଣସି ଉପାୟ ନପାଇ ଏପରି ପ୍ରେସମିଟ କରି ବର୍ଷାଙ୍କୁ ଟାର୍ଗେଟ କରୁଥିବା ବୁଦ୍ଧିଜୀବୀ ମହଲରେ ଚର୍ଚ୍ଚା ହେଉଛି ।ପ୍ରେସ ମିଟ କରି ଭିତ୍ତି ହୀନ ଭାବେ ସମୟ ନଷ୍ଟ କରିବା ସହ ଅନ୍ୟ ସଭିଙ୍କ ସମୟ ବର୍ବାଦ କରୁଥିବା ବିଭିନ୍ନ ମହଲରେ ଶୁଣିବାକୁ ମିଳୁଛି ।
